Вспышка молнии, фото из архива

Zaqatalada təbiət hadisəsi ölümlə nəticələnib

184
(Yenilənib 23:06 15.06.2017)
Atasını sahənin ortasında ölmüş vəziyyətdə tapdı

Şahpəri Abbasova, Sputnik Azərbaycan 

BAKI, 15 iyun — Sputnik. Bu gün Zaqatala rayonunda 55 yaşlı kişini ildırım vurub. Nəticədə kişi həyatını itirib.

Sputnik Azərbaycan-ın bölgə müxbirinin verdiyi məlumata görə, bu gün səhər saatlarında Zaqatalanın Üçüncü Tala kəndində kənd sakini, 1962-ci il təvəllüdlü Bayramov İsa Sahəddin oğlu qoyunlarını otarmaq üçün yaxınlıqdakı örüş sahəsinə gedib.

Üstündən xeyli keçmiş qoyunlar özbaşına həyətə qayıtsalar da, Bayramov qayıtmayıb.

Bayramovun oğlu narahat olaraq atasına zəng edib. Lakin zəngə cavab gəlməyib.

Oğlu atasını soraqlaya-soraqlaya otlaq sahəsinə qədər gedib və sahənin ortasında atasını ölmüş vəziyyətdə tapıb.

Məlum olub ki, Bayramov ildırım vurması nəticəsində dünyasını dəyişib.

Qeyd edək ki, son vaxtlar havanın qeyri-sabit keçməsi, yağışların normadan artıq yağması ölkənin şimal-qərb rayonlarında təbii fəlakətlərə səbəb olur. İldırımvurma hadisəsinə isə həmin bölgədə mütəmadi olaraq rast gəlinir.

184
Teqlər:
qeyri-sabit hava şəraiti, təbii fəlakət, yağış, İldırım, Zaqatala
Əlaqədar
İldırım paytaxtın bu qəsəbəsini susuz qoydu
Kartof yığarkən ildırım vurdu
İldırım 45 nəfərin həyatına son qoydu
Yaşayış evinə ildırım düşdü
Balakəndə evə ildırım düşüb

Hikmət Hacıyev: “Ermənistanın baş naziri yenidən yalan danışır”

0
Oktyabrın 26-da saat 08.00-dan yeni humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə əldə olunmuş razılaşmanı kobud surətdə pozub.

BAKI, 26 oktyabr - Sputnik. Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün twitter səhifəsində Ermənistanın əldə edilən humanitar atəşkəsi yenidən pozması ilə bağlı məlumat paylaşıb.

Sputnik Azərbaycan xəbər verir ki, məlumatda deyilir:

“Ermənistanın baş naziri yenidən yalan danışır. Ermənistan silahlı qüvvələri humanitar atəşkəsi pozaraq saat 08:04-dən Tərtər rayonunu və kəndlərini atəşə tutmağa başlayıblar.

Azərbaycan Müdafiə Nazirliyinin verdiyi məlumata görə, Ermənistan artilleriya və minaatanlarla saat 08:05-dən qüvvələrimizə hücum edir”.

0
Здание министерства обороны Азербайджанской Республики

Azərbaycan Ordusu atəşkəs rejiminə tam riayət edir - MN

3
Oktyabrın 26-da saat 08.00-dan yeni humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə əldə olunmuş razılaşmanı kobud surətdə pozub.

BAKI, 26 oktyabr - Sputnik. Azərbaycan Ordusunun bölmələri 26 oktyabr saat 08.00-dan qüvvəyə minmiş humanitar atəşkəs rejiminə bütün cəbhə boyu tam riayət edir.

Bu barədə Sputnik Azərbaycan Müdafiə Nazirliyinə istinadən xəbər verir.

Oktyabrın 26-da saat 08.00-dan yeni humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə əldə olunmuş razılaşmanı kobud surətdə pozub.

Xatırladaq ki, ABŞ Dövlət Departamentinin dünən yaydığı məlumata əsasən, Dağlıq Qarabağda humanitar atəşkəs oktyabrın 26-da Bakı vaxtı ilə saat 08:00-da başlamalı idi.

3
Mövzu:
Azərbaycan və Ermənistan arasında müharibə