Səsvermə

12 seçki məntəqəsində vebkamera quraşdırılıb

24
73 saylı Lənkəran Şəhər seçki dairəsi referenduma hazırdır

Rahim Zakiroğlu, Sputnik Azərbaycan

BAKI, 23 sen — Sputnik. Sentyabrın 26-da Konstitusiyaya ediləcək dəyişikliklərlə bağlı ölkəmizdə keçiriləcək referenduma hazırlıq işləri, demək olar ki, tamamlanıb. Bu istiqamətdə 73 saylı Lənkəran Şəhər Dairə Seçki Komissiyasında (DSK) işlər yekunlaşdırılıb.

DSK sədri Kərim Heydərovun Sputnik-ə verdiyi açıqlamaya görə, hazırda bütün məntəqələr lazım olan inventarlarla təmin edilib: "73 saylı Lənkəran Şəhər seçki dairəsində 28 seçki məntəqəsi var. Məntəqələrdə səsvermənin şəffaflığını maksimum təmin etmək üçün 28 məntəqədən 12-si vebkamera ilə təchiz edilib".

Komissiya sədri Lənkəran Şəhər Seçki Dairəsində, ümumilikdə 35 min 315 nəfərin qeydiyyatda olduğunu, bunlardan 49%-nin kişi, 51%-nin qadın olduğunu və 577 nəfərin ilk dəfə səsvermə hüququndan istifadə edəcəyini bildirdi.

Qeyd edək ki, 73 saylı Lənkəran Şəhər Seçki Dairəsində 26 sentyabr referendumunu 234 nəfər müşahidəçi izləyəcək.

24
Teqlər:
Kərim Heydərov, məntəqə, DSK, Lənkəran, referendum, dəyişiklik, Konstitusiya
Əlaqədar
Referendum haqqında nələri bilirik
MDB PA Azərbaycandakı referendumu izləyəcək
Referendumla bağlı işçi qrupu yaradılıb
26 sentyabr referendumunun yekun nəticələri oktyabrın 21-dək açıqlanacaq
Konstitusiya dəyişiklikləri ilə bağlı referendumun vaxtı bəlli oldu
Hindistanda epidemioloji vəziyyət

Hindistan koronavirus əleyhinə dərmanın satışına başladı - 64 manata

0
Patentsiz dərman satışının başlaması, Hindistanın bir sıra əyalətlərində səlahiyyətli orqanların koronavirus xəstələri üçün dərmanların olmaması və tədarükündə fasilələr olması ilə əlaqədardır.

BAKI, 13 avqust — Sputnik. Hindistanın dərman şirkəti Zydus Cadila COVID-19 müalicəsi üçün olan virus əleyhinə Remdac preparatının satəşəna başlayıb.

Remdac preparatının satışı hazırda ancaq Hindistanda həyata keçirilir. O tərkibində virusa qarşı olan patentləşdirilməmiş ən ucuz remdesivir əsası daşıyır.

Hazırda 100 mq olan dərmanın qiyməti 2800 rupiyə - 63,75 qəpiyə satılır.

Patentsiz dərman satışının başlaması, Hindistanın bir sıra əyalətlərində səlahiyyətli orqanların koronavirus xəstələri üçün dərmanların olmaması və tədarükündə fasilələr olması ilə əlaqədardır.

0
Amerikalı aktyor Tom Kruz, arxiv şəkli

Sənət qurban tələb edir - 111 illik körpünü partladacaqlar

3
"Çətin tapşırıq 7" filminin Polşadakı çəkilişləri aprel ayında başlayacaq. Ekran işinin premyerası 18 noyabr 2021-ci il tarixinə planlaşdırılır

BAKI, 13 avqust — Sputnik. Tom Kruzun baş rolda çəkildiyi "Çətin tapşırıq 7" ("Mission Impossible 7") filminin yaradıcı heyəti ekran işi üçün 111 il əvvəl Polşanın Pilxovice kəndində inşa edilmiş körpünü partlatmaq istəyir.

Hakimiyyət artıq buna razılıq versə də, yerli sakinlər qərarın əleyhinə çıxırlar.

Polşa mədəniyyət nazirinin müavini Pavel Levandovskinin sözlərinə görə, körpü artıq istismardan çıxıb və heç bir tarixi dəyər daşımır. Onun fikrincə, çəkilişlərdə körpüdən istifadə dünya ictimaiyyətinin diqqətini ölkəyə cəlb edə bilər.

Xatırladaq ki, "Paramount Pictures" kino şirkəti fevral ayında çəkilişləri dayandırmışdı. Bu addımı Appenin yarımadasında yayılan koronavirus səbəbindən atmışdı. "Çətin Tapşırıq 7" ("Mission Impossible 7") filminin İtaliyanın Venesiya şəhərindəki çəkilişləri zamanı baş rolun ifaçısı ilə yanaşı, digər aktyorlar da koronavirus şübhəsi ilə karantinə götürülmüşdü. Hollivud ulduzu Tom Kruzun baş rolda yer aldığı filmin bəzi səhnələri Venesiyada lentə alınmalı idi. Plana uyğun olaraq çəkiliş qrupu Venesiyada üç həftə keçirməli idi.

Qeyd edək ki, "Çətin tapşırıq 7" filminin Polşadakı çəkilişləri aprel ayında başlayacaq. Ekran işinin premyerası 18 noyabr 2021-ci il tarixinə planlaşdırılır

3