Sputnik studiyası

Sputnik XIX Ümumdünya gənclər tələbə festivalına dəstək olacaq

44
(Yenilənib 14:06 13.10.2017)
Siyasətçilər, artistlər, dünya səviyyəli idmançılar, dünya problemlərinə öz baxışları olan gənclər çıxış edəcəklər

BAKI, 13 oktyabr — Sputnik. Sputnik Beynəlxalq İnformasiya Agentliyi və Radiosu 14-22 oktyabr tarixlərində Soçidə baş tutacaq XIX Ümumdünya gənclər və tələbə festivalını işıqlandıracaq. Agentlik həmin tədbirin beynəlxalq informasiya tərəfdaşı kimi çıxış edir. Sputnik-in təqdimat stendində iştirakçılar, festival, Rusiya və dünya xəbərlərini izləyə, agentliyin fəaliyyəti ilə tanış ola biləcəklər.

Həftə ərzində Sputnik stendində fəaliyyət göstərən radiostudiyada siyasətçilər, artistlər, dünya səviyyəli idmançılar, dünya problemlərinə öz baxışları olan gənclər çıxış edəcəklər. Gənclərin, müasir gəncliyin qarşısında duran məsələləri hakimiyyət nümayəndələri, iqtisadi ekspertlər, elm və mədəniyyət xadimləri ilə müzakirə etmək imkanı olacaq.

Bu müddət ərzində festival xəbərlərini və həmçinin dünyada baş verən əsas hadisələri canlı olaraq Sputnik stendində quraşdırılan xüsusi videomonitorda izləmək mümkün olacaq. Xəbərləri Sputnik-in dünyanın müxtəlif nöqtələrində yerləşən 15 redaksiyası hazırlayacaq.

XIX Ümumdünya gənclər və tələbə festivalı Soçi şəhərində 14-22 oktyabr tarixlərində keçiriləcək və dünyanın 180 ölkəsindən müxtəlif sahələrdən 20 000 gənc mütəxəssisi öz ətrafında toplayacaq. Tədbirin təşkilində çoxsaylı könüllülər ordusu kömək edəcək. Rusiya və digər ölkələrdən könüllülər dəstəsinə 5 min gənc cəlb edilib.

Sputnik (sputniknews.com) — onlarla ölkədə informasiya və multimedia bölmələri fəaliyyət göstərən xəbər agentliyi və radiodur. Sputnik 30 dildə saytları, analoq və rəqəmsal radioyayımı, mobil tətbiqləri və sosial şəbəkələrdə səhifələri özündə birləşdirir. Sputnik xəbər lentləri abunəçilər üçün gün boyu ingilis, ərəb, ispan və çin dillərində çıxır.

44
Teqlər:
XIX Ümumdünya gənclər və tələbə festivalı, Sputnik Beynəlxalq İnformasiya Agentliyi və Radiosu
Əlaqədar
Deputat Sputnik-i hədəfə alanlardan danışdı
NATO Baş katibi Sputnik-ə önəmli açıqlama verdi
Sputnik və "Todes"dən master klass
Fotoqraflar Sputnik Azərbaycan-a yığışdılar
Sputnik Azərbaycan-ın əməkdaşları Azərbaycan Mətbuat Tarixi Muzeyini ziyarət ediblər
Hirkan Milli Parkında ayı

Heyvanları qəfəsdə saxlayan restoran sahibi cəzalanıb

12
(Yenilənib 23:56 07.08.2020)
R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

BAKI, 8 avqust — Sputnik. İsmayıllı rayonu "Günəş Park" restoranında heyvanların qəfəsdə saxlanılması ilə bağlı şikayət Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

Sputnik Azərbaycan xəbər verir ki, bu barədə xidmətin rəis müavini Ramal Bağırov danışıb.

