SOCAR-ın Bakıdakı baş ofisi

SOCAR 2021-ci ilə hazırlaşır

44
SOCAR-ın yeni qaz emalı və neft-kimya kompleksi 2021-ci ildə istifadəyə veriləcək.

BAKI, 9 dek-Sputnik. SOCAR-ın Qaradağ rayonu ərazisində inşa edəcəyi qaz emalı və neft-kimya kompleksi 2021-ci ildə istifadəyə veriləcək.

Sputnik xəbər verir ki, bu barədə layihəni həyata keçirəcək SOCAR-ın törəmə müəssisəsi "SOCAR GPC"nin məlumatında deyilir. Kompleks qaz emalı və neft-kimya zavodlarından ibarət olacaq. Qaz emalı zavodunun illik gücü 10 milyard kubmetr həcmində nəzərdə tutulub. Neft-kimya zavodu isə buxar krekinq, polimerizasiya bloku və digər qurğulardan ibarət olacaq. Zavodda ildə təxminən 600 min ton polietilen və 120 min ton propilen istehsalı nəzərdə tutulur. Propilen xam maddəsi polipropilen istehsalı üçün Sumqayıtda yerləşən "SOCAR Polymer"ə çatdırılacaq. Zavodda, həmçinin ildə 570 min ton etilen istehsalı da planlaşdırılır.

SOCAR
© Official website of President of Azerbaijan Republic
Layihənin inkişaf mərhələsi 15-18 ay davam edəcək. Bu mərhələdə SOCAR mühəndislik işlərini, satınalma ilə bağlı danışıqları, tikinti və maliyyə məsələlərini yekunlaşdıracaq. Beləliklə, yekun investisiya qərarı üçün kifayət qədər məlumat olacaq. Yekun investisiya qərarı qəbul edildikdən sonra tikinti işlərinə başlanılacaq və bu işlər 48 ay davam edəcək. Zavodların 2021-ci ildə istismara verilməsi gözlənilir.

Maliyyələşdirmə planına görə, layihə birbaşa maliyyələşdirmə, Asiya və Avropa şirkətləri və institutlarını əhatə edən ixrac kredit agentliyi, kommersiya bankının vəsaitləri hesabına həyata keçiriləcək. Hazırda Mühəndislik, Satınalma və Tikinti (EPC) üzrə podratçı seçimi davam edir. Maliyyələşmənin 2017-ci ilin sonuna tamamlanması gözlənilir.

"ING Bank", Çin İnkişaf Bankı və "Gazprombank" birgə maliyyə məsləhətçiləri seçilib. "Vinson & Elkins" "SOCAR GPC"nin beynəlxalq hüquq məsləhətçisi, "PSG" hüquq firması isə Azərbaycanda hüquq məsləhətçisi xidməti göstərir.

44
Teqlər:
"SOCAR GPC", "Vinson & Elkins", Gazprombank, Çin İnkişaf Bankı, ING Bank, Asiya, SOCAR, Avropa
Əlaqədar
SOCAR istiqrazlarını təqdim edib
Ərdoğanın kürəkəni Albayrak SOCAR-a güvəndiyini deyib
SOCAR işçilərinin sayını açıqladı
Ərdoğanın kürəkəni Berat Albayraq Rövnəq Abdullayevlə SOCAR-ın taleyini müəyyənləşdirdi
Ərdoğan SOCAR prezidenti Rövnəq Abdullayevi qəbul edib
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

2
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

2
Teqlər:
sülhməramlılar, Rusiya, Mina
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

19
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

19
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması