Tikinti materialları

Tikinti materiallarının qiymətində ciddi artım baş verib

2977
(Yenilənib 11:24 14.09.2016)
Xaricdən gələn məhsulların bəzilərinin qiymətləri hətta saatbasaat artır.

BAKI, 14 sen — Sputnik. Manatın dollar qarşısında kəskin ucuzlaşması tikinti materialları bazarına da təsir göstərib. Ölkənin ən iri tikinti materialları bazarı olan Eurohome şirkətindən Sputnik-ə bildirilib ki, məhsulların 90%-də bahalaşma müşahidə olunur. Bununla belə, şirkətin mətbuat xidmətindən verilən məlumatda qeyd olunur ki, hər firma gətirdiyi məhsula çəkdiyi xərcə uyğun qiymətlər qoyur:

"Bildiyiniz kimi, Eurohome böyük bazardır. Və tərkibində fərqli-fərqli şirkətlər təmsil olunur. O cümlədən, qiymətlər də fərqlidir. Hər şirkətin özünəməxsus qiyməti var. Hərə öz məhsulunun keyfiyyətinə görə qiymət təyin edir. Məsələn, Fırat Boru öz məhsuluna ayrı, Metak ayrı, Bilfan da ayrı qiymət qoyur. Məhsulun maya dəyərinə, gətirildiyi ölkəyə, gömrük xərclərinə uyğun tariflər müəyyən edilir. Yəni standart qiymətlərin olması mümkün deyil. Çindən gələn malla, İspaniyadan gələn malın qiyməti eyni ola bilməz!?".

Şirkət rəsmisi Sputnik-ə Türkiyədən gətirilən və yerli məhsulların bəzilərinin hazırki orta qiymətləri barədə də məlumat verib. Həmin siyahını və qiymətləri sizə təqdim edirik:

Taxta: Kubu 235 AZN
Dam örtükləri: Kvadratı 4 AZN
25 mm Plastik borular: metrəsi 1 man 50 qəpik
Sement Norm — kisəsi 4 AZN
Metlax: Kvadratı 7 man 60 qəp. 

Ağdaş tikinti materialları bazasından Sputnik-ə verilən məlumata görə, sentyabrın ilk günündən başlayaraq ölkəmizə xaricdən gətirilən tikinti materiallarının qiymətində xeyli artım olub. Bu bahalaşma bəzən gündəlik deyil, hətta saatla baş verir.

"Bizə zəng edib deyirlər ki, filan materialın qiyməti bu qədər qalxdı, biz də ona uyğun qiymətləri tənzimləyirik" — deyə Ağdaş satış bazasının əməkdaşı bildirib.

Sement və bəzi digər tikinti materiallarının qiymətində artım müşahidə edilməsə də, taxtanın və digər döşəmə örtüklərinin, dam örtüklərinin, alçıpan və armaturların, plastik, taxta və dəmir qapı-pəncərələrin qiymətlərində 40%-dək bahalaşma müşahidə edilir. Avropa ölkələrinin istehsalı olan bəzi kafel və metlaxların qiymətində ötən ilin analoji dövrü ilə müqayisədə hətta 110-110 % başalaşma müşahidə edilib. Divar kağızlarının qiymətləri də 15-20% bahalaşıb.

Daş bazarında isə qiymətlər sabit olaraq qalıb.

Binəqədi rayon sakini Ehtiram Məhsimov Sputnik-ə bildirib ki, o, avqustun 31-də evinin döşəməsi üçün lazım olan materialları satış bazasında hesabladıb. O zaman ona lazım olan materiallar 1509 manat pul tutub. Sentyabrın 2-də isə o materialları almaq üçün eyni bazaya yaxınlaşanda, eyni materialları ona 2200 manat həcmində hesablayıblar.

"Satıcı mənə dedi ki, indi almasan, peşman olacaqsan. Sabah gəlib həmin materialları daha da baha almalı olacaqsan, çünki qiymətlər az qala saatbaşı dəyişir" — deyə E.Məhsimov bildirib.

2977
Teqlər:
satış bazası, dam örtükləri, sement, norm, Eurohome, Ağdaş, taxta materiallar
Əlaqədar
Tikinti sektorunun tənəzzül dövrü başlayıb
Bölgələrdə təmir-tikinti işləri dayanıb
Ən çox bahalaşmaya məruz qalan tikinti materialları bəlli oldu
Tikinti sektorunda çalışan sahibkarların vergi mexanizmi yüngülləşir
“Körpü-Bina-Tikinti” MMC-dən oğurluq edənlər hələ tutulmayıblar

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

14
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

14