Turistlər

"Mənim azərbaycanlılara qarşı antipatiyam var" - Böyük qalmaqal

3677
(Yenilənib 15:09 11.10.2017)
Çexiyada azərbaycanlılara qarşı saxta pul ittihamı və ya turistlərimizin bu ölkədə incidilməsinə səbəb nə olub?

BAKI, 11 oktyabr — Sputnik. Bir müddət əvvəl məlumat yayılmışdı ki, Çexiyada Azərbaycandan olan turistlərə qarşı kobud davranırlar. Bu barədə bizimyol.info-ya adının çəkilməsini istəməyən iş adamı məlumat verib. O, turist kimi istirahətə getdiyi Karlovı Varı şəhərində yerli polis tərəfindən saxlanılaraq polis idarəsinə aparılıb.

"Mənə dedilər ki, "üstünüzdə saxta pul var, araşdırmalıyıq". Araşdırdılar, təbii ki, saxta pul aşkarlanmadı. Bu müddətdə hansısa otaqda deyil, dəhlizdə 3 saat avtomat silah altında ayaq üstə gözlətdilər. Polis rəisi "Mənim Azərbaycandan olanlara qarşı antipatiyam var" dedi. Daha sonra sərbəst buraxdılar. Belə hallarla başqa azərbaycanlı turistlərin qarşılaşdığını da eşitmişəm" — iş adamı bildirib.

O, başına gələnlərlə bağlı Çexiyanın Azərbaycandakı səfirliyinə və başqa qurumlara da müraciət edəcəyi üçün hələlik adını açıqlamır: "Hər il Karlovı Varı sanatoriyalarına minlərlə azərbaycanlı gedir, Çexiyanın, həmin şəhərin büdcəsinə çox böyük qatqıları var. Ancaq yerli polis və sair qurumlar bizim millətin nümayəndələrinə qarşı aşkar hörmətsizlik edir. Ən çox da saxta pul iddiası ilə saatlarla saxlayaraq qəsdən incidirlər. Bununla bağlı Azərbaycanın Xarici İşlər Nazirliyi və Çexiyadakı səfirliyimiz ciddi işləməlidir".

Sözügedən iş adamı yenidən redaksiyaya müraciət edib və Çexiyada azərbaycanlılara qarşı təzyiqlərin artıq kütləvi hal aldığını deyib. Bizimyol-un qısa araşdırmasından məlum olub ki, bu ilin iyun ayında Azərbaycanla Çexiya arasında yaranmış diplomatik qalmaqal, Çexiyaya səfər edən azərbaycanlı turistlərə qarşı təzyiqlərin yaranmasına səbəb olub.

Belə ki, Azərbaycan Xarici İşlər Nazirliyi (XİN) Çexiyanın Ermənistandakı səfirinin açıqlamasını sərt tonda şərh etmişdi. Yada salaq ki, Çexiyanın Ermənistandakı səfiri Petr Mikiska Dağlıq Qarabağa qanunsuz səfər etmiş Avropa Parlamentinin deputatları Frank Engel (Lüksemburq), Eleni Teorxarus (Kipr) və Yaromir Ştetinanın Azərbaycanın tərəfindən beynəlxalq axtarışa verilməsinin hüquqi deyil, siyasi xarakter daşıdığını iddia etmişdi.

Yaromir Ştetina Çex Respublikasının vətəndaşıdır. Azərbaycan tərəfi bu açıqlamaya cavab olaraq bildirmişdi ki, Azərbaycanın işğal olunmuş ərazilərinə qanunsuz səfər edərək, Azərbaycanın ərazi bütövlüyü, suverenliyi və konstitusiya əsaslarının pozulmasına açıq çağırışlar edən, qanunsuz kriminal rejimlə iş birliyinə girən, etnik və dini zəmində nifaq yaradan fərdlərə qarşı Azərbaycan Respublikasının Cinayət Məcəlləsinə uyğun olaraq cinayət işi açılır.

Azərbaycan XİN-in mətbuat xidmətinin rəhbəri Hikmət Hacıyev oxu.az saytına açıqlamasında belə demişdi: "Səfirə xatırlatmaq istərdik ki, Çexiya Respublikasının Cinayət Məcəlləsinin IX və X fəslinə və müvafiq olaraq 309, 310, 323 və 324-cü maddələrinə əsasən, Çexiya dövlətinin ərazi bütövlüyü, suverenliyi, konstitusiya əsası və dövlət hakimiyyətinə qarşı fəaliyyətə görə 10 ildən 18 ilə qədər ağır cəza nəzərdə tutulur. Yəni Yaromir Ştetina Azərbaycanın işğal olunmuş ərazilərində etdiyi bu fəaliyyəti Çexiyada etsəydi, onu belə ağır cəza gözləyirdi. Amma Yaromir Ştetinanın eyni tərkibli cinayət əməllərini Azərbaycanın işğal olunmuş ərazilərində etməsinin qarşısını almaq üçün Çexiya hakimiyyət orqanları tərəfindən lazımi tədbirlər görülmür".

