Berlin divarının parçası və Reyqanın kovboy çəkməsi on dəfə baha satıldı

© AP Photo / John MacDougall/Pool Berlin's landmark Brandenburg Gate
Berlin's landmark Brandenburg Gate - Sputnik Azərbaycan
Abunə olmaq
Berlin divarının bir parçası və ABŞ-ın 40-cı prezidenti Ronald Reyqana məxsus kovboy çəkməsi Nyu-Yorkdakı hərracda onların təxmin edilən dəyərindən on dəfə baha satılıb.

BAKI, 23 sen-Sputnik. Berlin divarının bir parçası və ABŞ-ın 40-cı prezidenti Ronald Reyqana məxsus kovboy çəkməsi Nyu-Yorkdakı hərracda onların təxmin edilən dəyərindən on dəfə baha satılıb.

Sputnik xarici mətbuata istinadla xəbər verir ki, "Christie`s" hərrac evinin məlumatına görə, hərracda bütün dünyadan 1200-dən çox insan iştirak edib. Ronald Reyqan və xanımı Nensi Reyqana məxsus şəxsi əşyaların satışından 5,7 milyon dollar toplanıb.

Berlin divarının üzərində Reyqanın imzası olan 63 santimetrlik parçası anonim alıcıya 277 min dollara satılıb. Aktyor Reks Allenin sabiq prezidentə hədiyyə etdiyi kovboy çəkməsi isə təşkilatçıların gözlədiyindən onqat baha qiymətə — 200 min dollara alıcı tapıb.

Hərracda ən bahalı lot üzərində sapfir, yaqut və ABŞ bayrağı olan "Bulgari" almaz üzüyü olub. Nensi Reyqana məxsus bu zinət əşyası 319 min dollardan baha satılıb.

Əldə edilən vəsait Ronald Reyqanın Prezident Fonduna və Kaliforniyadakı Ronald Reyqan Prezident Kitabxanasına göndəriləcək.

ABŞ-ın 40-cı prezidenti Ronald Reyqan 2004-cü ildə 93 yaşında, Nensi Reyqan isə bu ilin martında 95 yaşında vəfat edib.

Xəbər lenti
0