Taliban üzvləri, arxiv şəkli

Taliban rejiminin əleyhdarı olan əfqanlar Azərbaycandan sığınacaq istəyib

226
(Yenilənib 21:22 09.09.2017)
Suriya qaçqınlarının Azərbaycana axını barədə ekspertlərin proqnozları doğrulmasa da, respublikada əfqanların sayı artır

BAKI, 9 sentyabr — Sputnik. Avqust ayı ərzində Azərbaycanda 500-dən çox Əfqanıstan vətəndaşına BMT-nin Qaçqınlar üzrə Ali Komissarlığı (QAK) tərəfindən qaçqın statusu verilib. Bu barədə Sputnik Azərbaycan-a BMT-nin Qaçqınlar üzrə Ali Komissarlığının Bakı ofisinin baş məsləhətçisi Elsevər Ağayev məlumat verib.

Bu şəxslər Əfqanıstandakı taliban rejimindən qaçanlardır. Avqust ayında burada 564 əfqan qeydiyyata düşüb. Daha 132 əfqan isə Azərbaycana sığınacaq üçün müraciət edib və hazırda onların işinə baxılır.

Ağayevin sözlərinə görə, son illər ölkəmizdə çeçen qaçqınlar say etibarilə birinci yerdə olsalar da, hazırda bu yeri əfqanlar tutur. Onlar Azərbaycandakı qaçqınların ümumi sayının 50%-ni təşkil edirlər.

Rusiyadan olan qaçqınların (çeçenlər) sayı 429 nəfərdir. BMT QAK 52 nəfər İran, 16 Pakistan, 14 Suriya, 3 Türkiyə və 28 digər ölkə vətəndaşına Azərbaycanda qaçqın statusu verib.

Sığınacaq üçün hazırda ölkəmizə daha 28 Rusiya, 9 İran, 10 Pakistan, 6 Suriya və 26 digər ölkə vətəndaşı müraciət edib.

Qeyd edək ki, Yaxın Şərqdə son hərbi qarşıdurmalar yaranan zaman ekspertlər Bəşər Əsəddən qaçan suriyalıların Azərbaycana sığınacaqlarını proqnozlaşdırırdılar. Hətta Türkiyə KİV-i yazırdı ki, Suriyanın Aleppo şəhərindəki etnik türklər Azərbaycana getmək istəyirlər. Münaqişənin gedişi zamanı ilk olaraq 300 suriyalı ailə Azərbaycana gəlmək istəyini bildirmişdilər. Amma proqnozlar özünü doğrultmadı və bu, Azərbaycanın yerləşdiyi coğrafiya ilə izah olundu. Üç milyondan artıq suriyalı qaçqın hazırda Türkiyə ərazisində yaşayır. Bundan başqa Türkiyədən onları Avropa ölkələrinə köçürmək üçün tranzit ərazi kimi istifadə edirlər.

Ağayev bildirib ki, maddi yardım yalnız buna ciddi ehtiyacı olan qaçqınlara verilir. Xarici qaçqınlara poliklinikalarda pulsuz tibbi yardım göstərilir. Bu kateqoriyadan olan şəxslərin uşaqları azad şəkildə Azərbaycan məktəblərində təhsil almaq hüququ qazanır. Ən nəhayət və ən başlıcası isə, onlar Azərbaycan ərazisində təhlikəsiz şəraitdə yaşaya bilirlər.

226
Teqlər:
Azərbaycan, Əfqanıstan, BMT-nin Qaçqınlar üzrə Ali Komissarlığı, Taliban, Əfqan, sığınacaq, əfqan qaçqınlar
Əlaqədar
Qaçqınlar bu əraziyə köçürüləcəklər
Türkiyə Suriyada qaçqınlar üçün bufer zonası yaratmağı təklif edib
Fransada qaçqınlar arasında dava düşdü
Avropaya gedən qaçqınlar dinlərini dəyişirlər
Suriyalı və əfqan qaçqınlar "bir-birilərinə girdilər"
Yataq

Mütəxəssis - gecə yatmazdan əvvəl mobil telefonu hara qoymaq lazımdır

7
(Yenilənib 09:54 17.09.2021)
Cihazın elektromaqnit dalğalarının müdaxiləsinə səbəb olmaması üçün kardiostimulyatoru olan insanların telefonu özlərindən uzaq tutmaları xüsusilə vacibdir

BAKI, 16 sentyabr — Sputnik. İnsanların əksəriyyəti gecələr də mobil telefondan ayrılmaq istəmir və bu cihazı mümkün qədər özünə yaxın qoymağa çalışır. Hansı hallarda bunun təhlükəli ola biləcəyini "Yaşayış məkanının ekologiyası" laboratoriyasının direktoru Anton Yastrebtsev Sputnik radiosuna verdiyi müsahibədə bildirib.

