Asfalt hamarlayan texnika və fəhlələr

Texnika fəhləni bir göz qırpımında məhv edib

1696
(Yenilənib 23:25 01.04.2017)
Zaqatala sakini yol çəkilişi zamanı texnikanın altında qalaraq ölüb

Şahpəri Abbasova, Sputnik Azərbaycan

BAKI, 1 aprel — Sputnik. Zaqatala rayon sakini çörək dalınca getdiyi Yevlax rayonunda faciəli şəkildə həyatını itirib.

Bu barədə Sputnik Azərbaycan-ın bölgə müxbirinə mərhumu tanıyan şəxslər məlumat verib. Zaqatala Təcili Tibbi Yardım stansiyası xəbəri təsdiqləyib.

Bədbəxt hadisə Yevlax rayonunun Aran qəsəbəsində həyata keçirilən yol çəkilişi zamanı baş verib. 59 yaşlı Elxan İmanov iştirak etdiyi yol çəkilişi zamanı asfalt hamarlayan texnikanın altına düşüb. Ağır bədən xəsarəti alan Elxan İmanov dərhal hadisə yerində dünyasını dəyişib.

Onunla birlikdə işləyən şəxslər hadisənin ehtiyatsızlıqdan baş verdiyini bildiriblər. Onlar qeyd ediblər ki, asfaltı hamarlayan texnika olduqca ağırdır və onu anında dayandırmaq mümkün deyil. Hadisə bir göz qırpımında baş verib və texnika İmanova ciddi xəsarət yetirib. Hadisə ilə bağlı dərhal mərhumun yaxınlarına məlumat verilib.

Faktla bağlı Yevlax rayonunun hüquq-mühafizə orqanları araşdırma aparır.

1696
Teqlər:
asfalt hamarlayan texnika, asfalt, fəhlə, Zaqatala, faciə, Yevlax
Əlaqədar
Bakıda fəhlə 6-cı mərtəbədən yıxılaraq öldü
Bakıda fəhlə faciəli şəkildə ölüb
Bakıda fəhlə evin damından yıxılaraq öldü
Sarımsaq, arxiv şəkli

Təbii antibiotik zərərli imiş

13
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

13
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı