Avro-2016 futbol turnirinin rəsmi topu

Məşhur futbolçu tanınmış məşqçini yerdən yerə vurdu

51
(Yenilənib 21:09 05.12.2016)
Futbolçu: O xəbəri eşidəndə təəccübləndim. Həqiqətən çox pis məşqçidir. Hərəkətləri, saqqız çeynəməyi və s. heç xoşuma gəlmirdi.

BAKI, 5 dek — Sputnik. Vaxtilə Qalatasaray, daha sonra ardıcıl olaraq İnter, New Castle United və Fənərbaxça formasını geyən, indi isə Türkiyənin Başakşehir futbol klubunda top qovan ulduz futbolçu Emre Belözoğlu, karyerası ərzində birgə çalışdığı ən pis baş məşqçinin adını açıqlayıb.

Türk futbolçu, Newcastle United-də oynadığı dövrdə birgə çalışdığı baş məşqçi Sam Allardis-i həm ən zəif, həm də ən bərbad məşqçi adlandırıb.
Sputnik Milliyet-ə istinadən xəbər verir ki, Emre Belözoğlu bu barədə İngiltərənin "FourFourTwo" jurnalına müsahibəsi zamanı açıqlama verib.

Jurnalistin "vaxtilə birlikdə çalışdığın Sam Allardyce indi İngiltərə Milli komandasına məşqçi təyin edilib. Buna münasibətin nədir" sualını belə cavablandırıb:

"O xəbəri eşidəndə təəccübləndim. Həqiqətən çox pis məşqçidir. Hərəkətləri, saqqız çeynəməyi və s. heç xoşuma gəlmirdi. Mənim gizli-örtülü bir şeyim yox idi, amma onun həmişə kompleksləri vardı. Təbii ki, bir də tez-tez tapdaladığı iri saqqızı".

51
Teqlər:
məşqçi, futbol, İngiltərə, Sam Allardyce, New Castle United, Fənərbaxça, Qalatasaray, Emre Belözoğlu
Əlaqədar
Bu transfer futbol azarkeşlərini heyrətə salacaq
"Azərbaycanda futbol yox dərəcəsindədir"
Peşəkar Futbol Liqası Cavid Hüseynova "yaşıl işıq" yandırdı
Futbol üzrə növbəti dünya çempionatı Avrasiyada olmayacaq
Futbol üzrə dünya çempionatının seçmə görüşləri keçirilib
Fukusima

Yaponiyalı nazir deyir ki, "Fukusima"da istifadə olunan suyu içmək olar

3
(Yenilənib 15:32 16.04.2021)
Çin xarici işlər nazirliyi: "Sakit okean nə çirkab suları üçün anbar, nə də Yaponiyanın zibil vedrəsi deyil ki, qəzaya uğramış AES-dən sular ora tökülsün".

BAKI, 16 aprel — Sputnik. Yaponiyanın maliyyə naziri və eyni zamanda baş nazirin müavini Taro Aso Çin xarici işlər nazirliyinin "Fukusima-1" AES-dəki suyu okeana axıtmadan əvvəl onu içmək barədə təklifinə cavab verib. Sputnik Azərbaycan Rusiya mediasına istinadən xəbər verir ki, Yaponiya adı çəkilən AES-də reaktorların soyudulması üçün istifadə olunmuş suyun okeana axıdılması barədə qərar qəbul edib.

Xatırladaq ki, ötən çərşənbə axşamı Aso bildirib ki, "Fukusima-1" də istifadə olunmuş suda radionukleidlərin səviyyəsi, tritium istisna olunmaqla, Ümumdünya Səhiyyə Təşkilatının (ÜST) normalarından 7 dəfə, Yaponiyada qüvvədə olan normalardan isə 40 dəfə aşağıdır.

Buna cavab olaraq Çin Xarici İşlər Nazirliyinin rəsmisi bildirib ki, "Sakit okean nə çirkab suları üçün anbar, nə də Yaponiyanın zibil vedrəsi deyil ki, qəzaya uğramış AES-dən sular ora tökülsün".

Daha sonra XİN rəsmisi "bəzi yapon siyasətçilərinə" suyun təhlükəsizliyi barədə fikir yürütməzdən əvvəl onu içməyi məsləhət görüb.

"Burada əsas məsələ odur ki, həmin su ÜST normalarından 7 dəfə çox başqa sularda həll olunacaq. Yəni həmin suyu içmək də olar. Bu adi haldır", - deyə Aso telekanallardan birinə müsahibəsində bildirib.

Qeyd edək ki, Yaponiya 2023-cü ildən etibarən "Fukusima-1" AES-də reaktorların soyudulması üçün istifadə olunmuş suyun tritiumdan başqa digər radionukleidlərdən təmizlənərək okeana axıdılması barədə qərar qəbul edib. Rusiya, Çin və Koreya məsələ ilə bağlı narahatlıqlarını ifadə ediblər.

3
Pulun sayması, arxiv şəkli

Azərbaycanda ümumi daxili məhsul istehsalı azalıb

3
(Yenilənib 14:58 16.04.2021)
ÜDM istehsalının 40,5 faizi sənaye, 10,5 faizi ticarət; nəqliyyat vasitələrinin təmiri, 7,6 faizi nəqliyyat və anbar təsərrüfatı, 5,3 faizi tikinti, 3,1 faizi kənd təsərrüfatının payına düşüb.

BAKI, 16 aprel — Sputnik. 2021-ci ilin yanvar-mart aylarında ölkədə 18 921,5 milyon manatlıq və ya əvvəlki ilin eyni dövrü ilə müqayisədə 1,3 faiz az ümumi daxili məhsul (ÜDM) istehsal olunub.

Dövlət Statistika Komitəsindən Sputnik Azərbaycan-a bildiriblər ki, iqtisadiyyatın neft-qaz sektorunda əlavə dəyər 7,3 faiz azalıb, qeyri-neft-qaz sektorunda isə 2,1 faiz artıb.

ÜDM istehsalının 40,5 faizi sənaye, 10,5 faizi ticarət; nəqliyyat vasitələrinin təmiri, 7,6 faizi nəqliyyat və anbar təsərrüfatı, 5,3 faizi tikinti, 3,1 faizi kənd təsərrüfatı, meşə təsərrüfatı və balıqçılıq, 1,9 faizi informasiya və rabitə, 0,8 faizi turistlərin yerləşdirilməsi və ictimai iaşə sahələrinin, 20,1 faizi digər sahələrin payına düşüb, məhsula və idxala xalis vergilər ÜDM-in 10,2 faizini təşkil edib.

Əhalinin hər nəfərinə düşən ÜDM 1891,1 manata bərabər olub.

3
Teqlər:
Azərbaycan, ÜDM