O bildirib ki, aparılan araşdırma zamanı sözügedən istirahət mərkəzində qəfəslərdə saxlanılan zebra, dovşan, dəvə, meymun, maral, tovuzquşu, qırqovul və dəvəquşunun xaricdən gətirilməsinə dair rəsmi təsdiqedici sənədlərinin olduğu, lakin saxlanılması üçün müvafiq icazə sənədinin olmadığı məlum olub.

"Faktla bağlı istirahət mərkəzinin rəhbəri Sərxan İsgəndərov barəsində akt, protokol tərtib olunub və o, 2000 manat məbləğində cərimə edilib.

Zooloji kolleksiyanın yaradılması məqsədilə icazə sənədinin alınması üçün restoran sahibinə icrası məcburi olan "məcburi göstəriş" verilib".

R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

12
İstintaq təcridxanası, arxiv şəkli

Penitensiar müəssisələrdə epidemioloji cəhətdən gərgin mühit yoxdur

2
Bütün müəssisələr üzrə sanitar nəzarət postları qurulub, bu postlar fərdi mühafizə vasitələri, termometrlər, dezinfeksiyaedici avadanlıq və digər vasitələrlə təchiz edilib.

BAKI, 7 avqust — Sputnik. Ədliyyə Nazirliyində onlayn qaydada ictimai müzakirə təşkil olunub. "Ədliyyə fəaliyyəti: ictimai müzakirə" mövzusunda onlayn qaydada ictimai müzakirə təşkil olunub. İctimai müzakirədə iştirak edən Ədliyyə Nazirliyinin Tibb Baş İdarəsinin rəis müavini İftixar Qurbanov və Tibb Baş İdarəsinin Müalicə işinin təşkil idarəsinin rəisi Füzuli Hüseynov Ədliyyə Nazirliyində tibb xidmətinin təşkili işi barədə məlumat veriblər.

Bildirilib ki, demək olar ki, bütün müəssisələr üzrə sanitar nəzarət postları qurulub, bu postlar fərdi mühafizə vasitələri, termometrlər, dezinfeksiyaedici avadanlıq və digər vasitələrlə təchiz edilib. Hər bir qurumda infeksiyaya nəzarət üçün lazımi şərait yaradılıb və işlər bu gün də davam etdirilir.

Eyni zamanda penitensiar müəssislərə daxil olan bütün nəqliyyat vasitələrinin, ərazinin dezinfeksiyasına başlanılıb. Eyni zamanda, əməkdaşlar, məhkumlar arasında tibbi maska gəzdirməyin, fiziki məsafənin saxlanılmasının əhəmiyyəti, əllərin yuyulması və digər təlimatlar üzrə bütün göstərişlər çatdırılıb.

Bundan başqa, vurğulanıb ki, Ədliyyə Nazirliyinin rəhbərliyi tərəfindən maarifləndirmə işinin önəmi diqqətə alınmaqla, hələ ilk vaxtlardan etibarən əməkdaşların bu infeksiya ilə mübarizə istiqamətində məlumatlandırılması, onlara lazımi biliklərin aşılanması ilə bağlı tabe qurumlara müvafiq göstərişlər verilib. Məhz bu istiqamətdə atılan ilk addımlardan biri kimi, yoluxma faktı aşkarlanacağı təqdirdə həmin şəxslərin dərhal müalicəsinin təmin edilməsi, təmaslara nəzarət olunması, karantin qaydalarına riayət olunmasına diqqət yetirilməsi və digər qabaqlayıcı tədbirləri görmək üçün mütəxəssislər ayrıldı, ixtisaslaşmış müalicə müəssisəsinin nəzdində xüsusi şöbələr müəyyənləşdirildi. Həmin şəxslər Həkimlərin Təkmilləşdirmə İnstitutunda kurslarda iştirak etdilər. Hazırda bu proseslər həyata keçirilir və bütün penitensiar müəssisələrdə epidemioloji cəhətdən gərgin mühit yoxdur, infeksiyaya tam nəzarət olunur. Nəzarət tədbirləri fasiləsiz davam etdirilir.

2