Beynəlxalq xurma festivalı

Min bir dərdin dərmanı olan meyvə - Balakəndə xurma festivalı

1163
(Yenilənib 22:02 06.11.2017)
Tədbir sayəsində nəinki digər rayonlar, həm də xarici ölkələr də bu meyvədən hazırlanan məmulatlarla tanış olacaq

Şahpəri Abbasova, Sputnik Azərbaycan

Bakı, 6 noyabr — Sputnik. Balakən rayonunda ilk dəfə "Beynəlxalq xurma festivalı" keçirilib. Sputnik Azərbaycan-ın bölgə müxbirinin verdiyi məlumata görə, tədbir ümummilli lider Heydər Əliyevin adını daşıyan mədəniyyət və istirahət parkında baş tutub.

Balakən rayon Tarix və Diyarşünaslıq Muzeyinin direktoru Xəlifə Mirəliyevin sözlərinə görə, sözügedən tədbir yerli əhali üçün də əhəmiyyətlidir: "Əvvəllər xurma və xurmadan hazırlanan məhsullar qiyməti yox idi. Min bir dərdin dərmanı olmasına baxmayaraq yerli camaatın xurmaya olan həvəsi ölmüşdü. Tədbir sayəsində nəinki digər rayonlar, həm də xarici ölkələr də bu meyvədən hazırlanan məmulatlarla tanış olacaq. Bu, Balakən camaatı üçün çox yaxşı qazanc mənbəyinə çevriləcək".

  • Beynəlxalq xurma festivalı
    Beynəlxalq xurma festivalı
    © Sputnik / Shahperi Abbasova
  • Beynəlxalq xurma festivalı
    Beynəlxalq xurma festivalı
    © Sputnik / Shahperi Abbasova
  • Beynəlxalq xurma festivalı
    Beynəlxalq xurma festivalı
    © Sputnik / Shahperi Abbasova
1 / 3
© Sputnik / Shahperi Abbasova
Beynəlxalq xurma festivalı

Beynəlxalq festivalda Azərbaycan Dövlət Neft Şirkətinin (SOCAR) prezidenti Rövnəq Abdullayev, millət vəkilləri, Azərbaycanda fəaliyyət göstərən beynəlxalq təşkilatların, xarici ölkə səfirliklərinin nümayəndələri və rayon ictimaiyyətinin nümayəndələri iştirak edib.Festivalda xurmadan hazırlanan kulinariya məhsulları  və eksponatlar sərgilənib.Tədbirdə həmçinin yerli sənətkarların əl işləri, yerli folklor nümunələri nümayiş olunub.

Rəsmi açılış mərasimindən sonra tədbir iştirakçıları parkda xurmadan hazırlanmış kulinariya məhsullarına və kompozisiyalara baxıb, kənd təsərrüfatı məhsullarının sərgiləri ilə tanış olublar.

Daha sonra Katex kəndində yeni yaradılan “Balxurma” müəssisəsi ilə tanışlıq olub, festivalın keçirildiyi mədəniyyət və istirahət parkının ərazisində xurma ağacları əkilib. Festivalda respublikanın tanınmış müğənniləri konsert proqramı ilə çıxış edib.

Qeyd edək ki, festival 2 gün davam edib.

1163
Teqlər:
kulinariya məhsulları, millət vəkilləri, Beynəlxalq festival, xurma, Balakən, Rövnəq Abdullayev
Əlaqədar
Bakı Caz Festivalının hansı uğurları var?
Məmmədov: “Azərbaycanın Soçi festivalında iştirakı uğurlu oldu”
Soçidəki gənclər festivalı azərbaycanlıların gözü ilə
Kukla Teatrı növbəti beynəlxalq festivalda
Bakıda Beynəlxalq Musiqi Festivalı keçiriləcək

İsmayıllının qaranlıq günü: Orada işıqlar niyə sönür?

4
(Yenilənib 14:32 20.01.2021)
"Azərişıq" ASC-nin mətbuat xidmətinin rəhbəri Vaqif Aydınoğlu: "Hələ ki, İsmayıllıdan başqa heç bir yerdə elektrik enerjisinin verilməsində problem yaranmayıb".

Zülfiyyə Quluyeva, Sputnik Azərbaycan

BAKI, 20 yanvar — Sputnik. Ötən gündən etibarən yağan güclü qar İsmayıllı rayonunda elektrik enerjisinin verilişində problemlər yaradıb. Sputnik Azərbaycan-ın "Report"a istinadən məlumatına görə, yağan qar rayonda su, qaz və rabitə sahəsinə elə də ciddi problem yaratmasa da, elektrik verilişində kəsilmələr qeydə alınıb. Eyni zamanda, güclü qar yollarda müəyyən çətinliklərin yaranmasına səbəb olub. Rayondaxili, magistral və dağətəyi kənd yollarının qardan təmizlənilməsinə başlanılıb. Hazırda texnika və canlı qüvvə tərəfindən yollarda hərəkətin təhlükəsizliyini və fasiləsizliyini təmin etmək məqsədilə müvafiq işlər görülür.

"Azərişıq" ASC-nin mətbuat xidmətinin rəhbəri Vaqif Aydınoğlu Sputnik Azərbaycan-a açıqlamasında bildirib ki, ölkə üzrə elektrik enerjisinin verilməsində problem yalnız İsmayıllıda yaranıb. Bu isə mövcud hava şəraiti ilə bağlıdır:

"Hazırda rayon ərazisinə düşən qarın hündürlüyü 30-40 santimetrə çatıb. Bu səbəbdən də xətdə açılma baş verib. Amma artıq bu istiqamətdə işlər görülüb. Açılma olub, bərpa olunub. İsmayıllıda 20 dəqiqədən sonra elektrik enerjisinin verilməsi təmin olunacaq. Hələ ki, İsmayıllıdan başqa heç bir yerdə elektrik enerjisinin verilməsində problem yaranmayıb. Bizim qurumun əməkdaşları mövcud hava şəraiti ilə əlaqədar gücləndirilmiş iş rejiminə keçiblər".

4
Türkiyənin Xarici İşlər naziri Mövlud Çavuşoğlu, arxiv şəkli

"Şəhidlərin simvolu qərənfillər bu gün xarı bülbül ilə birlikdə açır" - Çavuşoğlu

5
(Yenilənib 14:02 20.01.2021)
Türkiyə XİN başçısı deyib ki, şəhidlərin simvolu qərənfillər bu gün azad Azərbaycan torpaqlarının simvolu olan xarı bülbül ilə birlikdə açır.

BAKI, 20 yanvar — Sputnik. "20 yanvar 1990-cı ildə Can Azərbaycanın istiqlalı uğrunda həyatlarını fəda edən qardaşlarımızı rəhmətlə anıram". Sputnik Azərbaycan xəbər verir ki, bu barədə Türkiyənin xarici işlər naziri Mövlud Çavuşoğlu "Twitter" hesabında paylaşım edib.

"Şəhidlərin simvolu qərənfillər bu gün azad Azərbaycan torpaqlarının simvolu olan xarı bülbül ilə birlikdə açır. Üç rəngli bayrağınla məsud yaşa Can Azərbaycan!", - deyə Çavuşoğlu yazıb.

5
Teqlər:
20 Yanvar qətliamı, 20 Yanvar faciəsi, "20 yanvar", Şəhidlər Xiyabanı, şəhidlər, Türkiyə xarici işlər naziri Mövlud Çavuşoğlu, xarici işlər naziri Mövlud Çavuşoğlu, Mövlud Çavuşoğlu