Истребитель F-16

Qatil 23 il sonra öldürüldü

5703
(Yenilənib 21:24 05.11.2016)
Başına 1,5 milyon pul qoyulan terrorçu məhv edilib

BAKI, 5 noy-Sputnik. PKK terror təşkilatının liderlərindən biri olan İsa Teres öldürülüb.

Sputnik "Milliyet" qəzetinə istinadla xəbər verir ki, Türkiyə Silahlı Qüvvələrinin noyabrın 3-də keçirdiyi xüsusi əməliyyat zamanı PKK-nın Bingöl, Muş və Ərzurum üzrə rəhbəri, kod adı İsa Fərhad olan Teres 7 terrorçu yoldaşı ilə birlikdə məhv edilib.

Tunceli valiliyinin verdiyi açıqlamada terror qrupunun gizləndiyi yerin F-16 hərbi təyyarəsi ilə bombalandığı, ardında da hərbi helikopterdən güclü atəşə tutulduğu bildirilib. Əməliyyatdan sonra bölgəni nəzarətdən keçirən antiterror əməliyyatçıları cəsədlərdən birinin İsa Teresə aid olduğunu təsdiqləyib. Cəsədlər dövlət xəstəxanasına, oradan da baş prokurorluğun ilkin ekspertiza rəyi əldə etməsi üçün ədliyyə tibb qurumuna göndərilib   

Teres 2014-cü ildən PKK-nın Bingöl, Muş və Ərzurum üzrə qanadına rəhbərlik edir. O, uzun müddət axtarışda olub və onun başına 1,5 milyon türk lirəsi mükafat qoyulub.
PKK-çılar öldürüldüyü zaman həmin ərazidə xeyli sayda silah-sursat ələ keçirilib.

Qeyd edək ki, Teres 1993-cü ildən adıçəkilən terror təşkilatının üzvüdür.

5703
Teqlər:
İsa Teres, PKK, Türkiyə, terror
Əlaqədar
Politoloq: PKK-nin daxildə və xaricdəki bağlantıları məhv edilir
PKK Diyarbəkiri qana boyadı, 100-dən çox yaralı var
PKK hərbi düşərgələrini bu ölkəyə köçürdü?
PKK-ya qarşı xüsusi əməliyyat keçirilib
PKK yenə əsgəri hədəfə aldı
PKK-ya "işləyən" şəxs öldürülüb
Aleksey Navalnıy, arxiv şəkli

Navalnı Putinin sarayını axtarır

0
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"

BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.

Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.

“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.

Onun fikrincə, bu işdə “yeganə yenilik” “monatj hekayələri”ndən istifadə olunmasıdır.

“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.

Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.  

“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.

0
Teqlər:
Dmitri Peskov, Kreml, Qara dəniz, saray, Vladimir Putin, Aleksey Navalni
Donald Tramp, arxiv şəkli

"Qayıdacam" - Tramp Evdən necə getdi - VİDEO

3
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

3
Teqlər:
tərk etmək, Ağ Ev, Donald Tramp