Döyüş gündəliyi-Talış filmindən kadr

Hərbi bloqçudan qeyri-adi addım

796
(Yenilənib 21:39 03.04.2017)
Azərbaycanlı bloqçu aprel döyüşləri ilə bağlı heç kəsin etmədiyini edib

BAKI, 3 apr — Sputnik. Hərbi bloqçu, Vkontakte sosial şəbəkəsində Azərbaycan Silahlı Qüvvələri barədə hərbi-diskussiya klubunun administratoru Tofiq Şahmuradov ötən ilin aprel döyüşləri zamanı ordumuzun Goranboy-Tap Qaraqoyunlu iqtiqamətində əks hücumunun nəticələrinə dair film hazırlayıb.

Filmdə ordumuzun Ermənistanın işğalçı qüvvələrinin "Ohanyan xətti" kimi tanınan möhkəmləndirilmiş müdafiə xəttini yarmasından, həmin istiqamətdə 7 kilometr dərinliyə qədər irəliləyərək düşmənin nəzarətində olan bütün strateji yüksəklikləri ələ keçirməsindən bəhs olunur. Filmdə sözügedən ərazilərdən canlı görüntülər, şahidlərin, hərbçilərin fikirləri, erməni hərbçilərin aprel döyüşlərindən sonrakı etirafları, erməni generalı Arkadi Ter-Tadevosyanın aprel döyüşlərini qiymətləndirməsi, erməni xüsusi təyinatlılarının döyüşdən qaçması və məhv edilməsi kadrları əksini tapıb.

"Döyüş gündəliyi-Talış" adlanan həmin filmin təqdimatı artıq bəzi hərbi hissələrdə təşkil olunub, YouTube şəbəkəsində yayılıb.

Bu filmi müəllif şəxsi təşəbbüsü və imkanları ilə hazırlayıb. Məqsəd ölkəmizdə vətənpərvərlik hissinin inkişafına töhfə verməkdir.

Sputnik Azərbaycan oxucular üçün maraqlı olacağını nəzərə alaraq, bu filmi təqdim edir: 

796
Teqlər:
"Döyüş gündəliyi-Talış", Ohanyan xətti, Goranboy-Tap Qaraqoyunlu, Hərbi bloqçu, talış, aprel döyüşləri, film, Tofiq Şahmuradov, Azərbaycan
Əlaqədar
“Aprel atəşkəsi” kitabının təqdimatı keçirildi
Elxan Şahinoğlunun 2016-cı ilin aprel hadisələrinə baxışı
Aprel döyüşləri vaxtı vurulan ziyanla bağlı məhkəməyə 700 ərizə göndərilib
"Aprel döyüşləri bizim şanlı qələbəmizdir"
Aprel döyüşlərinin təkrarlanması ehtimalı getdikcə artır
Aprel döyüşlərinə həsr olunmuş klip təqdim olundu
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

5
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

5
Qadın sürücü

Polis Salyandan maşın qaçırdan iki qadını yaxalayıb

8
(Yenilənib 23:51 08.03.2021)
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

BAKI, 8 mart - Sputnik. Salyanda ötən gün qeyri-adi hadisə baş verib. Belə ki, Salyan Rayon Polis Şöbəsinə martın 7-də saat 16.00 radələrində rayon ərazisindən Bakı şəhər sakini S. Nəcəfova məxsus “Opel” markalı avtomobilin qaçırılması barədə məlumat daxil olub.
Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

Onların Bakı şəhər sakinləri M.Bayramova və M.Orduxanova olduğu məlum olub. Maşını qaçıranlar saxlanılarkən sükan arxasında M.Bayramova, sərnişin oturacağında isə M.Orduxanova olub. 

Salyan Rayon Polis Şöbəsi hazırda hadisənin təfərrüatlarını araşdırır. 

8