Azərbaycan Respublikasının Birləşmiş Ərəb Əmirliklərindəki fövqəladə və səlahiyyətli səfiri Daşqın Şikarov Bakı Şəhər Halqasının rəhbərliyi ilə görüşdə

Səfir Bakı Şəhər Halqasının rəhbərliyi ilə görüşüb

32
(Yenilənib 11:54 28.11.2016)
Şükürov BƏƏ-də yaşayan həmyerlilərimiz barədə məlumat verib

BAKI, 28 noy — Sputnik. Azərbaycan Respublikasının Birləşmiş Ərəb Əmirliklərindəki (BƏƏ) fövqəladə və səlahiyyətli səfiri Daşqın Şikarov Bakı Şəhər Halqasının (BŞH) rəhbərliyi ilə görüşüb. Sputnik xəbər verir ki, Əbu-Dabidə baş tutan görüşdə "Formula-1" yarışı ilə bağlı qarşılıqlı fikir mübadiləsi aparılıb.

Şükürov öncə BƏƏ və burada yaşayan həmyerlilərimiz barədə məlumat verib. Ardınca Əbu-Dabidə Yas Marina trekindən söz açan səfir bildirib ki, yerli əhali arasında "Formula-1"ə xüsusi maraq var. O, həmçinin yarışın təsnifat mərhələsini izlədiyini və təşkilatçılığın yüksək səviyyədə olduğunu da bildirib.

Səfir Daşqın Şikarov
© Sputnik / Tarana Khudabakhshiyeva
Səfir Daşqın Şikarov

Görüşdə iştirak edən Bakı Şəhər Halqası Əməliyyat Şirkətinin icraçı direktoru Arif Rəhimov diqqət üçün səfirə minnətdarlığını bildirib. O, qeyd edib ki, Bakıda keçirilən Avropa Qran-prisi artıq "Formula-1" ailəsində özünə lazımı yer edib və yarış ildən-ilə daha yüksək səviyyədə təşkil olunacaq. Rəhimovun sözlərinə görə, 21 mərhələdən birinin ölkəmizdə keçirilməsi Azərbaycanın dünyada tanınmasına, həmçinin paytaxtımıza turistlərin gəlişinin artmasına hesablanıb.

Bakı Şəhər Halqası Əməliyyat Şirkətinin Marketinq və kommunikasiya şöbəsinin rəhbəri Nigar Arpadarai isə Avropa Qran-prisinin digər mərhələlərdən geri qalmadığını vurğulayıb. O bildirib ki, paytaxtımızda baş tutan yarış özünəməxsusluğu ilə seçilib və ilk dəfədən maraqla qarşılanıb. Yarışın dünya mətbuatında geniş işıqlandırıldığını açıqlayan Apadarai turnirin Azərbaycan üçün faydalarından da söhbət açıb. Onun sözlərinə görə, "Formula-1" ölkəmizdə tezliklə ən çox sevilən idman növlərindən birinə çevriləcək.

Sonda BƏƏ-də yarışın təbliğatı, həmçinin bu ölkənin vətəndaşlarının Bakı trekini izləməsi üçün atılacaq addımlar müzakirə edilib. Qərara alınıb ki, yarış öncəsi səfirlikdə baş tutacaq görüşlərdə Azərbaycan Qran-prisinin təbliğatı da aparılsın.

32
Teqlər:
Daşqın Şikarov, Əbu-Dabi, Formula-1, Birləşmiş Ərəb Əmirlikləri, BƏƏ, səfir
Əlaqədar
Formula 1 biletləri bu tarixdən etibarən satışa çıxarılacaq
Formula 1 Avropa Qran Prisi-nin adı dəyişir
Formula 1-in suvenirləri endirimli qiymətlərlə satılacaq
Formula 1-in kommersiya direktorunun qaynanası oğurlandı
Sputnik Formula 1 diplomu ilə mükafatlandırılıb
Formula 1 geyimləri satışa çıxarıldı
Formula-1 ilə əlaqədar bağlanmış küçələr nə vaxt açılacaq?
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

89
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

89
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

4
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

4
Mövzu:
Azərbaycanda koronavirus: son xəbərlər