Formula 1

Formula 1-in suvenirləri endirimli qiymətlərlə satılacaq

17
Bakı Şəhər Halqası Əməliyyat Şirkəti ölkə ictimaiyyətini dənizkənarı bulvarda salınacaq Formula 1 stendini ziyarət etməyə dəvət edir

BAKI, 30 sen — Sputnik. 1 oktyabr 2016-ci il tarixində Bakının Dənizkənarı Milli Parkında (Bulvarda) təşkil olunacaq "Avropa Şəhərciyi 2016" festivalı çərçivəsində Formula 1 Avropa Qran Prisinin Azərbaycandakı promouteri — Bakı Şəhər Halqası Əməliyyat Şirkəti də təmsil olunacaq. Bakı Şəhər Halqasından Sputnik-ə verilən məlumata görə, bu il Avropa İttifaqının (Aİ) Azərbaycandakı Nümayəndəliyi və Avropa İttifaqına üzv ölkələrin Bakıdakı səfirlikləri — Azərbaycan Respublikası ilə mövcud əməkdaşlığın 25 illiyini bir neçə tədbir çərçivəsində qeyd edirlər.

Avropa İttifaqının Azərbaycandakı Nümayəndəliyi Avropa İttifaqına üzv ölkələrin səfirlikləri ilə birlikdə və Milli Dənizkənarı Parkının administrasiyasının tərəfdaşlığı ilə keçiriləcək festivalda Bakı Şəhər Halqası da özünəməxsus şəkildə iştirak edəcək. Formula 1 tərzində qurulmuş stenddə simulyator oyunlarından istifadə edən ziyarətçilər F1 yarışlarındakı sürəti və həyəcanı hiss edə biləcəklər. Həmçinin məkanda 2016 FORMULA 1 GRAND PRİX OF EUROPE yarışı ilə bağlı məlumatlandırıcı vəsaitlər ziyarətçilərə təqdim olunacaq.

Qeyd edək ki, Bakı Şəhər Halqası Əməliyyat Şirkəti ölkə ictimaiyyətini dənizkənarı bulvarda salınacaq Formula 1 stendi ziyarət etməklə yanaşı burada təşkil olunacaq Formula 1 Avropa Qran Prisinin rəsmi süvenirləri endirimli qiymətlərlə əldə etməyə dəvət edir.

17
Teqlər:
"Avropa Şəhərciyi 2016", festival, bulvar, Dənizkənarı Milli Park, Avropa Qran Prisi, Formula 1
Əlaqədar
Formula 1 geyimləri satışa çıxarıldı
Sputnik Formula 1 diplomu ilə mükafatlandırılıb
Formula 1-də ilk qəza baş verib
Bakı qonaqpərvərliyi: Formula-1 fanatları necə dincəlirlər
Piyada, arxiv şəkli

Paytaxtda keçid mədəniyyətində ciddi problemlər var - Günahın bir hissəsi piyadalardadır

0
(Yenilənib 22:05 13.08.2020)
Keçidlərlə bağlı qərar verilərkən gərək həmin ərazilərdə piyada axını, o cümlədən də you dönəcək avtomobillərin də axını ölçülsün və bundan sonra müvafiq qərar verilsin

Nigar İsgəndərova, Sputnik Azərbaycan

BAKI, 13 avqust — Sputnik. Bir müddət öncə Bakıda daha bir yolayrıcının hər dörd tərəfi piyada zolağı ilə nişanlandı. Belə ki, paytaxtın Üzeyir Hacıbəyli və Kövkəb Səfərəliyeva küçələrin kəsişməsi 3 tərəfli keçiddən 4 tərəfli keçidə keçirilib. Lakin paytaxtın əksər yollarında keçidlərin 3 tərəfli olması hələ də problem olaraq qalır.

Piyada keçidində qadın, arxiv şəkli
© AFP 2020 / MLADEN ANTONOV

Bu isə o demək idi ki, bir şəxs küçənin digər tərəfinə keçmək üçün yolunu ya 3 qat artırmalı olacaq, ya da özünü riskə atıb elə nəqliyyatın hərəkəti zamanı yolu keçməli olacaq. Bu yollardan yalnız cavanların deyil, fiziki məhdudiyyəti olan şəxslərin, yaşlıların da keçdiyini nəzərə alsaq, o zaman vəziyyətin daha da qəliz oduğunu görə bilərik.

