Zakir Həsənov İrana niyə gedib?
(Yenilənib 19:39 15.04.2017)
İranın Müdafiə və Silahlı Qüvvələrə dəstək naziri general-mayor Hüseyn Dehqan Azərbaycanın müdafiə nazirini görüşə dəvət edibBAKI, 15 apr — Sputnik. Bu gün Azərbaycan Respublikasının müdafiə naziri general-polkovnik Zakir Həsənovun İran İslam Respublikasına rəsmi səfəri başlayıb.
Sputnik Azərbaycan Müdafiə Nazirliyinin saytına istinadla xəbər verir ki, səfər İranın Müdafiə və Silahlı Qüvvələrə dəstək naziri general-mayor Hüseyn Dehqanın dəvətilə reallaşıb.
Səfər çərçivəsində İranın siyasi və hərbi rəhbərliyi bir sıra görüşlər keçiriləcək.
Bu görüşlərdə ikitərəfli hərbi əməkdaşlıq və regional təhlükəsizlik məsələlərinin müzakirəsi planlaşdırılır.
Ermənistan növbəti dəfə dinc sakinləri raket atəşinə tutdu - bir nəfər həlak oldu
(Yenilənib 17:19 29.10.2020)
Goranboyun Tap kəndində Ermənistan silahlı qüvvələri tərəfindən daha bir dinc sakin qətlə yetirilib.BAKI, 29 oktyabr — Sputnik. "Goranboyun Tap kəndində Ermənistan silahlı qüvvələri tərəfindən daha bir dinc sakin qətlə yetirilib. Raket onların evinin damına düşüb".
Sputnik Azərbaycan-ın məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Twitterdə yazıb.
"Ermənistanın hərbi cinayətləri davam edir", - deyə o, əlavə edib.
Rusiya sərhəd zastavasının atəşə tutması xəbəri təxribat xarakterli dezinformasiyadır
(Yenilənib 17:12 29.10.2020)
Müdafiə Nazirliyi: Ermənistan mətbuatının Azərbaycan Ordusunun guya Ermənistan ərazisində İranla həmsərhəd bölgələrdə yerləşən Rusiya sərhəd zastavasını minaatanlardan atəşə tutması ilə bağlı yaydığı məlumat tamamilə dezinformasiyadır və təxribat xarakteri daşıyır.BAKI, 29 oktyabr - Sputnik. Ermənistan mətbuatının Azərbaycan Ordusunun guya Ermənistan ərazisində İranla həmsərhəd bölgələrdə yerləşən Rusiya sərhəd zastavasını minaatanlardan atəşə tutması ilə bağlı yaydığı məlumat tamamilə dezinformasiyadır və təxribat xarakteri daşıyır.
Sputnik Azərbaycan xəbər verir ki, bu barədə Azərbaycan Müdafiə Nazirliyinin yaydığı məlumatda bildirilir.
Orada qeyd olunur ki, əksinə, həmin istiqamətdə Ermənistan silahlı qüvvələri tərəfindən Azərbaycan ərazisi atəşə tutulub.
"Bir daha bildiririk ki, bizim Ermənistan ərazisində heç bir hərbi məqsədlərimiz yoxdur", - deyə Nazirlik bildirib.