Narkotik maddə. Arxiv şəkli

İranlı gül qabı əvəzinə narkotik verdi və...

143
(Yenilənib 23:02 23.01.2017)
Lənkəran sakininin İran vətəndaşı ilə alveri baha başa gəldi

BAKI, 23 yan — Sputnik. Azərbaycanda narkotik vasitələrin və psixotrop maddələrin satışının qarşısı alınıb. 

Lənkəran rayon Polis İdarəsinin əməkdaşları operativ əməliyyat-axtarış tədbirləri nəticəsində bu ay ərzində ikinci dəfə iri həcmdə güclü narkotik və psixotrop maddə aşkarlayıblar. Bu barədə Sputnik Azərbaycan-a Lənkəran rayon Polis İdarəsindən məlumat verilib.

Şənbə günündən bazar gününə keçən gecə polis Lənkəran şəhər sakini, Xətai küçəsində yaşayan 1981-ci il təvəllüdlü Məmmədov Aqşin Aslan oğlunu saxlayıb.

Əməliyyatçılar Məmmədovu avtomobillə Bakıya gələrkən saxlayıblar. Axtarış zamanı Məmmədovun üzərindən 2 kq 100 qr opium və 100 qr metamfetamin (amfetamindən hazırlanmış kristal məhsul) tapılaraq götürülüb. Məmmədov etiraf edib ki, şəhərdə opiumu 10 min manata, metamfetamini isə 5 min manata satmağa hazırlaşırmış.


İlkin istintaq zamanı saxlanılan şəxs bildirib ki, narkotiki Rza adlı İran vətəndaşından alıb.

Məmmədovun sözlərinə görə, o, iranlıya 10 min manat verib ki, ona gül üçün dekorativ qablar göndərsin. Amma Rza gül qabı almayıb. "Gül qabları yoxdur, pul xərclənib, amma əvəzində opium var, onu Bakıda sataraq böyük pul əldə edə bilərsən" — deyə iranlı Məmmədova bildirib. Məsələni beləcə həll ediblər. Məmmədov Rzadan opium və metamfetamin alıb və sərhəddən rahat keçirib. Amma Bakı yolunda onu asayiş keşikçiləri yaxalayıblar.

Qeyd edək ki, bir həftə əvvəl Lənkəran RPİ-nin əməkdaşları 2 kq opium tutublar. Hüquq-mühafizə orqanları həmçinin qeyd ediblər ki, Azərbaycan ərazisindən narkotik tranziti kimi istifadə edirlər.

Narkotrafik dövlət üçün üç böyük problem yaradır. Birincisi, cinayətkar qruplaşmalar tərəfindən narkotik marşrutu sahəsindəki vəziyyətin kriminallaşdırılmasıdır.

İkinci problem başda gənclər olmaqla çox sayda insanın narkotik vasitələrdən istifadəyə aludə olmasına şərait yaratmadır ki, nəticədə narkotikdən asılılar ordusunu yaranır. Bu isə nəticədə ölüm faizini yüksəldir. Eyni zamanda narkomanlar narkotik bazarının paylanmasında iştirak edirlər.

Üçüncü problem çoxtərəflidir — narkokartellər narkotrafik formalaşdırırlar ki, bu da qeyri-stabil situasiya yaradır və terror qruplaşmaları üçün əlverişli qida mənbəyi rolunu oynayır.

143
Teqlər:
Lənkəran rayon Polis İdarəsi, Lənkəran, narkotik
Əlaqədar
Narkotik alverçiləri tutuldular
Narkotik vasitələrin qanunsuz dövriyyəsi ilə məşğul olan ana və qızı...
Cənub gömrüyündə narkotik əməliyyatı
Nazirlik əməkdaşında narkotik və silah aşkarlandı
Bəzi preparatlar narkotik vasitələr siyahısına salındı

Rusiyalıların 55%-i Vladimir Putinə etibar edir - SORĞU

0
Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib.

BAKI, 14 may — Sputnik. Rusiyalıların yarıdan çoxu (55%) RF prezidenti Vladimir Putinə etibar edir. RİA Novosti xəbər verir ki, bunu Rusiyanın "İctimai fikir" fondunun keçirdiyi sorğunun nəticələri göstərir.

Sorğunun nəticələinə görə, respondentlərin 55%-i prezidentə inandıqlarını, 32%-i isə inanmadıqlarını bildiriblər. 13% rspondent cavab verməkdə çətinlik çəkib.

Rəyi soruşulanların 58%-i hesab edirlər ki, Putin öz vəzifəsinin öhdəsindən yaxşı gəlir. 26% əks fikirdədir. 16% respondent bu suala cavab verməkdə çətinlik çəkib.

Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib. Statistik xəta 3,6%-də yuxarı deyil.

0
 Jozep Borrell, arxiv şəkli

Cozep Borrell: Azərbaycan-Ermənistan sərhədindəki vəziyyəti yaxından izləyir

93
(Yenilənib 22:41 14.05.2021)
Avropa İttifaqının Ali Nümayəndəsi Azərbaycan-Ermənistan sərhəddindəki vəziyyətlə bağlı bəyanat yayıb.

BAKI, 14 may - Sputnik. Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrell Azərbaycan-Ermənistan sərhəddindəki vəziyyətlə əlaqədar bəyanat yayıb.

APA-nın xəbərinə görə, bəyanatda qeyd olunub ki, Aİ Azərbaycan-Ermənistan sərhədindəki son vəziyyəti yaxından izləyir.

"Mənim adımdan Avropa Xarici Fəaliyyət Xidmətinin Baş katibi Stefano Sannino mayın 13-də Ermənistan xarici işlər naziri Ara Ayvazyan, mayın 14-də isə Azərbaycan xarici işlər naziri Ceyhun Bayramovla əlaqə saxlayaraq, hər iki tərəfi son dərəcə təmkinli olmağa və vəziyyəti gərginləşdirməməyə çağırıb. Aİ-nin Cənubi Qafqaz üzrə Xüsusi Nümayəndəsi Toivo Klaar ATƏT Sədrliyi ilə əlaqə saxlayıb", bəyanatda qeyd olunub.

Aİ-nin Ali Nümayəndəsi bildirib ki, sərhədin delimitasiyası və demarkasiyası yerli əhalinin təhlükəsizliyi naminə danışıqlar yolu ilə həll olunmalıdır: "Biz iki tərəf arasında texniki səviyyədə davam edən təmasları alqışlayırıq. Aİ münaqişənin hərtərəfli həllini dəstəkləyir və hər iki ölkəni regiondakı sabitliyi qoruyaraq sülh yolu ilə həlli tapmağa təşviq edir".

93