Azərbaycan Yazıçılar Birliyi

Yazıçılar Birliyində adamlar özlərini təbrik etdirirlər

51
(Yenilənib 14:22 14.09.2016)
Fikrət Qoca: "Rüstəm Behrudi ad gününün qeyd olunmasını istəyirdisə, bizə müraciət edəydi"

BAKI, 14 sen-Sputnik. Azərbaycan Yazıçılar Birliyinin birinci katibi Fikrət Qoca tanınmış şair Rüstəm Behrudinin bu qurumdan istefa verməsinə münasibət bildirib.

Sputnik-in məlumatına görə, qaynarinfo-ya danışan Fikrət Qoca deyib ki, təmsil etdiyi qurumun üzvlərinin ad günlərinin qeyd olunduğu ümumi bir siyahı var. Əgər Rüstəm Behrudi ad gününün xüsusi qeyd olunmasını istəyirdisə, Yazıçılar Birliyinə zəng vurub, bildirəydi.

"Biz hər il onun ad gününü təbrik edəsi deyildik ki? Yubileyinin qeyd olunmasını istəyirdisə, bunu bizə bildirəydi" — deyən Fikrət Qoca Rüstəm Behrudinin AYB-dən istefa qərarına etiraz etmir.

"Əgər o belə bir qərar veribsə, biz nə deyə bilərik ki? Amma əgər narazılığı var idisə, bizə bildirəydi, birgə danışıb, narazılığı aradan qaldıraydıq. Yazıçılar Birliyinin 1500-dən artıq üzvü var. Biz onları bir-bir yadda saxlaya bilmərik. Kim doğum gününün, yubileyinin keçirilməsini istəyirsə, bizə müraciət edir. Biz də çalışırıq onun yubileyini layiq olduğu səviyyədə keçirək" — deyə Qoca bildirib.

Qeyd edək ki, Azərbaycanın tanınmış şairi Rüstəm Behrudi Azərbaycan Yazıçılar Birliyindən istefa verib. Bu haqda şair facebook hesabında paylaşdığı statusda bildirib:

"Mən az qala 30 ilə yaxındir ki, əvvəllər SSRİ Yazıçılar İttifaqının, sonradan Azərbaycan Yazıçılar Birliyinin üzvü oldum. Və bir Tanrı şahiddir ki, o təşkilatdan heç bir umaçağım olmadı. Ancaq indi baxıb görürəm ki,bu uzun illər ərzində ədəbiyyat tüccarlarına doğum günlərində mədhiyyə oxuyan YB-nin ədəbi orqanları bircə dəfə də olsun doğum günlərində adımı çəkməyib. Niyə? Görəsən Şerləri Türk dünyasında dillər əzbəri olan bir şairə bu cür münasibət hardan qaynaqlanır?. Bir quruca təbrikə nə deyirsiniz,əfəndilər? YB üzv olmaq məsuliyyətindən özümü bu gündən qurtarmış hesab eləyirəm. Hamıya sevgi və sayğılarımla! Rüstəm Behrudi."

Qeyd edək ki, Rüstəm Behrudi 1957-ci il sentyabrın 12-də Ordubad rayonunun Behrud kəndində anadan olub.

51
Teqlər:
Fikrət Qoca, Azərbaycan Yazıçılar Birliyi, Rüstəm Behrudi
Əlaqədar
Salam Sarvan Yazıçılar Birliyindən çıxıb
Reanimasiyada COVİD-19 xəstəsi, arxiv şəkli

COVID-19-a yoluxan həkimi nəzarətə götürdülər

5
(Yenilənib 13:22 09.07.2020)
Həkim Cavid Paşayev yoluxma sayının artdığı son dönəmdə daha gərgin işləyib və nəticədə özü də virusdan qoruna bilməyib

BAKI, 9 iyul — Sputnik. Xəbər verdiyimiz kimi, ATU-nun Tədris Cərrahiyyə klinikasının tibb personalı arasında da COVID-19-a yoluxanlar olub. İndiyədək TCK-nın heyətindən 33 nəfər virusa yoluxub. COVİD-19-a yoluxanalr arasında artıq klinikanın reanimasiya şöbəsinin müdiri Cavid Paşayev də var.

