Fuad Poladov, Şah Qacar obrazında

Fuad Poladov teatrdan getdiyini açıqlayıb

296
(Yenilənib 20:58 26.10.2016)
O, bu yaxınlarda teatrdan çıxarılan aktyor Hikmət Rəhimova dəstək məqsədilə teatrı tərk edib.

BAKI, 26 okt-Sputnik. Xalq artisti Fuad Poladov gözlənilməz qərar verib.

Sputnik Teleqraf-a istinadla xəbər verir ki, o, bu yaxınlarda teatrdan çıxarılan aktyor Hikmət Rəhimova dəstək məqsədilə teatrı tərk edib.

Bu barədə Hikmət Rəhimov özünün facebook səhifəsində məlumat verib:

"Bunu deməliyəm. Başıma gələn olaylarla bağlı mənə dəstək olan və arxamda dayanan insan Fuad müəllim Poladova minnətdaram. Polis bölməsinə, rayon polis idarəsinə məndən xəbərsiz gedən və mənə görə ordakılara narahatlığını bildirən və sonra teatrdan çıxdığını bəyan edən Fuad Poladov. İnanın səmimiliyimə, bununla fəxr etmirəm və şok da yaşamıram. Çünki bu, Fuad müəllimdir. Hər gün mənə ən azı 2 dəfə zəng vurub ürək-dirək verən Fuad müəllim. Mən sizə bu dünyada da, o dünyada da minnətdaram. Bunu heç kim eləməzdi — heç kim. Hər şeyə görə çox sağ olun".

Məsələ ilə bağlı Fuad Poladov özü şərh vermək istəmədiyini deyib.

Qeyd edək ki, gənc aktyor Hikmət Rəhimov bu yaxınlarda teatrın rəhbərliyi ilə yola getmədiyi və rejissor Vüqar Məmmədovla dalaşdığı üçün Azərbaycan Dövlət Milli Dram Teatrından qovulub. 

296
Teqlər:
teatr, aktyor, Hikmət Rəhimov, Fuad Poladov
Əlaqədar
Teatr mövsümü qapanır
Salyandan Təbrizə qədər yeganə teatr
Azərbaycanda yeni teatr yaradıldı
Bakıda yeni teatr yaradıldı
Əməkdar artist kino və teatr sahəsində yeyilən milyonlardan danışdı