Divardakı əmələ gəlmiş çatlar, arxiv şəkli

Azərbaycanda zəlzələ: İnsanlar təlaş içində evlərini tərk edirlər

7828
(Yenilənib 11:30 07.09.2017)
Bır sıra evlərə ziyan dəyib, mebellər aşıb və əşyalar qırılıb.

Şahpəri Abbasova, Sputnik Azərbaycan

BAKI, 6 sentyabr — Sputnik. Bu gün saat 21:30 radələrində Azərbaycanın şimal-qərb bölgəsində zəlzələ baş verib.

Sputnik Azərbaycan-ın bölgə müxbirinin verdiyi məlumata görə, zəlzələnin azı 4 bal gücündə olduğu güman edilir.

Zəlzələ Şəki, Qax və Zaqatala rayonlarında güclü hiss olunub.

Zəlzələ zamanı dağıtılar və tələfat qeydə alınmayıb. Bır sıra evlərə ziyan dəyib, evlərdəki mebellər aşıb və əşyalar qırılıb. Əhali təlaş içində yaşadıqları evləri tərk ediblər. Hazırda camaat təkrar təkanların olacağını ehtimal etdiyindən evə girməyə tələsmir.

Respublika Seysmoloji Xidmət Mərkəzinin saytında qeyd olunan məlumata görə, 4.1 maqnitudalı zəlzələ, yerli vaxtla saat 23:45-də Zaqataladan 43 km cənubda 17 km dərinlikdə, Gürcüstan ərazisində qeydə alınıb.

Zəlzələ Azərbaycanın sərhəd rayonlarında 3-4 bala qədər hiss olunub.

7828
Teqlər:
Zaqatala, Qax, zəlzələ, Şəki, Azərbaycan
Əlaqədar
Okeanda dünyanı qorxudan zəlzələ baş verdi
Azərbaycanda çoxlu zəlzələ qeydə alınıb: kəmiyyət keyfiyyətə keçəcəkmi?
Azərbaycanda da zəlzələ baş verdi
Diqqət: qonşuda zəlzələ oldu
Azərbaycanın cənubunda zəlzələ olub
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar