Tramp 66 milyon dollar xərcə düşüb

© REUTERS / Mark KauzlarichABŞ-ın seçilmiş prezidenti Donald Tramp
ABŞ-ın seçilmiş prezidenti Donald Tramp - Sputnik Azərbaycan
Abunə olmaq
Tramp sosial sorğuları faydasız adlandırıb

BAKI, 12 dek-Sputnik. ABŞ prezidenti seçilən Donald Tramp seçki kampaniyasının keçirilməsinə öz cibindən 66 milyon dollar pul xərcləyib. "Reuters"in məlumatına görə, Tramp tez-tez 100 milyon dollar xərcləməyə hazırlaşdığı ilə öyünürdü.

Agentliyin məlumatına görə, Tramp bu prosesə 339 milyon dollar cəlb edib, lakin ümumi xərclər 322 milyon təşkil edib. Onun rəqibi — Demokratlar Partiyasının namizədi Hillari Klinton isə 565 milyon dollar xərcləyib.

Praymeriz zamanı Tramp sosial sorğuların faydasız olduğunu deyirdi. Onun fikrincə, bu sorğular yalnız pul itkisinə səbəb olur. Buna baxmayaraq, o, öz partiya həmkarları arasında qalib gələrək Respublikaçılar Partiyasının əsas namizədi ola bildi.

Lakin ictimai rəy sorğuları onun reytinqinin düşdüyünü göstərən zaman, Tramp televiziya reklamlarına və sorğulara pul xərcləməyə başladı. Ümumiyyətlə reklama 192 milyon dollar pul xərcləndi ki, onun da 85 milyonu tək internet reklama sərf olundu.

Xatırladaq ki, 8 noyabr tarixində keçirilən president seçkilərində Donald Tramp qalib gəlib. O, öz rəsmi vəzifəsinə yanvarın 20-də keçiriləcək andiçmə mərasimindən sonra keçəcək.

Xəbər lenti
0