Pekində Çinin dövlət bayrağını saxlayan rəsmi qarovul əsgəri, arxiv şəkli

Çin kəşfiyyatı FTB-nin məxfi planlarını oğurlayıb

94
(Yenilənib 12:54 01.11.2016)
Pentaqonda bildiriblər ki, istefada olan polkovnik-leytenant Bencamin Bişop Pekinlə gizli əməkdaşlıq edib.

Çin kəşfiyyatı bir neçə dəfə Amerikanın təhlükəsizlik sistemini yararaq Pentaqonun Çinlə mümkün gərginlik şəraitində atacağı addımların göstərildiyi məxfi planı oğurlayıb. Bu barədə məlumatı Konqres komissiyasının sənədlərinə istinadən “Washington Free Beacon” yayıb.

Sənədlərdə göstərilir ki, Çin agentləri FTB-nin (Federal Təhqiqatlar Bürosu) və ABŞ-ın Sakit okean komandanlığının (USPACOM) planlarından xəbərdar olub. Pentaqonda bildiriblər ki, istefada olan polkovnik-leytenant Bencamin Bişop Pekinlə gizli əməkdaşlıq edib və çinlilərə ABŞ-ın nüvə potensialı, pilotsuz uçuş aparatlarının quruluşu və Çinlə münasibətlərə aid məxfi sənədləri ötürüb. 2014-cü ilin mart ayında o, münasibət saxladığı çinli qadına məxvi məlumatlar ötürdüyünü etiraf etmişdi. Hesabatda həmçinin Pekinə məlumatlar ötürən digər rəsmilərin də adları qeyd olunub.

“Oğurlanmış materiallar içində ABŞ-ın dövlət agentlərini və məxfi agentlərini eyniləşdirmək üçün istifadə edilə bilən 5.6 milyon barmaq izləri də vardır ki, bunlardan həm də məxfi məlumatları əldə etmək məqsədi ilə biometrik materialların surətini çıxarmaq üçün də istifadə edə bilərlər”, — sənəddə deyilir.

Faktla bağlı Konqresdə qapalı dinləmələrin keçirilməsi gözlənilir. Mənbənin məlumatına görə, hesabatın tam versiyası noyabrın 16-da nəşr ediləcək.

Çin Xalq Respublikasının Xarici İşlər Nazirliyinin rəsmi nümayəndəsi Lu Kan KİV-ində məlumat oğurluğu haqda yayılan xəbərləri “məsuliyyətsiz” adlandırıb.

“Digər ölkələrə qarşı ittihamlar faktlara əsaslanmalıdır. Bu təşkilat daim Çin-ABŞ münasibətləri haqqında məsuliyyətsiz bəyanatlar təqdim edir ki, bu da onların inkişafı üçün əlverişli deyil”, — deyə Lu kan brifinq zamanı bildirib. Lakin nazirliyin rəsmisi hansı təşkilatı nəzərdə tutduğunu dəqiqləşdirməyib.

94
Teqlər:
Konqres komissiyası, nüvə potensialı, pilotsuz uçuş aparatları, Washington Free Beacon, Konqres, Pentaqon, ABŞ-ın Sakit okean komandanlığı, Federal Təhqiqatlar Bürosu, Çin Xalq Respublikasının Xarici İşlər Nazirliyi, Lu Kan, Bencamin Bişop, Pekin, ABŞ, Çin
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

34
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

34
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

19
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

19