Bahar Nəbiyeva

Əzələləri ilə dünyanı heyran edən azərbaycanlı qız danışdı

862
(Yenilənib 16:07 11.10.2017)
Azərbaycanlı fitnes-model dünya ulduzlarının sevimlisinə çevrilib

BAKI, 11 oktyabr — Sputnik. Uzun illərdir Ukraynada yaşayan, Bakıda anadan olmuş məşhur bodibilder Bahar Nəbiyeva ilk dəfə özü və fəaliyyəti barədə danışıb. Sputnik Azərbaycan-ın məlumatına görə, o, "Facebook" sosial şəbəkəsində özü haqqında videomüsahibəni paylaşıb.

Nəbiyeva etiraf edib ki, çoxsaylı fəaliyyətlərlə, eləcə də xeyriyyəçilik işləri ilə məşğuldur. Lakin heç vaxt öz maraqları və şəxsi həyatı barədə məlumatları paylaşmır, çünki bunu zəruri hesab eləmir. O, hər gün idman zalını ziyarət edir, trenajorlarla məşğul olur və özünün nazik bel, cazibəli omba və ayaqları ilə tanınmış pozasında şəkil çəkdirməyi də unutmur.

Bye bye Mexico!thank you!also thank you for my team for bringing me there! @dragonpharma_llc

Публикация от Бахар Набиева (@bakharnabieva) Авг 1 2017 в 6:55 PDT

 

Qız əlavə edib ki, sosial şəbəkədə daha çox izləyici toplamaq üçün heç nə etmir. Onun sözlərinə görə, adamlar özləri onu təqib edirlər və fəaliyyətini izləyirlər.

Xatırladaq ki, Bahar Nəbiyevanın 23 yaşı var. Onun atası azərbaycanlı, anası isə ukraynalıdır. O, Bakıda anadan olub və sonra ailəsi ilə birlikdə Ukraynaya köçüb. Hazırda Alfred Nobel adına Dnepropetrovsk Universitetində təhsil alır.

 

Sosial şəbəkədə o, "Miss Polad Omba" ("Miss Stalnaya Popa" — dilimizdə qeyri-etik səsləndiyinə görə, dəqiq tərcümə etmirik — red.) ləqəbi ilə məşhurdur. O, 2012-2013-cü illərdə universitetdə keçirilən pauerliftinq yarışlarında iştirak edərək müvafiq mükafatları qazanıb.

2015-ci ilin aprelində Nəbiyeva Dnepr Kuboku yarışlarında fitnes-bikini kateqoriyası üzrə iştirak edərək beşinci yeri tutub. Hazırda idmançı enerji çatışmazlığı səbəbindən sərt dieta və nəticəyə hesablanmış ağır məşqlər tələb etdiyi üçün müsabiqələrdə iştirakla maraqlanmır.

T-shirt from my guys @dragonpharma_llc ❤ If you stay positive in a negative situation you win Pic by @nikolay_lukash

Публикация от Бахар Набиева (@bakharnabieva) Июл 5 2017 в 1:55 PDT

 

Nəbiyevanın sosial şəbəkələrdəki paylaşımlarını təkcə sadə istifadəçilər deyil, dünya şöhrətli məşhurlar da izləyir. Dünya şöhrətli ifaçılar Lil Wayne və 50 Cent dəfələrlə onun şəkillərinə, ona heyran olduqlarını bildirən şərhlər yazıblar.

862
Teqlər:
"Miss Stalnaya Popa", omba, bodibilder, Bahar Nəbiyeva, əzələ ağrıları, qız, Ukrayna, Bakı
Əlaqədar
Bakıda idmançı qızın faciəli ölümü polisi yeni qərar verməyə vadar edib
Azərbaycandan qovulan idmançı Rio-2016-nın qızıl medalını Qazaxıstana apardı
İdmançı xanım: "İki oğlandan birini döydüm, o biri qaçdı"
Hərbçi

Qarabağda xidmət edən hərbçilərin maaşına 100 faiz əlavə edilib

5
İşğaldan azad edilmiş və hazırda infrastruktur qurulmayan ərazilərdə hərbi xidmət keçən hərbçilərin vəzifə maaşlarına isə 50 faiz həcmində müddətli əlavələr təyin olunub.

BAKI, 2 mart — Sputnik. "Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib".

Bu barədə Sputnik Azərbaycan-nın sorğusuna cavab olaraq Müdafiə Nazirliyindən məlumat verilib.

"Əmrə əsasən Azərbaycan Ordusunun Ermənistanla dövlət sərhədində və Azərbaycanın Qarabağ bölgəsində Rusiya Federasiyası sülhməramlı kontingentinin yerləşdirildiyi zonaya bitişik ərazilərdə hərbi xidmət keçən hərbi qulluqçuların vəzifə maaşlarına 100 faiz həcmində müddətli əlavələr təyin edilib.

İşğaldan azad edilmiş və hazırda infrastruktur qurulmayan ərazilərdə hərbi xidmət keçən hərbçilərin vəzifə maaşlarına isə 50 faiz həcmində müddətli əlavələr təyin olunub. Qeyd edək ki, əmr cari ilin yanvar və fevral ayları üçün ödəniləcək pul təminatına da şamil edilir", - məlumatda qeyd olunub.

5
Azərpoçtun binası, arxiv şəkli

"Azərpoçt"a yeni baş direktor təyin olundu

5
Nazir Rəşad Nəbiyevin əmri ilə, bir müddət öncə "Azərpoçt" MMC-nin Baş direktoru Emin Ramiq oğlu Əfəndiyev tutduğu vəzifədən azad olunub.

BAKI, 2 mart — Sputnik. Nəqliyyat, Rabitə və Yüksək Texnologiyalar Nazirliyinə məxsus "Azərpoçt" MMC-yə yeni baş direktor təyin edilib. Sputnik Azərbaycan-ın məlumatına görə, xəbər verir ki, nazir Rəşad Nəbiyevin əmri ilə, bu vəzifəyə Əfqan Cəlilov təyinat alıb. Qeyd edək ki, o, bu vaxta qədər baş direktorun müavini vəzifəsində çalışıb.

Xatırladaq ki, Rəşad Nəbiyevin əmri ilə, bir müddət öncə "Azərpoçt" MMC-nin Baş direktoru Emin Ramiq oğlu Əfəndiyev tutduğu vəzifədən azad olunub.

5