Şəhəri piyadayönümlü etmək və bir çox riskləri qarşılamaq üçün dördtərəfli keçidlərin təşkili vacib amildir. Bu gün dünyanın inkişaf etmiş ölkələri, avtomobilləşmiş şəhərlərində də bu təcrübəni görmək mümkündür.

Yol-nəqliyyat üzrə ekspert Hüseyn Abdullayevlə bu mövzu ətrafında söhbətləşdik. Ekspert keçidlərin 3 tərəfli olmasının yaratdığı çətinliklərdən söz açıb: "Nizamlanan yol ayrıclarında 4 tərəfdə deyil, yalnız 3 tərəfdə piyada keçidinin olması əsas problemlərdən biri olaraq qalır. Qeyd edim ki, xüsusən də piyadaların sıx hərəkət etdiyi küçələrdə bu amil problemlər yaradır. Çünki yol keçmək üçün heç kəs yolunu 3 dəfə uzatmaq istəmir. Bu isə avtomobillərin hərəkəti zamanı problemə səbəb olur. Belə bir vəziyyət həm piyadalar, həm də sürücülər üçün narahatlıq doğurur. Belə olan halda sürücülər piyadanın yola çıxmasını gözləmirlər. Təbii ki, belə olan halda xoşagəlməz situasiya ortaya çıxır".

Piyada, arxiv şəkli
© Sputnik / Tabyildyi Kadyirbekov

"Keçidlərin təşkili zamanı bu problemə böyük diqqət ayırmaq lazımdır. Lakin etiraf edək ki, bəzi hallarda dördüncü qolda piyada keçidinin olması məqsədəuyğun deyil. Təbii ki, bu zaman da bunu əsaslandırmaq lazımdır", - deyə o əlavə edib.

O bildirib ki, keçidlərlə bağlı qərar verilərkən gərək həmin ərazilərdə piyada axını, o cümlədən də you dönəcək avtomobillərin də axını ölçülsün və bundan sonra müvafiq qərar verilsin: "Yəni, qərarlar verilərkən üstünlüyün yalnız sürücülərə verilməsi düzgün olmaz. Piyadaların da maraqlarının nəzərə alınması və təmin olunması mütləqdir".

0
Aleksandr Lukaşenko, arxiv şəkli

Lukaşenko qonaqlıqda Poznerin dediyi sağlığa necə reaksiya verib

6
Vladimir Pozner: "Anam mənə öyrədib ki, kiminləsə çörək kəsəndə ya bu adam haqqında yaxşı danışmalısan, ya da heç nə deməməlisən. Ona görə də, Aleksandr Qriqoryeviç, mən sizə heç nə demirəm"

BAKI, 13 avqust — Sputnik. Məşhur rusiyalı televiziya aparıcısı Vladimir Pozner 25 il əvvəl Aleksandr Lukaşenkoya dediyi birmənalı ifadə və Belarus prezidentinin buna reaksiyasından danışıb.

Sputnik Azərbaycan-ın məlumatına görə, aparı müvafiq qeydləri "Pozner Online" saytındakı köşə yazısında edib.

Poznerin sözlərinə görə, hadisə Belarus liderinin 20 rusiyalı jurnalistin iştirakı ilə görüşündə baş verib. Görüş Boris Berezovski tərəfindən təşkil olunub.

Belə ki, şam yeməyi zamanı qonaqlara "səmimi qəbula görə" minnətdarlıq əlaməti olaraq sağlıq demək təklif olunub. "Yaxşı xatırlayıram, növbə mənə çatanda dedim: "Anam mənə öyrədib ki, kiminləsə çörək kəsəndə ya bu adam haqqında yaxşı danışmalısan, ya da heç nə deməməlisən. Ona görə də, Aleksandr Qriqoryeviç, mən sizə heç nə demirəm". Dedim və oturdum", - deyə Pozner bildirib.

Teleaparıcı əlavə edib ki, Lukaşenko onun dediklərinə cavab olaraq, "yalnız ifadəli baxıb". Berezovski isə qəzəblənərək onun sözlərini düzəltməyə çalışıb.

6