Göbələkdən alınan maddəni xərçəng xəstələrinə vurdular və görün nə baş verdi
BAKI, 4 dek-Sputnik. Nyu-York universitetinin elmi əməkdaşları Con Hopkins Universitetinin tibb məktəbindən olan kolleqaları ilə birlikdə hallüsinogen göbələklərin gözlənilməz qabiliyyətlərini üzə çıxarıblar. Məlum olub ki, hallüsinogen göbələklər özlərindən psilosibin ayırırlar ki, bundan da onkoloji xəstələrdə depressiya ilə mübarizədə istifadə edilə bilər.
Sputnik xarici mediaya istinadla xəbər verir ki, tədqiqat zamanı bir qrup xərçəng xəstəsinə 1 kq çəkiyə 0,3 mq hesabı ilə psilosibin, digər qrup xəstələrə isə eyni miqdarda nikotin turşusu vurulub. Nəticədə birinci qrupdan olan xəstələr intihar düşüncəsindən tamamilə uzaq durublar.
Hazırda alimlər psilosibinin insan orqanizminə təsirini müəyyənləşdirmək üçün hərtərəfli araşdırma aparırlar.
Qubada yaşadıqları evi qanunsuz olaraq tərk edən koronavirus xəstələri aşkarlandı
(Yenilənib 13:30 27.11.2020)
Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.BAKI, 27 noyabr — Sputnik. Quba Rayon Polis Şöbəsinin əməkdaşları rayon ərazisində qurulmuş karantin postunda xidmət aparan zaman yaşadığı evi qanunsuz olaraq tərk edən koronavirus xəstəsi aşkarlayıblar.
Sputnik Azərbaycan DİN-in Mətbuat Xidmətinin Quba regional qrupundan verilən məlumata istinadla xəbər verir ki, araşdırmalarla həmin şəxsin rayonun Amsar kənd sakini Süleyman Mütəllimov olduğu müəyyən edilib.
Onun koronavirus testinin nəticəsi pozitiv olduğuna görə, ev şəraitində müalicə təyin edilsə də, ancaq S.Mütəllimov qaydaları pozaraq Qusar rayonuna getmək istəyib.
Dərhal həmin əraziyə həkim briqadası dəvət edilib və təcili tibbi yardım avtomobili ilə S.Mütəllimov yaşadığı ünvana geri qaytarılıb.
Gün ərzində şöbə əməkdaşları karantin postunda xidmət aparan zaman yaşadığı evi qanunsuz olaraq tərk edən daha iki şəxsi də aşkarlayıblar. COVID-19 infeksiyasına yoluxduğunu bilərək özünütəcrid qaydalarına riayət etməyən Şabran rayon sakini İlyas İsaqov və Bakı şəhər sakini Gülnaz Bağırova Quba rayonuna daxil olmaq istəyən zaman polis əməkdaşları tərəfindən saxlanılıblar.
Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.
Qeyd edilən faktla bağlı Quba RPŞ-də araşdırmalar aparılır.
Putinin suallara cavab verəcəyi konkret tarix bilindi
(Yenilənib 13:28 27.11.2020)
Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.BAKI, 27 noyabr — Sputnik. Rusiya Prezidenti Vladimir Putin ilin yekunları ilə bağlı dekabrın 17-si mətbuat konfransı keçirəcək. Sputnik Azərbaycan xəbər verir ki, bu barədə Kremlin mətbuat xidməti məlumat yayıb.
"Noyabrın 29-u saat 12:00-da Rusiya Federasiyasının mətbuat xidməti və informasiya idarəsi jurnalistlərin akkreditasiyasına başlayacaq", - deyə məlumatda qeyd olunur.
Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.