ATU-dan Sputnik Azərbaycan-a verilən məlumata görə, Cavid Paşayev aprelin 1-dən etibarən ATU Tədris Cərrahiyyə Klinikasının reanimasiya şöbəsində ən ağır koronaviruslu xəstələrin qulluğunda dayanıb, bu müddət ərzində yüzlərlə xəstənin həyatını xilas edib. C.Paşayev həm də daim maarifləndirmə işini aparıb, sosial şəbəkələrdəki hesabından insanlara qorunmağın vacib olduğunu yazıb. İşdən sonra digər xəstəxanalara köməyə gedən həkim C.Paşayev yoluxma sayının artdığı son dönəmdə daha gərgin işləyib və nəticədə özü də virusdan qoruna bilməyib. Və indi Cavid Paşayev koronavirusla gərgin mübarizə aparır. Təəssüf ki, son günlər onun səhhəti ağırlaşıb.

Anestezioloq Cavid Paşayev

ATU-nun Tədris Cərrahiyyə Klinikasından bildiriblər ki, C.Paşayevin KT müayinələrinin nəticəsində mənfi dinamika qeyd olunduğundan o, klinikanın reanimasiya şöbəsinə yerləşdirilib. Daha sonra Universitet rektorunun iştirakı ilə klinika rəhbərliyi arasında konsilium keçirilib. Aparılan konsiliumda vəziyyətə uyğun olaraq, ATU rektoru Gəray Gəraybəyli ilə Gömrük Tibb Xidməti İdarəsinin rəhbərliyi arasında aparılan danışıqlar əsasında, Cavid Paşayev müalicənin daha effektli və daha sürətli aparılması üçün daha müasir avadanlıq, EKMO cihazının mövcudluğu nəzərə alınaraq Gömrük Xəstəxanasına yerləşdirilib. C.Paşayevin vəziyyəti hazırda stabil ağır olaraq qalır. Onun durumu, müalicə prosesi bilavasitə universitet rektoru və klinika rəhbərliyinin nəzarəti altlındadır.

5
Teqlər:
Azərbaycan, Bakı, həkim, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Daha bir həkimimiz COVİD-19-a yoluxdu
Azərbaycanda əlli doqquz nəfər süni tənəffüs aparatı ilə yaşayır
Azərbaycanın bir rayonuna giriş-çıxış məhdudlaşdırıldı - koronavirusa görə
Yaponiya mədəniyyəti koronavirusun qarşısını necə aldı - Yaponlar kimi niyə ola bilmirik?
Azərbaycana koronavirusa görə xarici mütəxəssislər gətirildi
Rusiya polisi, arxiv şəkli

İş adamlarının qətllərini sifariş verən qubernator saxlanıldı

5
(Yenilənib 13:09 09.07.2020)
Sergey Furqal 2004-2005-ci illərdə Xabarovsk ərazisi və Amur bölgəsində bir sıra sahibkarların qətlini təşkil etməkdə şübhəli bilinərək tutulub.

BAKI, 9 iyul — Sputnik. Rusiyanın Xabarovsk diyarının qubernatoru Sergey Furqala qarşı cinayət işi açılıb. Sputnik Azərbaycan "RİA Novosti"yə istinadən xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko bildirib.

O qeyd edib ki, Sergey Furqal 2004-2005-ci illərdə Xabarovsk ərazisi və Amur bölgəsində bir sıra sahibkarların qətlini təşkil etməkdə şübhəli bilinərək tutulub.

Petrenko qeyd edib ki, iş üzrə cinayətkar qrupun daha dörd fəal üzvü saxlanılıb. Artıq saxlanılan şəxslərə qarşı ittiham irəli sürülüb. Yaxın saatlarda Furqala da ittiham elan olunacaq.

5