Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib

Xəzərdə taktiki təlimlər keçirilib

76
Kütləvi qırğın silahlarının komponentlərinin və narkotik vasitələrin aşkar edilməsi kimi təlim tapşırıqları uğurla icra olunub

BAKI, 10 okt — Sputnik. 5-8 oktyabrda "Dövlət Sərhəd Xidmətinin bölmələri tərəfindən Xəzər dənizinin Azərbaycana mənsub bölməsində yerləşən neft-qaz infrastrukturuna qarşı təhlükə yarandıqda axtarış əməliyyatlarının aparılması və aşkar olunmuş terror-təxribat qüvvələrinin zərərsizləşdirilməsi" mövzusunda taktiki təlimlər keçirilib. Dövlət Sərhəd Xidmətinin (DSX) mətbuat mərkəzindən Sputnik-ə bildiriblər ki, taktiki təlimlərin əsas məqsədi Xəzər dənizində neft-qaz yataqları, sualtı boru kəmərlərinin mühafizəsinin təşkili və döyüş əməliyyatlarının aparılması zamanı Dövlət Sərhəd Xidmətinin bölmələrinin döyüş hazırlığının yüksəldilməsi, qarşılıqlı fəaliyyətdə komandir heyətinin idarəetmə bacarığının inkişaf etdirilməsi, qaranlıq hava şəraitində sərhəd axtarışının aparılması, raket-artilleriya qurğularından atışların keçirilməsi üzrə praktiki vərdişlərin təkmilləşdirilməsi olub.

Üç mərhələdə 10 taktiki epizod üzrə keçirilən təlimlərdə neftqazçıxarma rayonlarının, platformaların, ixrac boru kəmərlərinin mühafizəsi və müdafiəsi ilə bağlı Dövlət Sərhəd Xidmətinin Sahil Mühafizəsinin və Aviasiya Dəstəsinin gündəlik şəraitdən fövqəladə şəraitə keçirilməsi və birgə axtarış əməliyyatlarının aparılması, sorğuya cavab verməyərək ərazidən uzaqlaşan gəminin dayandırılması üçün xəbərdarlıq atəşinin açılması, havadan çevik qrupun helikopter vasitəsilə gəmiyə desantlaşdırılması, gəmidə şərti düşmənin terror-təxribat qrupunun zərərsizləşdirilməsi, dayandırılmış gəmiyə təlim keçmiş xidməti itlər və xüsusi axtarış vasitələri ilə baxış keçirilməsi, kütləvi qırğın silahlarının komponentlərinin və narkotik vasitələrin aşkar edilməsi kimi təlim tapşırıqları uğurla icra olunub.

  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • На Каспии проведены тактические учения в связи с возможными угрозами нефтегазовой инфраструктуре
    На Каспии проведены тактические учения в связи с возможными угрозами нефтегазовой инфраструктуре
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Photo : dsx.gov.az
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
  • Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib
    © Пресс-служба ГПС АР
1 / 15
© Photo : dsx.gov.az
Xəzərdə neft-qaz infrastrukturuna qarşı təhlükələrlə əlaqədar taktiki təlimlər keçirilib

DSX-nın Sahil Mühafizəsinin sərhəd gözətçi gəmilərinin və Aviasiya Dəstəsinin helikopterlərinin zenit-artilleriya qurğuları və raket komplekslərindən günün işıqlı və qaranlıq vaxtlarında hədəflərə döyüş atışları müvəffəqiyyətlə həyata keçirilib, neft platforması rayonunda kəşfiyyat fəaliyyəti ilə məşğul olan rəqibin pilotsuz uçuş aparatının və tələblərə tabe olmayan pozucu qayığın, şərti düşmənin sualtı təxribat qruplarının və sahildə düşərgə qurmuş şərti terrorçu qruplarının qaranlıq hava şəraitində aşkarlanması və məhv edilməsi üzrə tapşırıqlar yüksək dəqiqliklə icra edilib.

Taktiki təlimləri Azərbaycan Respublikası Baş Nazirinin birinci müavini Yaqub Eyyubov izləyib.

76
Teqlər:
taktiki, Sahil Mühafizəsi, DSX, təlim, Dövlət Sərhəd Xidməti
Əlaqədar
Rusiya Qafqazda genişmiqyaslı hərbi təlimlərə başladı
Hərbi Dəniz Qüvvələrinin təlimləri başa çatıb
Operativ-taktiki təlimlər davam edir
Azərbaycanla Türkiyə birgə hərbi təlimlərə başladı
Mühəndis-İstehkam Qoşunlarının döyüş hazırlığı təlimi keçirilib
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

2
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

2
Самолет Бе-200, фото из архива

Hirkan Milli Parkında yanğın davam edir - VİDEO

12
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

12