Milli Məclis

Milli Məclis təsdiq etdi

481
(Yenilənib 14:50 02.10.2017)
Milli Məclisin 2017-ci il payız sessiyasının qanunvericilik işləri planı təsdiqlənib

BAKI, 2 oktyabr — Sputnik. Parlamentin bu gün keçirilən plenar iclasında "Milli Məclisin 2017-ci il payız sessiyasının qanunvericilik işləri planı haqqında" qərar layihəsinə baxılıb. Sputnik Azərbaycan xəbər verir ki, işlər planında "Azərbaycan Respublikasının Dövlət bayrağı haqqında", "Azərbaycan Respublikasının Dövlət gerbi haqqında" və "Azərbaycan Respublikasının Dövlət himni haqqında" qanun layihələrinə dəyişikliklərin müzakirəsi yer alıb. Plana İnsan hüquq və azadlıqlarının müdafiəsi üzrə dövlətlərarası orqanın qərarının Azərbaycan tərəfindən icrasının mümkünlüyü məsələsinin həlli haqqında, Azərbaycan Respublikasının dövlət büdcəsi zərfinə daxil olan layihələrə, daxili qoşunlar haqqında, Azərbaycan Respublikasında Dövlət daktiloskopik və genom qeydiyyatı haqqında, Hesablama Palatası haqqında, Kabel şəbəkəsi yayımı haqqında, Kinematoqrafiya haqqında qanun layihələri daxil edilib.

Bundan başqa, işlər planına ətraf mühitə təsirin qiymətləndirilməsi haqqında, Kənd təsərrüfatında sığortanın stimullaşdırılması haqqında, turizm haqqında, tütün məmulatlarının istifadəsinin məhdudlaşdırılması haqqında, reproduktiv sağlamlığın qorunması haqqında, psixoloji yardım haqqında və digər qanun layihələri daxil edilib. Milli Məclisin 2017-ci il payız sessiyasının qanunvericilik işləri planı təsdiqlənib.

481
Teqlər:
işlər planı, dövlət büdcəsi, Azərbaycan Respublikası, Milli Məclis, parlament
Əlaqədar
Oqtay Əsədov yaz sessiyasının hesabatını verdi
Milli Məclisin payız sessiyası başlayıb