Küçədə itlə gedən qızlar, arxiv şəkli

"Heyvansevər"lərə ciddi cəza gəlir

400
(Yenilənib 18:02 10.10.2017)
Ev heyvanlarını dövlət qeydiyyatından keçirməyənlər cəzalandırılacaq

BAKI, 9 oktyabr — Sputnik. Zaman-zaman KİV və sosial mediada insanların heyvanlarla qəddar rəftarını ifadə edən materiallar yayımlanır. Heyvan hüquqlarının müdafiəçiləri belə halların qarşısının alınması üçün qanunvericilikdə ciddi müddəaların yer almasını tələb edir. Artıq Rusiya Dövlət Duması heyvanların hüquqlarının qanunla müdafiəsi üçün müvafiq normativlər hazırlayıb. Dövlət Duması heyvanlarla məsuliyyətli davranmanı özündə ehtiva edən bu sənədi ikinci oxunuşdan keçib. Payız sessiyasında normativ akt qəbul ediləcək. Sözügedən sənəd bu sahədəki anlayış və prinsiplərin normativ tənzimlənməsini nəzərdə tutur. Sənəd Ekologiya və Təbii Sərvətlər Nazirliyi tərəfindən təklif edilib.

"Rusiyada bütün ev itlərinin və pişiklərin ödənişli əsaslı qeydiyyatı üçün prosedur tətbiq ediləcək".

Sputnik Azərbaycan RİA Novosti-yə istinadla xəbər verir ki, bunu Rusiya Dövlət Dumasının Ekologiya və Ətraf Mühitin Mühafizəsi Komitəsinin sədr müavini Vladimir Panov deyib. 

"Mən hətta söhbətin hansı rəqəmlərdən getdiyini bilmirəm" — deyə deputat bildirib.

Onun sözlərinə görə, hökumət ev heyvanlarının qeydiyyatı və sənədləşdirilməsi üçün normativ sənədlərin hazırlanmasını başa çatdırmaqdadır. Bunun üçün qanunvericilik bazasını 2015-ci ildə qəbul edilmiş, pişik və itlərin qeydiyyatı sisteminin yaradılmasını nəzərdə tutan "Baytarlıq haqqında" qanun təşkil edir.

Panov qeyd edib ki, ev heyvanlarının qeydiyyatı məsələsini heyvanların hüquqlarını qoruyan qurumlar vacib hesab edir. "Çünki hazırkı vəziyyət birincisi, sahiblərinə heyvanları tərk etmək fürsəti verir, ikincisi, onlar heyvanlar digər vətəndaşların əmlakına və ya sağlamlığına zərər verdiyi hallarda məsuliyyətdən qaça bilirlər" — deyə deputat əlavə edib.

Heyvanların çiplə təchiz edilməsi də könüllülük əsasında normativlə tənzimlənir.

Panovun sözlərinə görə, heyvanların qeydiyyatı tədricən həyata keçiriləcək. Bunun üçün müəyyən keçid dövrü elan ediləcək. 

Sözügedən qanun heyvanlarla qəddar rəftarın da qarşısını almağa yönəlib. Eyni zamanda, ev, xidməti, sirk və heyvanxanalardakı heyvanlara nəzarətin gücləndirilməsi də normativlərdə nəzərdə tutulub. Heyvanları qeydiyyatdan keçirməyən, onlarla qəddar davranan heyvan sahibləri, habelə sahibsiz heyvanlarla qəddar rəftar edən insanlara qarşı cəza tədbirləri görüləcək. Onlar cərimələr ödəməklə yanaşı cinayət məsuliyyətinə də cəlb oluna bilərlər. Doğrudur, Rusiyada heyvanlarla rəftara görə cəzaların və həbslərin nəzərdə tutulmasına qarşı çıxanlar da var. Eyni zamanda heyvanlarla zorla cinsi əlaqəyə girməyi (zoofillik) qadağan etmək də sözügedən normativə edilən təkliflər arasındadır.

Sənəd nəzarətsiz heyvanların məhv edilməsi ilə bağlı qadağanı da tənzimləyir. Sözügedən prosedurların təsdiqinin gecikdirilməsi heyvanların mühafizəsi ilə məşğul olan qurumların etiraz dalğasına səbəb olub.

