Bu siqaretlərin hamısının qiyməti ucuzlaşdı
BAKI, 3 mart — Sputnik. Azərbaycanda siqaretlərin qiyməti ucuzlaşıb. Sputnik Azərbaycan "Report"a istinadən xəbər verir ki, market və köşklərdə siqaretlərin satış qiyməti 8-12 % aşağı düşüb.
Satıcıların sözlərinə görə, müvafiq qanuna uyğun olaraq bugünədək siqaretlərin topdan satışı plastik kartlar vasitəsi ilə həyata keçirilirdi. Bu səbəbdən bəzi mağazalarda və köşklərdə siqaretlərin satış qiymətləri süni olaraq qaldırılmışdı. Satıcılar bildirirlər ki, bugündən başlayaraq siqaretlərin topdan satışı firmalar tərəfindən plastik kartsız həyata keçirilib və qiymətlərin süni artımı aradan qaldırılıb.
"Report" hazırda siqaretlərin satış qiymətinin siyahısını təqdim edir.
— LD (nazik qutu) — 2.30 AZN (əvvəlki satış qiyməti — 2.60 AZN)
— LD (qalın qutu) — 2.10 AZN (2.30 AZN)
— LD (compact) — 2.10 AZN (2.30 AZN)
— LD (compact) — 2.10AZN (2.30 AZN)
— Winchester (compact) — 1.80 AZN
— Winchester (qalın qutu) — 1.50 AZN
— Winston — 2.50 AZN (2.80 AZN)
— West (qalın qutu) — 1.70 AZN
— West (compact) — 2 AZN
— Sobranie — 3 AZN (3.30 AZN)
— Kent (qalın) 2.80 AZN (3 AZN)
— Kent (nazik) — 2.80 AZN (3 AZN)
— More — 1.40 AZN
— Yava — 1.40 AZN
— Viceroy (compact) — 1.80 AZN (2.10 AZN)
— Viceroy (nazik qutu) — 2.10 AZN (2.30 AZN)
— Rothmans (compact) — 2 AZN (2.30 AZN)
— Rothmans (nazik qutu) — 2.30 AZN (2.60 AZN)
— Classic (compact) — 1.80 AZN
— Classic (uzun) — 1.80 AZN
— Classic (qalın qutu) — 1.40 (1.60 AZN)
— Prima — 1.40 AZN
— P&S — 2.10 AZN (2.30 AZN).
Putin prezident Baydenlə ilk dəfə danışdı, ABŞ-ın arzusunu yerinə yetirdi
(Yenilənib 23:17 26.01.2021)
Vladimir Putin Cozef Baydenlə ABŞ prezidenti qismində ilk dəfə telefonla danışıb. ABŞ-ın təşəbbüsü ilə baş tutan danışıqda Baydenin arzusunda olduğu məsələ həllini tapıbBAKI, 26 yanvar - Sputnik. Rusiya Prezidenti Vladimir Putin ABŞ-ın yeni seçilmiş dövlət başçısı Cozef Baydenlə bu gün telefonla danışıb.
Sputnik Azərbaycan bildirir ki, bu barədə Kremlin mətbuat xidməti məlumat yayıb.
Co Baydenin mətbuat katibib Cen Psakinin sözlərinə görə, telefon danışığı ABş tərəfinin təşəbbüsü ilə baş tutub.
Putin həmkarını ABŞ prezidenti postunda işə başlaması münasibətilə təbrik edib.
Kremlin məlumatına görə, Putin dünyada təhlükəsizlik və sabitliyin qorunmasına görə məsuliyyətləri nəzərə alınmaqla Rusiya ilə ABŞ-ın münasibətlərinin normallaşmasının hər iki ölkənin, eləcə də bütün dünyanın xeyrinə olacağını vurğulayıb.
Psakinin sözlərinə görə, ABŞ tərəfinin əsas niyyətlərindən biri Strateji Hücum Silahlarına dair Müqavilənin (SHS-3) 5 il müddətinə uzadılması olub. Prezidentlər müqavilənin uzadılması barədə razılığa gəliblər.
Həmçinin dövlət başçıları koronavirus pandemiyasına qarşı mübarizədə, eləcə də ticari-iqtisadi əlqələr daxil olmaqla digər sahələrdə də əməkdaşlıq imkanlarını müzakirə ediblər. Beynəlxalq və ikitərəfli gündəmin aktual məsələləri də müzakirə obyekti olub.
Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq
"Dollar çökəcək" - amerikalı iqtisadçı
(Yenilənib 22:51 26.01.2021)
Amerikalı iqtisadçı Stiven Rouç əmin edir ki, Amerika valyutasının enişi yaxın vaxtlarda dayanmayacaq və ilin sonunadək 35% düşəcək BAKI, 26 yanvar - Sputnik. Amerikalı iqtisadçı Stiven Rouç 2021-ci ilin sonunadək dolların 35% düşəcəyi barədə proqnozunu yenidən xatırladıb. Sputnik Azərbaycan bildirir ki, bu barədə o, Bloomberg üçün yazdığı məqalədə məlumat verib.
"Ötən ilin martında ABŞ-da COVID-19 pandemiyası "partlayış edəndən" bəri dollar çökməkdədir. O, ABŞ-ın əsas ticarət partnyorları ilə müqayisədə təxminən 10-12% düşüb", - iqtisadçı vurğulayıb.
Rouç əmin edir ki, Amerika valyutasının enişi yaxın vaxtlarda dayanmayacaq. Onun fikrincə, ABŞ-ın cari büdcə ödəmələrindəki defisitin kəskin artımı, avro kotirovkalarının riskləri və Amerikanın Federal Ehtiyatlar Sistemi bu çöküşə səbəb olacaq.
Bundan başqa, pandemiyanın davam etməsi, resessiyaya çox yaxın olan iqtisadiyyatın durumu da, iqtisadçının sözlərinə görə, dollara neqativ təsir göstərir. Hazırkı vəziyyətdə daha bir iqtisadi yardım paketinin ağır nəticələri ola bilər, çünki "ABŞ-ın ehtiyatları buna bəs etməyəcək".
Bloomberg bundan öncəki məqalələrinin birində ABŞ-ın Federal Ehtiyatlar Sisteminin keçmiş başçısı Canet Yellenin ölkənin maliyyə naziri olduqdan sonra dolların axırına çıxacağı barədə proqnoz vermişdi.
Teqlər: