Namaz

Hollandiyada xristianlar namaz qıldı

84
(Yenilənib 16:34 10.11.2017)
Şagirdləri məscidə ziyarətə gətirən, liseydə "Həyat Bilgisi" dərsi deyən müəllim Gea Rebel deyib ki, artıq 13 ildir dərs keçdiyi şagirdlərlə birgə bu məscidi ziyarət edirlər

BAKI, 10 noyabr — Sputnik. Hollandiyanın "Almende İsala" liseyinin 275 nəfər şagirdi maraqlı praktika keçiblər. Sputnik Azərbaycan "Timeturk"-ə istinadən xəbər verir ki, tələbələr din dərsi çərçivəsində İslamı yaxından öyrənmək üçün Ulfit qəsəbəsindəki Səlahəddin Əyyubi məscidini ziyarət ediblər.

Məscidin imamı Mehmet Şükrü Alakay tələbələrə İslam dini haqqında geniş məlumatlar verib. "Biz əsl müsəlmanın xarakterini və İslamın nə olduğunu şagirdlərə izah etməyə çalışırıq. Onlarla eyni cəmiyyət içində yaşayırıq. Bizi daha yaxşı anlamaları və tanımaları üçün bunu edirik" — imam deyib.

Şagirdləri məscidə ziyarətə gətirən, liseydə "Həyat Bilgisi" dərsi deyən müəllim Gea Rebel deyib ki, artıq 13 ildir dərs keçdiyi şagirdlərlə birgə bu məscidi ziyarət edirlər.

"Din dərsində İslam haqqında nəzəri məlumat verməkdənsə, məscidi ziyarət edərək Hollandiyadakı müsəlmanların həyat tərzlərini və təcrübələrini yaxından görməyin daha faydalı olacağını düşünürük. Kənardan çox sözlər deyilir. Və təəssüf ki, çoxlarımız deyilənlərə dərhal inanırıq. Bu çox asan bir şeydi. Əsas olan eşitdiklərimizin doğru olub-olmadığını yerində öyrənməkdir. İslam dini haqqında şagirdlərimizin çoxu yanlış təsəvvürdə idilər. Bu ziyarətlə onlar indi tamamilə başqa cür düşünür" — Gea Rebel deyib.

Hollandiyalı tələbələr daha sonra imamla birgə namaz qılıblar.

84
Teqlər:
Hollandiya, İslam, xristian, namaz, 'Almende İsala' liseyi
Əlaqədar
İsrail əsgərləri namaz qılmaq istəyən gənci gülləbaran etdi
Namaz vaxtı məscid bombalandı
Namaz vaxtı elə bir hadisə baş verdi ki...
Azərbaycanda etnik azlıq: xristiandırlar, amma oruc tutub, namaz qılırlar
Təhsil naziri Emin Əmrullayev

Təhsil naziri narazı müəllimlərə cavab verdi

5
(Yenilənib 19:08 04.08.2021)
Emin Əmrullayev deyib ki, 30 baldan aşağı bal toplayan müəllimlər müəllim kimi işə qəbul olunmur. Müəllim əgər 30 baldan yuxarı toplayıbsa o, prinsipcə müəllim işləyə bilər.

BAKI, 4 avqust — Sputnik. Təhsil naziri Emin Əmrullayev özünün sosial şəbəkə hesabında Müəllimlərin İşə Qəbul İmtahanın ədalətsiz keçirilməsi ilə bağlı ittihamlara cavab verib. Sputnik Azərbaycan-ın məlumatına görə, nazir bildirib ki, namizədlər riyaziyyat və ingilis dili ixtisasları üzrə MİQ imtahanlarının çətinliyindən şikayətlənməkdə müəyyən qədər haqlıdırlar.

"Suallar çətin olub, amma imtahanlar ədalətsiz olmayıb. MİQ imtahanlarında ibtidai sinif üzrə 3 920 müəllim 41-60 bal aralığında nəticə göstərib. Ümumilikdə 402 nəfər 56-60 bal yığdığından onlar arasında rəqabət yaranacaq. Riyaziyyat fənni üzrə isə 3 nəfər 56-60 bal yığıb, amma ingilis dili fənni üzrə heç bir namizəd bu nəticəni göstərə bilməyib. Bu o demək deyil ki, həmin fənn müəllimlərinin biliyi zəifdir. Bütün bunlar ilkin nəticələrdir. Riyzaiyyat fənni müəllimləri başa düşməlidirlər ki, suallar çətin olsa da, imtahanlar ədalətsiz təşkil olunmayıb", - deyə nazir bildirib.

E.Əmrullayev onu da bildirib ki, 30 baldan aşağı bal toplayan müəllimlər müəllim kimi işə qəbul olunmur.

"Müəllim əgər 30 baldan yuxarı toplayıbsa o, prinsipcə müəllim işləyə bilər", - deyə nazir vurğulayıb. 

