Azərbaycan Mədəniyyət Muzeyində filologiya üzrə fəlsəfə doktoru, yazıçı-publisist Sona Vəliyevanın Azərbaycan milli mətbuatının banisi, görkəmli maarifçi, Əkinçi qəzetinin yaradıcısı Həsən bəy Zərdabiyə həsr olunan İşığa gedən yol romanının təqdimatı keçirilib

"İşığa gedən yol" Tbilisidə

132
(Yenilənib 22:59 29.03.2017)
Sona Vəliyevanın məşhur romanı Gürcüstan oxucularına təqdim edilib

BAKI, 29 mart — Sputnik. Tiflisdə fəaliyyət göstərən Mirzə Fətəli Axundov adına Azərbaycan Mədəniyyət Muzeyində filologiya üzrə fəlsəfə doktoru, yazıçı-publisist Sona Vəliyevanın Azərbaycan milli mətbuatının banisi, görkəmli maarifçi, "Əkinçi" qəzetinin yaradıcısı Həsən bəy Zərdabiyə həsr olunan "İşığa gedən yol" romanının təqdimatı keçirilib.

Tədbir təşkilatçılarının Sputnik Azərbaycan-a verdikləri məlumata görə, tədbiri giriş sözü ilə açan Azərbaycan Yazıçılar Birliyinin Gürcüstan şöbəsinin rəhbəri Rafiq Hümmət əsərin ədəbi-bədii və tarixi məziyyətlərinə toxunub. O, "İşığa gedən yol" romanının peşəkar qələmin məhsulu olduğunu bildirib.

"Hər bir gənc və jurnalist tariximizi yaxşı bilməlidir. Düşünürəm ki, bu əsər jurnalistika sahəsində çalışan qələm sahibləri və araşdırmalar aparan mütəxəssis alimlər üçün qiymətli nəsr əsəridir" — deyə natiq bildirib.

Azərbaycanın Gürcüstandakı səfiri Dursun Həsənov Sona Vəliyevanin yaradıcılığı ilə tanış olduğunu vurğulayaraq, onun müəllifi olduğu "İşığa gedən yol" romanının Tbilisidə təqdim edilməsini alqışlayıb. Zərdabinin həyatının öyrənilməsinin vacibliyinə toxunan səfir, müəllifə bu mövzuya müraciət etdiyi üçün təşəkkürünü bildirib.

Azərbaycan Jurnalist Qadınlar Assosiasiyasının sədri Sevil Yusifova Gürcüstanda yaşayan soydaşlarımızın Sona Vəliyevanı yaxından tanıdıqlarını dilə gətirib. "Artıq Gürcüstan elitası yazıçının həyat və yaradıcılığı ilə tanışdır. Bu, onun soydaşlarımızla ikinci görüşüdür. Tbilisidə yazıçının "Arazbarı" kitabının da təqdimatı keçirilib" — deyə S.Yusifova bildirib. 

O, Həsən bəy Zərdabinin həyatının bir hissəsinin Tiflis mühiti ilə bağlı olduğunu xatırladıb: "İşığa gedən yol" romanında Zərdabinin indiyə kimi hələ məlum olmayan bir çox həyati məqamları üzə çıxarılıb. Əsərin dili rəvan və axıcıdır. Əsəri oxuyan oxucu sanki həmsöhbətilə danışır. Adətən, yazıçılar qələmə aldıqları tarixi əsərlərin dilini qəlizləşdirməyə çalışırlar. Sona Vəliyevanın qələmə aldığı əsərin isə dil məziyyətləri mənalı və gözəldir. Kitab poliqrafiya tərtibatı baxımından da çox nəfisdir".

Sevil Yusifova "İşığa gedən yol" romanının gürcü dilinə tərcümə olunmasının vacibliyini də dilə gətirib.

"Sona Vəliyeva Tanrı tərəfindən seçilmiş ziyalılarımızdandır. Məhz Tanrının seçdiyi insan ona bəxş edilən müqəddəs missiyanı yerinə yetirərək həyatını işığa doğru istiqamətləndirən və ilahi missiyanı yerinə yetirən böyük mütəfəkkir, Azərbaycan milli mətbuatının banisi, görkəmli maarifçi Həsən bəy Zərdabinin həyatından məzmunlu tarixi bir roman ərsəyə gətirə bilər" — deyə Sevil Yusifova əlavə edib.

  

Təqdimat mərasimində Gürcüstan parlamentinin deputatları Mahir Dərziyev və Ruslan Hacıyev, Gürcüstan Azərbaycanlı Jurnalistlər Birliyinin sədri Nizami Məmmədzadə, şair Osman Əhmədoğlu, tərcüməçi Cambul Məmmədli, gənc yazıçı Kamran Kiryakov və başqaları roman haqqında fikirlərini bildiriblər.

Sona Vəliyevanın həyat və yaradıcılığı haqqında ətraflı məlumatın verildiyi tədbirdə Gürcüstan və Azərbaycanın tarixi dostluğundan, Azərbaycan və gürcü ədəbiyyatının inkişafından, yazıçılarımızın əsərlərinin gürcü dilinə tərcüməsindən də söhbət açılıb. Qocaman jurnalist Emin Elsevər "İşığa gedən yol" romanının gürcü dilinə tərcümə olunmasını öz üzərinə götürməyə hazır olduğunu bildirib.

Təqdimat mərasimində Azərbaycanın Gürcüstandakı səfirliyinin birinci katibi Elçin Məmmədov, Gürcüstanın ali məktəblərində təhsil alan azərbaycanlı tələbələr və Tiflis azərbaycanlıları iştirak ediblər.

132
Teqlər:
Azərbaycanın Gürcüstandakı səfiri Dursun Həsənov, Həsən bəy Zərdabi, Sevil Yusifova, "İşığa gedən yol" romanının təqdimatı, Azərbaycan Jurnalist Qadınlar Assosiasiyası, Sona Vəliyeva, Tbilisi, Gürcüstan
Əlaqədar
Sona Vəliyeva: Onun faciəsinə laqeydlik göstərilsəydi, xoşuna gələrdi?
“Dəhliz” təqdim edildi
"Nə qədər ki Azərbaycan var, bu əsər yaşayacaq"
Mətbuat Şurası Ali Media Mükafatı laureatlarının adlarını açıqlayıb
Aleksey Navalnıy, arxiv şəkli

Navalnı Putinin sarayını axtarır

0
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"

BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.

Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.

“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.

Onun fikrincə, bu işdə “yeganə yenilik” “monatj hekayələri”ndən istifadə olunmasıdır.

“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.

Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.  

“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.

0
Teqlər:
Dmitri Peskov, Kreml, Qara dəniz, saray, Vladimir Putin, Aleksey Navalni
Donald Tramp, arxiv şəkli

"Qayıdacam" - Tramp Evdən necə getdi - VİDEO

2
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

2
Teqlər:
tərk etmək, Ağ Ev, Donald Tramp