Beləliklə, Çexiya Respublikası vətəndaşı Yaromir Ştetinanın Azərbaycanın Ermənistan tərəfindən işğal olunmuş ərazisinə qanunsuz səfərinə rəsmi Bakının haqlı və əsaslı etirazına Çexiya hakimiyyət orqanları qeyri-adekvat cavab verib. Mərkəzi Avropada yerləşən, Avropa Şurasının və Avropa İttifaqının üzvü olan Çexiya dövləti öz vətəndaşının elə öz Cinayət Məcəlləsinə görə qanunsuz sayılan hərəkətinə hüquqi-siyasi qiymət vermək əvəzinə, Azərbaycandan bu ölkəyə səfər edən turistlərə qarşı pressinq göstərmək yolunu seçiblər. Bu işdə Praqa şəhərinin Polis İdarəsi xüsusi canfəşanlıq göstərir.

3677
Teqlər:
turist, Azərbaycan, Ermənistan, XİN, Xarici İşlər Nazirliyi, Çexiya, Karlovı Varı, iş adamı, Yyaromir Ştetina
Əlaqədar
İşğal altındakı rayonumuzda pomidor yetişdirən azərbaycanlı kimdir?
Azərbaycanlı Tirion Moskvanı fəth etmək niyyətindədir
“Tı super! Tansı”nın azərbaycanlı iştirakçılarının çıxışdan sonrakı emosiyaları
Azərbaycanlı diplomat vidalaşdı: "Sizə əmanətdir"
Səfirlik azərbaycanlı tərcüməçinin vəziyyəti ilə maraqlanıb
Azərbaycanlı ABŞ üçün 178 min dollar dəyərində "Tank" yaratdı
Gündəmi silkələyən azərbaycanlı uşağın yeni görüntüləri: Abdulla atasını şəkildən tanıdı
ABŞ əsgərləri, arxiv şəkli

Vaşinqtonun Moskva Pekindən qorxmasının səbəbi Çində müzakirə olunub

0
(Yenilənib 15:48 20.09.2021)
"Global Times" yazıb ki, ABŞ Rusiya və Çinin nüvə silahlarından qorxur, ona görə də müharibəyə başlamır.

BAKI, 20 sentyabr — Sputnik. ABŞ nüvə silahlarından qorxduğu üçün Rusiya və Çinlə hərbi toqquşmalardan uzaq durmağa çalışır. Bu barədə "Global Times" qəzetinin jurnalisti Hu Sitzin paylaşıb.

Məqalənin müəllifi bu yaxınlarda ABŞ-ın Birləşmiş Qərargah Rəisləri Komitəsinin sədri Con Hayten və ABŞ-ın Sakit okean komandanlığının keçmiş rəhbəri Harri Harris tərəfindən verilən Moskva və Pekin ilə müharibə "bütün planet üçün ən dəhşətli günün" başlanmasına səbəb olacaq açıqlamalarına əsaslanaraq öz fikrini bildirib.

Jurnalist qeyd edib ki, bu cür yüksək bəyanatlar ölkələr arasındakı münasibətlərin gərginliyinin artması fonunda səslənir. Onun sözlərinə görə, cəbhə bölgəsindəki qoşunlar daha çox yaxınlaşır və buna görə də ABŞ təsadüfi toqquşma ehtimalından narahatdır.

Müşahidəçi Haytenin nüvə gücünə malik müharibənin təhlükəsi ilə bağlı söylədiklərinə xüsusi diqqət yetirib. "Başa düşürsünüz? Əslində ABŞ Çin və Rusiyanın nüvə silahlarından qorxur", - deyə Hu Sitzin fikrini yekunlaşdırıb.

Onun sözlərinə görə, güclər arasında hərbi münaqişələrin qarşısını almaq və yüz faiz təhlükəsizliyi təmin etmək üçün Vaşinqton təxribatlardan imtina etməlidir, xüsusən də söhbət Tayvanın muxtariyyətini dəstəkləməkdən və gəmiçiliyin azadlığı bəhanəsi ilə Cənubi Çin dənizində Amerika gəmilərinin mütəmadi olaraq patrul çəkməyindən gedir.

