Cocuq mərcanlıda 150-yə yaxın mexanizatorun sürücülük vəsiqəsi dəyişdirilib

Cocuq Mərcanlının 150-yə sakininin sürücülük vəsiqəsi dəyişdirilib

51
(Yenilənib 16:08 16.10.2017)
"Səyyar xidmət" qrupu Cocuq Mərcanlıda olub

BAKI, 16 oktyabr — Sputnik. Kənd Təsərrüfatı Nazirliyinin (KTN) Baş Dövlət Texniki Nəzarət Müfəttişliyinin "səyyar xidmət" qrupu traktor və digər mexaniki nəqliyyat vasitələrini idarə etmək üçün sürücülük vəsiqəsinin dəyişdirilməsi, texnikaların dövlət qeydiyyatına alınması, traktor və digər mexaniki nəqliyyat vasitələrinə dövlət texniki baxışının keçirilməsi ilə bağlı növbəti tədbiri Cəbrayıl rayonunun Cocuq Mərcanlı kəndində keçirib.

Nazirliyin mətbuat xidmətindən Sputnik Azərbaycan-a verilən məlumata görə, Cocuq Mərcanlı kənd tam orta məktəbində təşkil olunan səyyar xidmət zamanı Cəbrayıl və Füzulidən olan 150-yə yaxın mexanizatorun vaxtı keçmiş sürücülük vəsiqələri dəyişdirilib. Altı nəfərdən, o cümlədən Cocuq Mərcanlı kənd sakini Oqtay Həziyevdən nəzəri imtahan qəbul edilərək, sürücülük vəsiqəsi verilib.

Cocuq mərcanlıda 150-yə yaxın mexanizatorun sürücülük vəsiqəsi dəyişdirilib
© Photo : Kənd Təsərrüfatı Nazirliyinin mətbuat xidməti
Cocuq mərcanlıda 150-yə yaxın mexanizatorun sürücülük vəsiqəsi dəyişdirilib

Baş Dövlət Texniki Nəzarət Müfəttişliyinin baş məsləhətçi müfəttişi Azər Qarayev jurnalistlərə müsahibəsində bildirib ki, Müfəttişlik tərəfindən respublikanın 15 regionunda traktor və digər mexaniki nəqliyyat vasitələrini idarə etmək üçün imtahan-qeydiyyat məntəqələri yaradılıb: "Baş Dövlət Texniki Nəzarət Müfəttişliyində yaradılmış "Səyyar xidmət" qrupu ilə bərabər bu məntəqələrdə və respublikanın digər rayonlarında sürücülük vəsiqəsinin verilməsi və dəyişdirilməsi, texnikaların dövlət qeydiyyatına alınması və dövlət texniki baxışı keçirilməsi proseslərini həyata keçirir. "Səyyar xidmət" qrupu vasitəsilə bu günə qədər respublika üzrə 5 mindən artıq mexanizatorun etibarlılıq müddəti bitmiş sürücülük vəsiqələri dəyişdirilib, 200-dən çox nəqliyyat vasitəsi texniki baxışdan keçirilib, 100-dən çox vətəndaşdan nəzəri imtahan qəbul edilib".

51
Teqlər:
sürücülük vəsiqəsi, Baş Dövlət Texniki Nəzarət Müfəttişliyi, Kənd Təsərrüfatı Nazirliyi
Əlaqədar
"Cocuq Mərcanlıdakı erməni vandalizmini hər kəs gördü"
Dövlət başçısından Cocuq Mərcanlı ilə bağlı yeni sərəncam
Prezident Cocuq Mərcanlı kəndinin sakinini mükafatlandırıb
Cocuq Mərcanlıda yenə partlamamış hərbi sursatlar aşkarlanıb
Cocuq Mərcanlıda 1.5 milyon kv.metr ərazidə axtarış aparılıb
Nikol Paşinyan, arxiv şəkli

Paşinyanın pasportu azərbaycanlıların əlinə necə keçib?

6
(Yenilənib 21:19 26.01.2021)
Keçmiş ekspert Andranik Ovannisyan "azərbaycanlıların Nikol Paşinyanın diplomatik pasportunu ona verdikləri" barədə məlumat paylaşıb.

BAKI, 26 yanvar - Sputnik. Ermənistanın baş naziri Nikol Paşinyanın diplomatik pasportu Azərbaycanla sülh imzalanan gün oğurlanıb. 

Sputnik Azərbaycan RİA Novosti-yə istinadən bildirir ki, bu barədə Ermənistan XİN-in mətbuat katibi Anna Nağdalyan deyib. 

Onun sözlərinə görə, 2020-ci il noyabrın 10-da Qarabağda hərbi əməliyyatların dayandırılması barədə bəyannamə imzalanmasına etiraz edən insanlar hökumət binasını, parlamenti və baş nazirin mülkünü dağıdıblar, pasport da o vaxt oğurlanıb. Sonra Paşinyan özü də deyib ki, həmin gün imarətindən "kompüter, saat, parfüm, sürücülük vəsiqəsi və digər əşyalar oğurlanıb". 

"Noyabrın 10-da bir qrup insanın Ermənistan hökumətinin binasına hücumu nəticəsində 14 diplomatik pasport oğurlanıb. Onları elə həmin gün XİN ləğv edib. Həmin pasportların arasında Ermənistanın baş nazirinin sənədi də olub", - "Armenpress" Nağdalyanın sözlərini sitat gətirir. 

Agentlik yazır ki, "Orbeli" erməni analitik mərkəzinin keçmiş eksperti, Ermənistana girişi qadağan olunmuş Andranik Ovannisyan "azərbaycanlıların Ermənistanın baş naziri Nikol Paşinyanın diplomatik pasportunu ona verdikləri" barədə məlumat paylaşıb.

6
Kişi kabab bişirir, arxiv şəkli

İki manatından keç, piknikini elə

8
(Yenilənib 20:44 26.01.2021)
Piknik etmək üçün yer axtarmaq indən belə çətin olmamalıdır. Nazirlik rəsmisinin sözlərinə görə, milli parklarda piknikə icazə var

BAKI, 26 yanvar — Sputnik. "Milli parklarda piknik etmək olar, bunun üçün parklarda turist marşrutları üzrə piknik nöqtələri də yaradılıb".

Sputnik Azərbaycan-ın məlumatına görə, bunu ETSN Bioloji Müxtəlifliyin Qorunması Xidmətinin rəisi Firuddin Əliyev "Ekspert saatı"nda deyib.

Onun sözlərinə görə, piknik nöqtələrinin sayı milli parklarda keçən ilə nisbətən daha da artırılıb: "Nazirlər Kabineti tərəfindən milli parklara giriş qiyməti 2 manat müəyyən edilib. Bu vəsait hər bir mili parkın xüsusi fondunda toplanır və parkın imkanlarının yaxşılaşdırılmasına sərf edilir".

8
Teqlər:
icazə, milli park, piknik