Nazir imtahan vaxtının uzadılması ilə bağlı təkliflərin dəyərləndiriləcəyini, müddətin artırılmasının mümkün olduğunu söyləyib və məktəblərdə vakant yerlərin gizlədilməsindən də danışıb. Onun sözlərinə görə, əgər kimdəsə belə fakt varsa nazirliyə müraciət edə bilər.

"Bu barədə bəzən media da yazır. Amma məktəbin adını qeyd etmir. Əgər düşünürsünüzsə ki, hansısa məktəblərdə vakant yerlər gizlədilib, bu barədə bizə məlumat verin. Məktəblərin adını qeyd edin, araşdıraq", - deyə nazir söyləyib.

Eləcə də oxuyun:

5
Teqlər:
nazir, təhsil, müəllim, məktəb, imtahan
Milli Televiziya və Radio Şurası

MTRŞ müsabiqənin nəticələrini açıqlayıb, heç bir iddiaçıya lisenziya verilməyib

7
(Yenilənib 18:55 04.08.2021)
Şuranın iclasında aparılan müzakirələrdə müəyyən edilib ki, bəzi iddiaçıların təqdim etdiyi sənədlərdə göstərilmiş texniki və yaradıcılıq imkanları, o cümlədən, kadr potensialı barədə məlumatlar yerində baxış zamanı öz təsdiqini tapmır.

BAKI, 4 avqust - Sputnik. Bu gün Milli Televiziya və Radio Şurasının təhsil və elmi-maarifləndirici ümumrespublika televiziya kanalının açılması üçün elan etdiyi müsabiqəyə yekun vurulub.

Bu barədə MTRŞ-dan bildirilib.

Məlumata görə, Milli Televiziya və Radio Şurasının 2021-ci il iyunun 7-dən iyulun 7-dək ixtisaslaşmış (təhsil və elmi-maarifləndirici) ümumrespublika televiziya kanalının açılması ilə bağlı (Bakı şəhəri və Abşeron yarımadası ərazisində SD yayım üçün 48-ci TV yayım kanalı, HD yayım üçün 34-cü TV yayım kanalı) elan etdiyi müsabiqə üçün 6 iddiaçı (“APA Mark” MMC, “Təhsil TV” MMC, “Balans Studiyası” MMC, “İNS ÇM” MMC, “İsti Press” MMC və “Medical Media” MMC) sənədlərini təqdim edib.

Həmin sənədləri araşdırmaq, həmçinin, iddiaçıların məkanında baxış keçirərək sənədlər üzrə tədqim olumuş məlumatların həqiqətə uyğunluğunu yoxlamaq, habelə ümumilkə televiziya kanalının açılması üçün zəruri iqtisadi, texniki, yaradıcı və kadr potensialının mövcudluğunu öyrənmək məqsədilə Şura tərəfindən müsabiqə komissiyası təşkil olunub. Müsabiqə komissiyası həm sənədlərlə tanışlığın, həm də yerində baxışın nəticəsi ilə bağlı Şuraya hər bir iddiaçı barədə arayış təqdim edib.

Milli Televiziya və Radio Şurasının iclasında təqdim olunmuş arayışlar əsasında geniş müzakirələr aparılıb. Müəyyən edilib ki, bəzi iddiaçıların təqdim etdiyi sənədlərdə göstərilmiş texniki və yaradıcılıq imkanları, o cümlədən, kadr potensialı barədə məlumatlar yerində baxış zamanı öz təsdiqini tapmır, bəzi iddiaçılarda yayım üzrə təqdim olunmuş proqram konsepsiyası müsabiqə şərtlərinə (ixtisaslaşma sahəsinə) uyğun gəlmir, bəzi iddiaçılarda isə ümumilkə televziya yayımının təşkil olunması üçün texniki-iqtisadi göstəricilər qənaətbəxş deyil. Bununla da Şura heç bir iddiaçıda təhsil, elm və maarifləndirmə janrlı ümumölkə televiziya kanalının fəaliyyəti üçün müvafiq potensialın olmadığı qənaətinə gəlib.

Milli Televiziya və Radio Şurası qeyd olunanları nəzərə alaraq, “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ nömrəli Qanununun 18.4.1-ci maddəsini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş “Milli Televiziya və Radio Şurası haqqında Əsasnamə”nin 8.6-cı bəndini rəhbər tutaraq müsabiqənin yekunlarına görə qalib seçilmədiyi üçün iddiaçılara xüsusi razılıq (lisenziya) verilməsindən imtina olunması barədə qərar qəbul edib.

Həmçinin oxuyun:

MTRŞ-yə yeni üzv təyin olundu - Onu "Qulp"dan tanıyırıq

MTRŞ-nın yeni cəzası effekt verir - Telekanallar artıq qanunları poza bilməyəcəklər

7