Mobil cihazlar ilk dəfə ortaya çixanda bəzi həkimlər şüalanmaların xərçəng xəstəliyinin yaranmasına səbəb ola biləcəyindən qorxurdular. Ancaq bu qorxular öz təsdiqini tapmadı. Güman edilir ki, müasir telefon modelləri belə qorxulara səbəb olmamalıdır, çünki onlar insan üçün təhlükəsizliyi təstiqləyən sertifikasiyadan keçiblər. Yastrebtsev hesab edir ki, cib telefonlarının insanın daxili orqanlarına və toxumalarına təsir dərəcəsi hələ tam öyrənilməyib.

Mütəxəssis qeyd edib ki, ümumiyyətlə sertifikatlaşdırma zamanı cihazın bədənə yarım metr məsafədə təsiri qiymətləndirilir. O, telefonu ya bu vəziyyətdə, ya da başdan daha aralı saxlamağı məsləhət görüb.

"Ümumi qayda olaraq bu cihazı nə yastığın altına, nə də yataqda yanına qoyub yatmaq olmaz. Onu başdan bir metr, heç olmasa, ən azı yarım metr aralı saxlamamaq daha yaxşıdır", - deyə Yastrebtsev bildirib.

O əlavə edib ki, kənd yerlərində mobil telefonla yuxuda olan insan arasında məsafə daha böyük olmalıdır, çünki cihaz baza stansiyasından uzaqda olanda şüalanma güclənir.

"Əgər mobil baza stansiyası uzaqdadırsa və əlaqə zəifdirsə, məsələn, kənddə, bağ evində telefon baza stansiyası ilə əlaqə yaratmaq üçün çox enerji sərf edəcək və bu halda şüalanma artacaq. Bunu nəzərə almaq lazımdır. Belə hallarda onu baş nahiyəsindən uzaqlaşdırmaq daha məsləhətdir. Yəni yatmamışdan əvvəl rabitə səviyyəsinə nəzər yetirmək lazımdır", - deyə mütəxəssis izah edib.

Onun sözlərinə görə, cihazın elektromaqnit dalğalarının müdaxiləsinə səbəb olmaması üçün kardiostimulyatoru olan insanların telefonu özlərindən uzaq tutmaları xüsusilə vacibdir.

Yastrebtsev hesab edir ki, telefonla danışarkən simsiz qulaqlıqlardan istifadə etmək daha yaxşıdır.

"Mobil telefonu başınıza yaxın tutmamaq üçün mütləq simsiz qulaqlıqlardan istifadə edin. Bu vəziyyətdə telefonla çox danışsanız, onu hətta masanın üstündə saxlaya bilərsiniz və beləliklə telefon sizi şüalandırmayacaq, orqanizmə heç bir zərər verməyən qulaqlıq şüalandıracaq", - deyə ekspert əminliklə bildirib.

Eləcə də oxuyun:

7
Teqlər:
mobil telefon, sağlamlıq, şüa, enerji
İlyas Hüseynov

Politoloq: “Toyvo Klaarın indi səfər etməsinin müəyyən səbəbləri var”

198
(Yenilənib 14:48 16.09.2021)
Politoloq İlyas Hüseynov deyib ki, enerji təhlükəsizliyi məsələlərinin müzakirəsi, eyni zamanda təhlükəsizlik və humanitar məsələlər də burada önəmli yer tutur
İlyas Hüseynov: “Aİ Cənubi Qafqazla yeni əməkdaşlıq formatına üstünlük verir”

Avropa İttifaqının Cənubi Qafqaz və Gürcüstanda böhran üzrə xüsusi nümayəndəsi Toyvo Klaar Azərbaycana gəlib.

Politoloq İlyas Hüseynov Sputnik Azərbaycan-a Aİ nümayəndəsinin Azərbaycana səfərini şərh edib. Politoloq bildirib ki, Azərbayca-Aİ münasibətləri müntəzəm olaraq yüksələn xətlə inkişaf edir: “Vətən müharibəsindən sonra da ölkəmizə müntəzəm səfərlər təşkil edilib. Hazırda xüsusi nümayəndənin səfər etməsinin müəyyən səbəbləri var. Burada enerji təhlükəsizliyi məsələlərinin müzakirəsi, eyni zamanda təhlükəsizlik və humanitar məsələlər də önəmli yer tutur. Bu onu deməyə əsas verir ki, Aİ Cənubi Qafqazla yeni əməkdaşlıq formatına üstünlük verir. Cənubi Qafqaz dövlətləri Avropa İttifaqının xüsusi maraq dairəsindədir”.

İlyas Hüseynovun geniş şərhinə audifaylda qulaq asa bilərsiniz

198