Çadralı qadın

Çadra rəsmən qadağan edildi

887
(Yenilənib 12:58 31.03.2017)
Rəsmi qurumlar bu addımı ekstremizmlə mübarizə ilə əlaqələndiriblər.

BAKI, 30 mart-Sputnik. Aprelin 1-dən etibarən Çində qadınlar çadra geyinə bilməyəcək. Buna səbəb Çin hökumətinin müsəlmanların sıx yaşadığı Sincan-Uyğur muxtar rayonunda çadranın geyilməsinə rəsmən qadağa qoymasıdır.

Sputnik Azərbaycan xarici mediaya istinadla xəbər verir ki, rəsmi qurumlar bu addımı ekstremizmlə mübarizə ilə əlaqələndiriblər.

Çinlilər üçün xas olmayan saqqal saxlamağa da qadağa qoyulub.

Artıq sözügedən əyalətin bir neçə rayonunda qadağanın tətbiqinə başlanılıb. Çadralı qadınların ictimai nəqliyyatdan istifadəsinə icazə verilmir.

Sincan-Uyğur muxtar rayonunda 20 milyona qədər əhali yaşayır ki, onun da təqribən yarısı uyğurdur. Uyğurlar türkdilli xalqdır və etiqad olaraq müsəlman-sünnidirlər. Bu rayonda müsəlman çinlilər (xuei), qazaxlar və qırğızlar da yaşayır. 

Sincan-Uyğur muxtar rayonu Çinin tərkibinə 1949-cu ildə daxil olub. Ona qədər bu yer Şərqi Türküstan adlanırdı. 

887
Teqlər:
çadra, Sincan-Uyğur, saqqal, müsəlman, çadranın qadağan edilməsi, Çin
Əlaqədar
Yenilik: Orduda hicab qadağası ləğv edildi
Qırğızıstanda hicab qadağan edildi
Ehtiyatda olan hərbiçilərin cəbhəyə yolanması, arxiv şəkli

İlham Əliyev hərbi xidmətlə bağlı sərəncam imzalayıb

5
(Yenilənib 18:37 02.03.2021)
Azərbaycan Respublikası vətəndaşlarının 2021-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalanıb.

BAKI, 2 mart - Sputnik. Prezident İlham Əliyev Azərbaycan Respublikası vətəndaşlarının 2021-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalayıb.

Sputnik Azərbaycan xəbər verir ki, Sərəncama əsasən, 2003-cü ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1986–2002-ci illərdə doğulmuş, yaşı 35-dək olan, Azərbaycan Respublikasının Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikası vətəndaşları 2021-ci il aprelin 1-dən 30-dək müddətli həqiqi hərbi xidmətə çağırılırlar.

2020-ci il oktyabrın 30-dək “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları 2021-ci il aprelin 1-dən 30-dək ehtiyata buraxılırlar.

Azərbaycan Respublikasının Nazirlər Kabineti bu Sərəncamın icrası üçün qanunvericilikdə nəzərdə tutulmuş tədbirləri görməlidir.

5
Teqlər:
Prezident İlham Əliyev, prezident İlham Əliyev, İlham Əliyev
Şəhidin dəfni

Müharibədə şəhid olmuş itkin düşmüş hərbi qulluqçuların son siyahısı açıqlandı

6
(Yenilənib 18:37 02.03.2021)
Müdafiə Nazirliyi Azərbaycan Respublikası Silahlı Qüvvələrinin Vətən müharibəsində şəhid olmuş hərbi qulluqçularından martın 2-dək dəfn edilənlər və itkin düşmüş hesab olunanlar haqqında məlumatı dərc edib.

BAKI, 2 mart - Sputnik. Müdafiə Nazirliyi Azərbaycan Respublikası Silahlı Qüvvələrinin Vətən müharibəsində şəhid olmuş və itkin düşmüş hərbi qulluqçuları ilə bağlı ən son məlumatları açıqlayıb. 

Sputnik Azərbaycan Müdafiə Nazirliyinə istinadla xəbər verir ki, açıqlamada martın 2-dək dəfn edilən 2881 nəfərin, eləcə də itkin düşmüş hesab olunan 28 nəfərin foto şəkilləri, adları, soyadları, hərbi rütbəsi və doğum tarixi haqqında məlumat təqdim olunub.

Nazirlik həmçinini bildirib ki, itkin düşmüş hesab olunan hərbi qulluqçuların tapılması və identifikasiyası üzrə işlər davam etdirilir.

Vətən müharibəsində şəhid olmuş hərbi qulluqçuların siyahısı ilə bu keçiddən tanış ola bilərsiz. 

 

 

6