Səudiyyəli əsgərlər Yəmənlə sərhəddə, arxiv şəkli

Səudiyyə Ərəbistanında "yumşaq" çevriliş: İzlər Amerika Türkiyəyə aparır

435
(Yenilənib 11:59 07.11.2017)
İddiaya görə, şahzadə ABŞ-la əlbir olaraq Ərdoğanı devirmək üçün Türkiyədəki anti-iqtidar qüvvələrə maliyyə dəstəyi də verib

BAKI, 7 noyabr — Sputnik. Səudiyyə Ərəbistanında 11 şahzadə, 4 nazir və bir çox keçmiş nazirlərin həbs olunması ciddi müzakirəyə çevrilib. İş o yerə çatıb ki, məsələyə ABŞ prezidenti Donald Tramp da qarışıb. Sputnik Azərbaycan xəbər verir ki, Tramp "Twitter" səhifəsində həbslərə münasibət bildirib.

"Kral Salman və vəliəhd şahzadəyə etimadım tamdır. Onlar nə etdiklərini çox yaxşı bilirlər. Yəqin ki, bəziləri vəzifədən sui-istifadə edərək ölkəni çapıb-talayıblar" – ABŞ rəhbəri yazıb.

​Həbslərlə bağlı işi aparan prokuror Səud əl-Mucib deyib ki, bu hələ başlanğıcdır: "Korrupsiya ilə bağlı əlimizdə xeyli sayda dəlillər var. Proses hələ başlanğıcdır, davamı gələcək".

Bəzi ərəb analitiklər isə yaşananları hakimiyyət uğrunda mübarizə adlandırıblar. Londonda yaşayan "Yaxın Şərq Mərkəzi" araşdırma bürosunun professoru Mədavi əl-Rəşid BBC-yə açıqlamasında deyib ki, əməliyyatın əsas səbəbi, vəliəhd şahzadənin öz iqtidarını gücləndirmək istəməsidir.

"Bunun korrupsiya əməliyyatı olduğunu söyləmək çətindir. Açıq deyirəm ki, vəliəhd Məhəmməd bin Salman bütün gücü əlində toplamağa çalışır. O, öz əmisi oğlu şahzadə Miteb bin Abdullahı özünə ciddi rəqib olaraq görür. Və istəyir ki, onu da aradan götürsün. Çünki Miteb, müasir silahlarla təchiz edilmiş ordunun ən vacib qollarına nəzarət edir. Vəliəhdin qarşısında dayana biləcək yeganə güc məhz Miteb bin Əbdüləzizdir" — əl-Rəşid qeyd edib.

Maraqlıdır ki, Səudiyyə Ərəbistanında həbslərlə başlayan siyasi proseslər, səbəbi bilinməyən helikopter qəzası və diqqət çəkən ölümlərlə müşayiət olunub.

Helikopter qəzasında dünyasını dəyişən 8 nəfərdən biri şahzadə Mənsur bin Mukrindir. O, keçmiş vəliəhd şahzadə Mukrin bin Əbdüləzizin oğludur.

Səudiyyə Ərəbistanı kralı Salman bin-Əbdüləziz, arxiv şəkli
© AFP 2020 / FAYEZ NURELDINE

Bundan başqa, Səudiyyə Ərəbistanında daha bir şahzadənin ölüm xəbəri yayılıb. Belə ki, Səudiyyə polisi paytaxt Riyaddakı otellərdən birinə basqın edərək 11 şahzadə və 4 naziri həbs edib. Bu əsnada şahzadə Əbdüləziz bin Fahd əməliyyata etiraz edib. Nəticədə silahlı qarşıdurma yaşanıb. Şahzadə öldürülüb. Bəzi mənbələr isə şahzadənin oteldə infarktdan öldüyünü deyir.

Sputnik Azərbaycan "Timeturk"-ə istinadən xəbər verir ki, Əbdüləziz bin Fahd, 2 ay əvvəl sosial şəbəkədə yazdığı bir mesajında Birləşmiş Ərəb Əmirliklərinin vəliəhd şahzadəsi Zeyd əl-Nəhyanı təkəbbürlükdən dönməyə və Allahın yoluna qayıtmağa çağırmışdı.

Qeyd edək ki, həmin ərəfədə BƏƏ şahzadəsi Zeyd əl-Nəhyan Qətər dövlətinin tamamilə mühasirəyə alınması, ən sərt embarqoların tətbiq edilməsi üçün Səudiyyə Ərəbistanı rəhbərliyi ilə ciddi danışıqlar aparırdı. Hətta əl-Nəhyanın adı Türkiyədəki 15 iyul çevrilişində də hallanmışdı. İddiaya görə o, ABŞ-la əlbir olaraq Ərdoğanı devirmək üçün Türkiyədəki anti-iqtidar qüvvələrə maliyyə dəstəyi də verirdi. Məhz bu əməllərinə görə oteldə öldürülən şahzadə Əbdüləziz bin Fahd, Zeyd əl-Nəhyanı "şeytan üzlü" adlandırmışdı.

435
Teqlər:
həbslər, ABŞ prezidenti Donald Tramp, Ərdoğan, Səudiyyə Ərəbistanı, Türkiyə, çevriliş, korrupsiya, şahzadə
Əlaqədar
Sadıxov: “Səudiyyə Ərəbistanı və İran arasındakı gərginlik regiona təsir edəcək”
QMİ: Ümrə ziyarətinə görə Səudiyyə Ərəbistanı ilə hələ ki, müqavilə imzalanmayıb
Səudiyyə Ərəbistanının zəvvarlara qarşı sərt qərarı qüvvəyə mindi
Putindən Səudiyyə kralına vacib xatırlatma
Səudiyyə Ərəbistanı Həcc ziyarəti barədə önəmli açıqlama yayıb
BMT iclası

BMT Təhlükəsizlik Şurası Dağlıq Qarabağa görə toplandı

34
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

34
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

211
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

211
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib