Dollar

Valyuta hərracında dollara tələbat artıb

46
Bu gün keçirilən valyuta hərracı 1 ABŞ dolları üçün 1,7196 məzənnəsi ilə yekunlaşıb

BAKI, 24 noy — Sputnik. Bu gün Mərkəzi Bankda Dövlət Neft Fondunun da iştirak etdiyi növbəti ikitərəfli valyuta hərracı keçirilib. Mərkəzi Bankdan Sputnik-ə verilən məlumata görə, hərrac 1 ABŞ dolları üçün 1,7146 məzənnəsi ilə başlayıb və 1,7196 məzənnəsi ilə yekunlaşıb.

46
Teqlər:
məzənnə, dollar, valyuta hərracı, Dövlət Neft Fondu, Mərkəzi Bank
Əlaqədar
Dolların məzənnəsi açıqlandı
FED-in dollar göstəricisi 14 ilin zirvəsinə yüksəldi
Dollar 1.72-nin bir addımlığında
Dollar 1.71 manatı keçir
Dolların məzənnəsi sabit qaldı
Dollar rekord qırdı, hökumət hərəkətə keçdi
Gəlin, arxiv şəkli

Həkim sözü: "Artıq toyların keçirilməsinə icazə verilməlidir"

3
(Yenilənib 16:32 24.09.2020)
“Vətəndaşlara restoranlarda - qapalı məkanlarda - yad insanlarla eyni mühitdə oturmağa icazə verilir ki, burada yoluxma ehtimalı daha güclüdür. Ancaq toy edib, qohum-əqrabası ilə eyni məkanda oturmağa icazə verilmir”

İradə Cəlilova, Sputnik Azərbaycan

BAKI, 24 sentyabr — Sputnik. Uzun müddət toylara icazənin verilməməsi aqressiyaya, hətta gələcəkdə sosial partlayışa səbəb ola bilər.

Bu fikirdə olan nevroloq Qalib Əsədov hesab edir ki, Azərbaycanda karantin rejiminin aradan qaldırılması məsələsinə yenidən baxılmalıdır.

"Karantin rejimi bu qədər uzadılmalı deyildi. Koronavirus infeksiyasını Azərbaycandan da ağır keçirən ölkələr olub. Çinin Uhan şəhəri, İtaliya, Almaniya və s. ölkələrdə COVID-19 yeni növ koronavirus infeksiyası daha ağır vəziyyətdə keçdi. Ancaq bu ölkələrdə karantin rejimi 1 ay müddətində tətbiq edildi. Karantin lokal şəkildə olur. Məsələn, bir bölgədə infeksiya aşkarlanıbsa, həmin bölgəni karantinə alırlar. Ancaq infeksiya bütün ölkədə varsa, artıq karantin rejiminin əhəmiyyəti yoxdur", - deyə o, Sputnik Azərbaycan-a bildirib.

Həkimin sözlərinə görə, Azərbaycan karantin rejimində ciddi addımlar atıb. Belə ki, pandemiya başlayanda ölkədə maska, spirt çatışmazlığı vardısa, sonradan qısa zamanda bu öz həllini tapıb.

"Azərbaycan artıq bu problemin öhdəsindən gəlməyə hazırdırsa, karantin rejiminin iqtisadiyyata vurduğu zərərlər nəzərə alınmalıdır. Ümumdünya Səhiyyə Təşkilatının baş epidemioloqu Mariya van Kirxove deyir ki, karantin rejimi davam edərsə, bunun zərərləri koronavirusun vurduğu zərərlərdən daha ağır olacaq. BMT-nin rəhbəri isə koronavirisun fəsadlarından danışanda bildirdi ki, koronavirusla bağlı karantin rejimi davam edərsə, küt, savadsız bir nəsil yaranacaq. ÜST karantin rejiminin dayandırılması ilə bağlı bəyanatlar versə də, Azərbaycan çimərlik mövsümünü çəkinə-çəkinə yay qurtaranda açdı, rayonlara gediş-gəlişi yeni tədris ilinin ərəfəsində, istirahət mövsümünün bitdiyi bir zamanda açdı", - deyən nevroloq qeyd edib ki, artıq toyların keçirilməsinə icazə verilməlidir.

ZAQS, arxiv şəkli
© Official website of President of Azerbaijan Republic

Toyun insan həyatında önəmli hadisə olduğunu vurğulayan mütəxəssis bildirib ki, uzun müddət toylara icazənin verilməməsi aqressiyaya səbəb ola bilər: "Baxın, vətəndaşlara restoranlarda - qapalı məkanlarda - yad insanlarla eyni mühitdə oturmağa icazə verilir ki, burada yoluxma ehtimalı daha güclüdür. Ancaq toy edib, qohum-əqrabası ilə eyni məkanda oturmağa icazə verilmir. Ölkədə bir il müddətinə toyların keirilməsinin qadağan edilməsi bir neçə ildən sonra demoqrafik göstəricilərə təsir edəcək".

Q.Əsədov qeyd edir ki, karantin rejimi bitəndən sonra vəziyyət daha da ağırlaşacaq.

"Toylardan restoranlar, ofisiantlar, xadimələr, musiqiçilər dolanırlar. İndi siz düşünün, nə qədər insan sıxıntılı vəziyyətdədir", - deyə o bildirib.

Mütəxəssis Azərbaycanda koronavirus testlərinin baha olması məsələsinə də toxunub.

O qeyd edib ki, ölkədə ekspress testlər olmalı və əhali ucuz qiymətə test edilməlidir. Əgər əhalinin 50 faizində xəstəlik aşkarlanarsa, bu artıq kollektiv immunitetin yaranması deməkdir. Təəssüflə qeyd etməliyik ki, ölkəyə ucuz, hamının istifadə edə biləcəyi ekspress testlər gətirilmir.

Mütəxəssisin fikrincə, belə testlərin gətirilməsi çox vacibdir.

3
Teqlər:
şadlıq evi, şadlıq sarayları, məhdudiyyət, Azərbaycan, Koronavirus, epidemiya, COVID-19, karantin, toy
Əlaqədar
Karantinin ailəyə həsrət qoyduqlarının könlünü almaq üçün inqilabi - TƏKLİF
Dəbdəbəli həyatdan üzüaşağı: Pandemiya kabusu şou əhlinə necə təsir edib?
Xalq artisti toy təklifindən imtina edib
Məşhur restoranda toy məclisi baha başa gəldi: Tutulanlar var
Biri keçirdiyi məclisə görə məhkəməyə düşür, o birinin məclisi "toplantı" olur
Avropa İttifaqının bayrağı (Aİ), arxiv şəkli

Liberal həmfikirlik demokratik totalitarizm uğrunda mübarizə kimə lazımdır?

0
(Yenilənib 17:31 24.09.2020)
Avropanın hansı ölkəsini istəyirsən seç, orada mütləq şəkildə "rusiyapərəst" mövqenin sistemdənkənar KİV və sosial şəbəkələrdə populyar olmasına dair müzakirəyə rast gələcəksən

BAKI, 24 sentyabr — Sputnik, Vladimir Kornilov. Qərb tərəfindən artıq de-fakto elan olunan soyuq müharibə tamamilə yeni fazaya daxil olur. Rusiya əleyhinə ritorikadan sonra rəsmi ideologiyaya uyğun olmayan fərqli düşünənlərin də təqib olunmasına dair çağırışlar eşidilir. Vəziyyətin inkişafını izləyərkən məlum olur ki, biz artıq bütün bu anti-Rusiya əleyhinə hücum və sanksiyaların əsas hədəfi deyilik.

Avropa Parlamentinin Rusiya və Rusiya siyasəti ilə bağlı son qətnamələrinin nə qədər sərt olduğu görünür. Yeri gəlmişkən, onlarda hətta Rusiyanın Konstitusiyasını dəyişməyə dair tələb də yer alıb. Lakin həmin qurumun tribunasından Avropa Komissiyasının rəhbəri Ursula fon der Lyayen çıxış edir və o öz çıxışında Rusiyanın adını cəmi bir dəfə çəkir. Lakin necə! O, "Rusiya ilə daha sıx münasibətlərin lehinə olanları" təhdid edir. Yəni bu müraciət daha çox Moskvaya deyil, Avropa Birliyi daxilində xarici siyasətdə daha sağlam bir Brüssel yanaşmasına ümid etməyə cəsarət edən dövlətlərə və xüsusilə siyasi qruplaradır. Almaniyanın sabiq müdafiə naziri bununla da Avropa müxalifətinə xəbərdarlıq edir: "Biz sizin arxanızca gəlirik".

Qeyd etmək lazımdır ki, Qərb mətbuatı da bu geniş "padşah" nitqində Rusiya haqqında qısa xatırlatmanı əsas mesaj olaraq qeyd edir və onu ilk səhifələrə çıxardır: "Avropa İttifaqının lideri Rusiya ilə əlaqələrə qarşı xəbərdarlıq edir". Yəni bu tezis daha geniş ictimaiyyətə çatdırılmalı və elə bu mətbuatın özü tərəfindən müntəzəm olaraq "Kremlin faydalı axmaqları" yarlıqları asılan bütün şəxslər tərəfindən eşidilməlidir.

Heç bir şübhə yoxdur ki, daxili müxalifətə qarşı münasibətin sərtləşməsi – bəzi avropalı siyasətçilərin əmin etdiyi kimi "Berlin pasiyenti" ətrafında qalmaqala reaksiya deyil. Yəqin ki, bu daha çox Rusiyanın Berlindəki səfirliyinin divarları önündə "Putin! Putin!" şüarlarına cavabdır. Bu həm də həqiqət sözünü eşitmək qorxusudur, hansı ki Almaniyanın özündə daha çox böyük hörmətlə istifadə olunur.

Bu "problem" barədə bu günlərdə Almaniyanın "Süddeutsche Zeitung" qəzeti birbaşa danışıb. Sözbəsöz sitat gətiririk: "Navalnının zəhərlənməsinin xeyli mübahisələr yaratdığı Almaniyada Rusiya dövlət KİV-inin təsiri böyükdür. Dövlət televiziyasının alman dilli bölməsi "RT Deutsch"un məqaləsi inanılmaz dərəcədə populyardır: ЕСВС-nin (Xarici əlaqələr üzrə Avropa Xidməti – red.) məlumatına görə, onlar hazırda Almaniyanın sosial şəbəkələrində sitat gətirilməyə görə ikinci yerdədirlər".

"Süddeutsche Zeitung" müəllifləri bunun niyə baş verməsi, həmçinin niyə son illərdə Almaniya qəzetlərinin populyarlığının aşağı düşməsi barədə düşünmək vəziyyətində deyillər. Onların fikrincə, Rusiya KİV-inin Avropada əsas məqsədi – Avropa cəmiyyətinin nizamlı cərgələrinə "şübhələr daxil etməkdir". Maraqlıdır ki, nə vaxtdan qərb jurnalistləri şübhələrin mövcudluğunda nəsə pis və dəhşətli bir şey olduğunu düşünürlər? Guya demokratik Avropa həmişə (ən azından sözdə) totalitarizm və rəsmi həmfikirliliyi tənqid edirdi. İndi isə qərb jurnalistləri və siyasətçiləri həmvətənlərinin "zəhərləmələr" və "müdaxilələr" haqqında xəbərlərdə hər hansı bir məna axtarmağa cəhd edərək, tənqid olmadan yalnız yuxarıdan eşidilən "vahid düzgün" versiyanı retranslyasiya edən yerli qəzetlər və xəbər kanallarına sağlam alternativ axtarmalarına gerçəkdən təəccüblənirlər.

Bu təkcə Almaniyaya aid deyil. Avropanın hansı ölkəsini istəyirsən seç, orada mütləq şəkildə "rusiyapərəst" mövqenin sistemdənkənar KİV və sosial şəbəkələrdə populyar olmasına dair müzakirəyə rast gələcəksən. Məsələn, çexiyalı ekspert Yan Şir bunu jurnalistlərin "hazırlıqlı olmamaları" ilə bağlayıb. Onları sadəcə "düzgün istiqamətləndirmək" lazımdır: məsələn, onları Donbasdakı üsyançıları "separatçılar" yox, "Rusiya ordusu" adlandırmağa məcbur et və dərhal da lazımı nəticəni alacaqsan. Bu illər ərzində heç kimin Donbasda rus ordusunu tapmaması kimin vecinədir? Əsas məsələ oxuculara şübhə və ikili şərhlərə yol verməyən, "bulanıq olmayan" bir mənzərə tətbiq etməkdir. Şirin fikrincə, bunun üçünsə Çexiya televiziyalarına yalnız Rusiya rejiminin Navalnını zəhərləməkdə maraqlı olduğunu və bunu "Noviçok"un köməyilə etmələrinə şübhə belə etməyən (necə də dəhşətlidir!) "düzgün" ekspertləri çağırmaq lazımdır.

Doğrudanmı Şir və onun kimi ekspertlər bütün qəzetlərdə istisnasız olaraq rus "işğalçıları" və ya "zəhərləyən Putin" haqqında məlumat tapan hər hansı bir sağlam düşüncəli insanın gec-tez bu sensasiyalı "faktların" təsdiqini axtarmağa çalışacağını bilmirlərmi? Və ya qəzetlərdə bu barədə heç bir şey tapmayacaqları təqdirdə alternativ mənbələrə müraciət etməyəcəklər? Əslində məhz bununla da Rusiya KİV-inin Avropada daha populyarlaşması izah olunur. Onlar ən azından bu və ya digər problemlə müxtəlif tərəflərdən baxmağa və öz seçimini etməyə imkan verir. Rusiya ilə mübarizədə və Avropa daxilində müxtəlif fikirli insanların təmizlənməsində israrlı olan Qərb ekspertləri isə bundan qorxurlar.

Belə düşkünlüyə daha yeni nümunə - bu həftə İtaliyanın bir sıra regionlarında baş tutan seçkilərdir. "Qırmızıların" ənənəvi olaraq qalib gəldiyi Toskana vilayətində sağçılara meylli olan müxalif "Liqa"nın qələbə perspektivindən qorxan nüfuzlu KİV yenidən anti-Rusiya kartını işığa çıxarıb. Əsas "sübut" isə "Liqa" ilə nə vaxtsa bağlılığı olan elektrik şirkətinin hansısa sahibinin rus həyat yoldaşı var və... o, arvadı üçün Rusiyaya pul köçürməsi edib. Özü də əksinə yox. Lakin oxucunu istənilən halda müxalifətin Kremllə əlaqələrinin olmasına inandırmaq lazımdır – bunun məntiqli olub-olmaması əhəmiyyətli deyil.

"Liqa"nın lideri Salvininin bütün bu illər ərzində heç kimin onda nə "rubl, nə də matryoşka" tapa bilməməsinə dair bəyanatı isə İtaliyanın liberal KİV və Brüssel siyasətçilərini tamamilə maraqlandırmır. Bu spekulyasiyalardan istifadə edən Avropa liberallarının əsas ideoloq və aparıcı ruporlarından biri Qi Verxofstadt Avropa Parlamentinin zalında Salvinini "Putindən pul almaqda" günahlandırır. "Şəxsən mən bizi öyrətmək istəyən bu insanların Avropa İttifaqının dağıdılması üçün pul almaları faktını skandal hesab edirəm", - deyə Belçikanın sabiq Baş naziri bildirib.

Əslində daxili müxalifətə qarşı "ittihamların" mahiyyəti budur – onun həqiqətən rusiyayönümlü olub-olmaması, Moskva ilə əlaqəsi olub-olmamasının heç bir əhəmiyyəti yoxdur. Əsas odur, onun ağzını bağlayasan. Əgər sənin rəqibinin üzünə onun tərəfdarlarından birinin rus həyat yoldaşının olması və ya rəfində matryoşkanın olmasını desəniz, o buna nə cavab verə bilər? Bu metod bir sıra Avropa ölkələrində çoxdan sınaqdan keçirilib.

Avropanın yeni "dəmir qadını" Ursula fon der Lyayenin dilindən rəqiblərin ünvanına səslənən açıq təhdidlərin də mənası budur. Soyuq müharibə "ifritələrə qarşı ov" olmadan mümkün deyil. Avropa bu müharibə zamanı əsir götürmək niyyətində deyil və "beşinci kolon" elan edəcəyinin hamısını silməklə hədələyir. Bu yalnız başlanğıcdır.

0