400
Teqlər:
Vladimir Panov, Ekologiya və Təbii Sərvətlər Nazirliyi, Rusiya Dövlət Duması
Əlaqədar
Şəki sakininə itlər hücum etdi
İtlər ağsaqqala hücum etdilər
Şəkidə sahibsiz itlər insanlara hücum edir
Onlar hər şeylərindən keçməyə hazırdırlar, itlərindən başqa...
İtlərini maşında gəzdirənlər: 200 manat hazırlayın

Əlvida, dəniz, isti günlər üçün darıxacağıq

2
(Yenilənib 21:49 24.09.2021)
İndi daha günəş yandırmır. Sərində sahil boyu gəzişmək, velosiped sürmək bədəni gümrahlaşdırmaqla yanaşı, xüsusi nostalji zövq bəxş edir adama. Payızın ilk günləri Nabran sahilləri Sputnik Azərbaycan-ın fotolentində.

Daha bir yay bitdi. Havaların soyuması ilə dənizə gedənlərin sayı azalıb. Yayın isti günlərində istənilən vaxt sahildə görünən adamlar indi çəkilmək üzrədir. Sübh tezdən tilovunu suya atıb saatlarla gözləyən balıqçılar gözə dəyirlər.

Mavi suların qoynu və qumlu sahillər azyaşlıları sevindirir. Velosipedlə sahil kənarında hərəkət edənlər dənizin təmiz havasında bədənlərini gəncləşdirirlər. Dənizin dalğalarından qorxmayan heyvanlar sahil kənarında sərinləyirlər. Günəşin közərən şüaları görünür. Günəş qürub etdikcə dalğaların səsi aydın eşidilir. Əlvida, dəniz. İsti günlər üçün darıxacağıq...

2
  • © Sputnik / Ilham Mustafayev

    Zaman da qum kimi barmaqlar arasından süzülür.

  • © Sputnik / Ilham Mustafayev

    Nabranda dalğalarla son söhbət - gələn mövsümədək.

  • © Sputnik / Ilham Mustafayev

    Sentyabr gəldisə, balıq tutmaq və yemək olar. Nabranda balıqçılar bu fürsəti qaçırmırlar.

  • © Sputnik / Ilham Mustafayev

    Nabranda qürub daha həşəmətli görünür.

  • © Sputnik / Ilham Mustafayev

    Sahil kənarıyla qaçan alabaş.

  • © Sputnik / Ilham Mustafayev

    Xırçın ləpələr də adamlarsız darıxır.

  • © Sputnik / Ilham Mustafayev

    Yaş qum üzərində velosiped sürmək də bir zövqdür.

  • © Sputnik / Ilham Mustafayev

    Nabranda sahildə unudulmuş toplar.

  • © Sputnik / Ilham Mustafayev

    Polietilen torba budağı "niyyət ağacı"na bənzədib.

  • © Sputnik / Ilham Mustafayev

    Nabranda qürub vaxtı dənizdən pay uman balıqçı.

  • © Sputnik / Ilham Mustafayev

    Narıncıya boyanan gün.

  • © Sputnik / Ilham Mustafayev

    İnəklər də çimərlikdə tənhalıqdan kam alırlar.

  • © Sputnik / Ilham Mustafayev

    Nabranda sahil kənarında qız.

Pianoçu Vurğun Vəkilov

Səməd Vurğunun nəticəsi şah əsərləri ifa edib

19
(Yenilənib 22:24 24.09.2021)
V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

BAKI, 24 sentyabr — Sputnik. Üzeyir Hacıbəyli XIII Beynəlxalq Musiqi Festivalı davam edir. Sentyabrın 23-də festival çərçivəsində Azərbaycan Milli İncəsənət Muzeyində istedadlı pianoçu, Xalq şairi Səməd Vurğunun nəticəsi, "École normale de musique de Paris-Alfred-Cortot" ali musiqi məktəbinin tələbəsi Vurğun Vəkilovun konserti olub.

Sputnik Azərbaycan xəbər verir ki, konsertdə klassik musiqinin şah əsərləri səslənib. Pianoçunun çıxışı böyük maraqla qarşılanıb.

Qeyd edək ki, V.Vəkilov 2004-cü ildə Bülbül adına Orta İxtisas Musiqi Məktəbinin birinci sinfinə gedib. İstedadlı pianoçu 2008-ci ildə Azərbaycanın ümummilli lideri Heydər Əliyevin anadan olmasının 85 illiyinə həsr olunan Gənc İfaçıların Birinci Respublika Müsabiqəsinin qalibi olub. V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

19