Hesabat

"Dövlət qurumlarının 6 ay müddətində görməmək səlahiyyətləri var"

89
(Yenilənib 10:06 09.10.2017)
Monitorinqin başa çatması o demək deyil ki, onlar verilən müddət ərzində heç bir iş görməyib

İradə Cəlil, Sputnik Azərbaycan

BAKI, 8 oktyabr — Sputnik. Azərbaycan Respublikası İqtisadi İslahatların Təhlili və Kommunikasiya Mərkəzindən bildirilib ki, daha beş strateji yol xəritəsinin 2017-ci ilin birinci yarısı üzrə monitorinq və qiymətləndirmə nəticələri açıqlanıb. Azərbaycan Respublikası İqtisadi İslahatların Təhlili və Kommunikasiya Mərkəzindən Sputnik Azərbaycan-a verilən məlumata görə, Monitorinq və qiymətləndirmə nəticələri açıqlanan strateji yol xəritələri aşağıdakılardır:

Azərbaycan Respublikasının milli iqtisadiyyat perspektivi üzrə Strateji Yol Xəritəsi,

Azərbaycan Respublikasında kənd təsərrüfatı məhsullarının istehsalına və emalına dair Strateji Yol Xəritəsi,

Azərbaycan Respublikasında logistika və ticarətin inkişafına dair Strateji Yol Xəritəsi,

Azərbaycan Respublikasında maliyyə xidmətlərinin inkişafına dair Strateji Yol Xəritəsi, 

Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi. Strateji yol xəritələrinin ən yüksək icra göstəricisi 62 faiz "Milli iqtisadiyyat perspektivi" üzrə əldə olunub.

Ən aşağı icra göstəricisi isə "Kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi" və "Telekommunikasiya və informasiya texnologiyalarının inkişafına dair Strateji Yol Xəritəsi"ndə qeydə alınıb – hər ikisində 27 faiz.

2017-ci ilin birinci yarısı üzrə monitorinq və qiymətləndirmə nəticələrinə görə 47 qurumun performansı təqdim edilib. Maliyyə Sabitliyi Şurası və "Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında" Azərbaycan Respublikası Prezidentinin 2016-cı il 13 iyul tarixli Sərəncamı ilə yaradılan Komissiya üzərinə düşən işləri 100 faiz icra edib. "Azərenerji" ASC 75 faiz, Maliyyə Nazirliyi 69 faiz, Turizm Şurası 67 faiz, Mənzil İnşaatı Dövlət Agentliyi 60 faiz, Vətəndaşlara Xidmət və Sosial İnnovasiyalar üzrə Dövlət Agentliyi 57 faiz, Əmlak Məsələləri Dövlət Komitəsi 53 faiz icra göstəricisinə malikdir. 16 qurum 2017-ci ilin birinci yarısı üzrə strateji yol xəritələrində nəzərdə tutulan tədbirlərin 50 faizini, 20 qurum 50 faizdən azını və nəhayət 3 qurum isə heç bir tədbiri icra etməyib. 

Monitorinqlərin nəticəsinə görə, Fövqəladə Hallar Nazirliyi, "Azəravtoyol" ASC və "Azərbaycan Xəzər Dəniz Gəmiçiliyi" QSC hesabat dövrü ərzində heç bir iş görməyib və sıfır balla qiymətləndirilib.

Azərbaycan Respublikası İqtisadi İslahatların Təhlili və Kommunikasiya Mərkəzinin PR meneceri Zənurə Talıbovanın Sputnik Azərbaycan-a verdiyi məlumata görə, həmin qurumların sıfır balal qiymətləndirilməsi əslində həmin qurumların üzərinə düşən işləri tam yerinə yetirməməsi demək deyil: "Adından göründüyü kimi də, bu yarım illik hesabatdır və yarım illik dövr ərzində nəzrədə tutulan işlərə start verilməyib. Strateji Yol Xəritəsində göstərilən işlərə start verilməsə də, bu qurumlar işçi qrupu ilə görüşlər keçirib, layihə şəklində hansısa təklifləri var".