0
Azəri-Çıraq-Günəşli (AÇG), arxiv şəkli

Azərbaycan bu yataqdan dörd milyard barel neft hasil edib

3
(Yenilənib 15:22 20.09.2021)
Neft, Bakı-Tbilisi-Ceyhan boru kəməri və Qərb İxrac Boru Kəməri vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib.

BAKI, 20 sentyabr — Sputnik. Azəri-Çıraq-Günəşli (AÇG) neft yatağının operatoru kimi BP AÇG layihəsindəki tərəfdaşları – "SOCAR", "MOL", "İNPEX", "Equinor", "ExxonMobil", "TPAO", "ITOCHU", "ONGC Videsh Limited (OVL)" – adından qürurla bəyan edir ki, 18 sentyabr 2021-ci il tarixində yataqdan 4 milyardıncı barel neft hasil edilib.

Sputnik Azərbaycan xəbər verir ki, bu barədə BP şirkətinin açıqlamasında bildirilir.

Məlumatda həmçinin deyilir ki, ümumilikdə hasil edilmiş 4 milyard barel neft Bakı-Tbilisi-Ceyhan (BTC) boru kəməri və Qərb İxrac Boru Kəməri (QİBK) vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib. Bu vaxtadək BTC boru kəməri vasitəsilə təxminən 3,7 milyard barel neft nəql edilib ki, bu da əsasən 4847 tankerə yüklənmiş AÇG neftindən ibarət olub.

BP-nin Azərbaycan, Gürcüstan və Türkiyə üzrə regional prezidenti Qəri Counz bildirib ki, bu nailiyyət AÇG-nin dünya səviyyəli yataq olduğunu bir daha nümayiş etdirir. Operator olaraq biz bu yatağın qarşıdan gələn onilliklər ərzində də davam edəcək möhtəşəm uğur hekayəsi ilə qürur duyuruq. AÇG yatağından hasilat 7 noyabr 1997-ci il tarixində Çıraq platformasından başlayıb. Həmin vaxtdan bəri Çıraq böyük bir tarix yazıb. İndi də 24 il sonra yeddi müasir və yüksək texnologiyalı platforma ilə birlikdə tarixi Çıraq AÇG-dən hasilatın təhlükəsiz, səmərəli və etibarlı şəkildə davam etməsində böyük rol oynamaqdadır.

O bildirib ki, bu gün Azərbaycan "Əsrin müqaviləsi"nin imzalanmasının 27-ci ildönümünü qeyd edir. Bu, ölkənin yeni tarixində "Neftçilər Günü" kimi qeyd olunan əlamətdar bir gündür. 4 milyardıncı barel neftin hasil olunması isə AÇG-nin bu günə möhtəşəm hədiyyəsidir. Hasilatda bu cür böyük nailiyyət əldə etməklə, ölkə və öz səhmdarları üçün nəhəng gəlirlər gətirməklə, yerli icmalarda çoxsaylı davamlı inkişaf imkanları yaratmaqla AÇG həmçinin Xəzər regionunu aparıcı enerji hasilatı sahələrindən və dünyanın texnoloji cəhətdən ən qabaqcıl neft-qaz işlənmə regionlarından birinə çevirib. Operator kimi biz hökumət, SOCAR və digər tərəfdaşlarla sıx işləmək öhdəliyimizə sadiqiq və növbəti otuz ildə də AÇG-nin ölkəyə möhtəşəm töhfələr verməsini təmin etməyə davam edəcəyik.

AÇG haqqında əsas faktlar

İlkin olaraq AÇG üzrə Hasilatın Pay Bölgüsü Sazişi (HPBS) 20 sentyabr 1994-cü il tarixində imzalanıb. Həmin vaxtdan bəri AÇG yatağının işlənməsinə təxminən 40 milyard ABŞ dolları həcmində sərmayə qoyulub.

2017-ci ildə AÇG üzrə HPBS-in müddəti 2049-cu ilin sonunadək uzadılıb.

AÇG yatağı həmçinin Azərbaycan hökuməti üçün ümumilikdə təxminən 50 milyard kubmetr səmt qazı təmin edib.

AÇG-də hazırda səkkiz dəniz platforması mövcuddur. Bunlardan altısı hasilat platforması və ikisi isə emal, qaz kompressiya, suvurma və texnoloji təchizat platformasıdır. AÇG yatağının növbəti işlənmə layihəsi olan Azəri Mərkəzi Şərqi (ACE) hazırda icra mərhələsindədir və burada ilk neftin 2023-cü ildə hasil olunacağı gözlənilir.

Hasil edilmiş neft və qaz həcmləri platformalardan dünyanın ən böyük neft və qaz terminallarından biri olan Səngəçal terminalına (Bakı yaxınlığında, quruda yerləşir) nəql edilir.

3