Sahibsiz itlər

Zaqatalada sahibsiz itlər insanlara hücum edir

288
(Yenilənib 22:43 18.04.2017)
Mustafayevi dişləyən itin quduz olub-olmadığı yoxlanılaraq müvafiq tədbir görüləcək

Şahpəri Abbasova, Sputnik Azərbaycan

BAKI, 18 apr — Sputnik. Zaqatalada 29 yaşlı kişini sahibsiz it dişləyib. Sahibsiz itin quduzluğa tutulduğu ehtimal edilir.

Sputnik Azərbaycan-ın bölgə müxbirinin verdiyi məlumata görə, hadisə rayonun Çobankol kəndində baş verib.

Kənd sakini, 29 yaşlı Mustafayev Sərxan Piri oğlu sol bilək nahiyəsinin it dişləməsi xəsarəti ilə Mərkəzi Rayon Xəstəxanasına daxil olub. Sərxan Mustafayevə xəstəxanada lazımı tibbi yardım göstərilib. Quduzluq əleyhinə peyvənd edildikdən sonra ambulator müalicə almaq şərti ilə evə buraxılıb.

Sərxan Mustafayevin vəziyyəti nəzarətdə saxlanılır.

Zaqatala Rayon Baytarlıq Epidemiologiya İdarəsindən verilən xəbərə görə, Mustafayevi dişləyən itin quduz olub-olmadığı yoxlanılaraq müvafiq tədbir görüləcək.

Xatırladaq ki, bu, Zaqatalada sahibsiz itlərin insanlara xətər toxundurduğu ilk hal deyil. Ötən ay da rayonda itlər biri uşaq, biri gənc qız və ikisi kişi olmaqla 4 nəfərə hücum edib. 

288
Teqlər:
Zaqatala Rayon Baytarlıq Epidemiologiya İdarəsi, Zaqatala Rayon Mərkəzi Xəstəxanası, sahibsiz itlər, quduzluq xəstəliyi, Zaqatala, Azərbaycan
Əlaqədar
Uşaq bağçasının yerini sahibsiz itlər zəbt edib
Şəkinin kəndlərində itlər əhaliyə hücum edir
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

17
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

17
Məktəb, arxiv şəkli

Uşaqlar hansı yaşdan etibarən maska taxmalıdırlar?

14
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

14