"Bu hesabat yarım ildən bir açıqlanacaq. Onların bu dövr ərzində iş görməməsi o demək deyil ki, gələn il açıqlanacaq hesabatda da onlar yenə iş görməyəcək. Xəritədə bəzi işlər var ki, onların həyata keçirilməsi üçün 2 il müddət nəzərdə tutulub. Yəni, həmin qurumların 6 ay müddətində iş görməmək kimi səlahiyyətləri var. Ola bilər ki, onlar bu müddətdə hazırlıq işləri aparıblar. Monitorinqin başa çatması o demək deyil ki, onlar verilən müddət ərzində heç bir iş görməyib" — Talıbova qeyd edib.

89
Teqlər:
"Azərbaycan Xəzər Dəniz Gəmiçiliyi" QSC, Azərbaycan Respublikası İqtisadi İslahatların Təhlili və Kommunikasiya Mərkəzi, "Azəravtoyol" ASC, Fövqaladə Hallar Nazirliyi
Əlaqədar
Monitorinq baş tutub
AŞPA Monitorinq Komitəsinin həmməruzəçiləri Azərbaycana gələcəklər
Cəbhə xəttində monitorinq baş tutub
MN: Ermənistan cəbhədə monitorinq keçirən ATƏT missiyasını şantaj edir

Hikmət Hacıyev: “Ermənilərin hədəfi kənd mülki şəxslər idi”

2
(Yenilənib 21:17 24.10.2020)
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. “Günün fotosu. Ermənistan tərəfindən atılan raketin zərərsizləşdirilməsi. Kəndə yaxınlaşdı. Hədəf kənd və mülki şəxslər idi. Çox güman ki, gözlənilən trayektoriyadan kənara çıxdı. Ermənistanın müharibə cinayətləri”.

Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün twitter səhifəsində yazıb.

2
Mövzu:
Azərbaycan və Ermənistan arasında müharibə
Neft, arxiv şəkli

Neft pandemiyanın ikinci dalğasına dair narahatlıqlar fonunda həftəni itkilərlə tamamlayır

4
(Yenilənib 20:47 24.10.2020)
ABŞ və Avropada artan koronavirusa yoluxma hallarının enerji tələbatına təsirsiz ötüşməyəcəyi ilə bağlı narahatlıqlar neftin qiymətində itkilərə səbəb olub. Nəticədə neft qiymətləri həftəni az da olsa itkilərlə tamamlamağa doğru irəliləyir.

BAKI, 24 oktyabr — Sputnik. Birjalarda neft qiymətləri koronavirusun ikinci dalğasına dair artan narahatlıqlar fonunda həftəni itkilərlə tamamlayır.

Sputnik Azərbaycan xəbər verir ki, ABŞ və Avropada artan koronavirusa yoluxma hallarının enerji tələbatına təsirsiz ötüşməyəcəyi ilə bağlı narahatlıqlar neftin qiymətində itkilərə səbəb olub. Nəticədə neft qiymətləri həftəni az da olsa itkilərlə tamamlamağa doğru irəliləyir.

Rusiya Prezidenti Vladimir Putinin ehtiyac duyulacağı təqdirdə hasilat məhdudiyyətlərini artıra biləcəklərini söyləməsi həftə ərzində neft qiymətlərinin yuxarı istiqamətli dəyişməsinə dəstək olub. V.Putinin şərhi "OPEC+" koalisiyasının yanvar ayında istehsal məhdudiyyətlərini azaltmaqla bağlı planını təxirə sala biləcəyinə işarə kimi qiymətləndirilir.

Lakin koronavirus epidemiyasındakı ikinci dalğanın Avropa və ABŞ-da enerji tələbatını alt-üst edəcəyinə dair narahatlıqlar durmadan artır. ABŞ-ın bəzi ştatlarında artan koronavirus hadisələri ölkədəki benzin ehtiyatlarında may ayından bəri ən böyük artıma səbəb olub.

Ekspertlərə görə, hazırda 40 dollar/barel civarında dəyişən neft qiymətləri Liviya kimi ölkələrdə artan hasilat fonunda bazarı daha təmkinli olmağa vadar edir. Bazar gözləntiləri isə "OPEC+"un planlaşdırdığı istehsal artımına getməyəcəyi istiqamətində dəyişir.

"Brent" neftinin bir bareli Londonun ICE birjasında 41,77 dollara, "Light" markalı neftin bir bareli isə Nyu-Yorkun NYMEX birjasında 39,85 dollara alıcı axtarır.

4