Yemək

Həsrət kədəri unutduran qidalar

147
Yediyiniz qidalar sınmış qəlbinizi yaxşılaşdırmağa kömək edə bilər

BAKI, 11 sen — Sputnik. Boşanma, ayrılıq insanın daha çox stressə yaşamasına, depressiyaya düşməsinə səbəb olur. Təəssüf ki, bu ağrını heç bir dərmanla sağaltmaq mümkün deyil. Ayrılıq və xəyanət ağrısı zamanla keçir… Lakin həyat tərzini dəyişmək, əyləncələrə çox yer vermək, dostlarla görüşmək, söhbətləşmək depressiyadan çıxmağa qismən kömək edir. Bundan başqa, seretonin hormonunun səviyyəsini artıraraq xoşbəxtlik gətirən qidalar da ayrılıq ağrısından yavaş-yavaş azad olmağa kömək edə bilir.

Stressli vaxtlarda adətən yüksək kalorili yeməklərə yönəlirik. Bu yeməklər isə kökəlməyə səbəb olduğu üçün bir müddət sonra bizi ikiqat stressə salır. Sputnik publika.az-a istinadən xarici mətbuata istinadən ayrılıq ağrısından əziyyət çəkənlərə daha yaxşı təsir edən, eyni zamanda daha az kalorili 5 qidanın faydalarını təqdim edir:

1. Qızılbalıq: Ümumiyyətlə, qızılbalıq kimi yağlı balıqlar adrenalin səviyyəsini nəzarət altında saxlayaraq insanı sakitləşdirir. Omeqa-3 yağ turşuları da əhvalı yaxşılaşdırır. Bundan başqa, daha sağlam dəri və saçlara qovuşdurur. Beləcə, gözəl görünüşünüzlə yeni birinin diqqətini çəkmək sizə də zövq verəcək.

2. Badam: Ayrılmaq və ya boşanmaq stressə səbəb olur. Badam isə immun sistemini gücləndirir. Badamın tərkibinə E vitaminləri və sink ilə zəngin antioksidantlar daxildir. Bundan başqa, badamda doymamış və sağlam yağlar olur. 30 qramında 163 kalori və 12 qram yağ olduğu üçün həddini aşmaq olmaz. Qoz, fıstıq da eyni funksiyanı yerinə yetirir və əhvalı yüksəldir.

3. Qatıq: Stressli anlarda mədə şikayətləri çoxalır. Daha tez-tez qarın ağrısı yaşayırıq, ishal da ola bilər. Qatıqda olan aktiv maddələr mədə problemlərinin yaranmasını əngəlləyir. Eyni zamanda, ehtiva etdiyi probiotiklər həzm sistemini tənzimləyir, orqanizmi zülal və kalsiumla təmin edir. Kefir, donmuş qatıq da adi qatıq qədər faydalıdır.

4. Tünd şokolad: Tünd şokoladın stress səviyyəsini aşağı saldığı sübut olunmuş faktdır. Şokolad xoşbəxtlik hormonu olan serotinini artıran şəkərdən və kakaodan ibarətdir. 30 qramı 150 kalori və 9 qram da yağ daşıdığı üçün qədərindən artıq yemək olmaz.

5. Tam taxıllı səhər yeməkləri: İnsanların çoxu özünü yaxşı hiss etmədiyini düşündüyü üçün yüksək karbohidratlı yeməklərə yönəlir. Bunun səbəbi belə qidanı istehlak etdikdə beyinin özümüzü yaxşı hiss etməyimizi təmin edən serotonin ifraz etməsidir. Amma bir çox insan ifrata qaçır. Karbohidrat istehlak etmək əvəzinə, tam taxıllı qidalara üstünlük verin. Beləliklə, daha sağlam qidalanar və stressi azaltmış olarsınız. Özünüzü stressli hiss etdikdə bir kasa yağsız süd ilə tam taxıllı səhər yeməyi yeyin.

Bundan başqa, bu qidalar fiziki fəallığı da yüksəldir, bədəni gümrahlaşdırır. Özünüzü gün ərzində enerjili hiss edirsiniz.

Nə yediyinizdən ziyadə necə yediyiniz də əhəmiyyətlidir. Bunun üçün bir neçə taktika:

1. Birinci növbədə yemək istədiyinizdən əmin olun. Bunun üçün aclıq səviyyənizi 1-dən 10-a qədər ölçün. 10- ən çox yemək istədiyiniz vəziyyətdir. Son yediyiniz zamanı düşünün. Əgər həqiqətən acmısınızsa, yeməyə başlayın. Əgər sadəcə stressə bağlıdırsa, gəzintiyə çıxın, ilıq duş qəbul edin və ya stressdən başqa bir variantla xilas olun.

2. Özünüz üçün dinc, sakit və səssiz bir mühit yaradın. Yemək vaxtı bütün elektrik alətlərini söndürün. İnternet və s. 30 dəqiqə gözləyə bilər. Yemək kefini ailəniz və dostlarınız ilə birlikdə çıxarın, bol-bol söhbət edin.

3. Tez-tələsik yemək ən pis vərdişlərdən biridir, sadəcə stressli şərait yaradır. Gün ərzində çərəzlər üçün 5-10 dəqiqə, əsas yemək üçün isə 20-30 dəqiqə vaxt ayırın.

147
Teqlər:
kədər, həsrət, yemək, qida, ərzaq
Əlaqədar
İdmançını tez "parladıb", tez "söndürən" qidalar
5 günlük su və 10 gün çatacaq miqdarda qida tədarük edin!
Üç qida sizin aclıq hissinizi tamamilə yox edir
Saatlıda qidadan zəhərlənən qadın bir həftə sonra xəstəxanada ölüb
İnsan üçün daha faydalı olan qidalar
Azərbaycan əhalisinin qida rasionu dəyişir
Heydər Əliyev aeroportu, arxiv şəkli

Vətəndaşlar pandemiyadan əvvəl aldıqları səyahət biletlərinin pulunu geri ala bilmirlər

0
Şikayətlərdə bunun səbəbi əsasən səyahət edəcəkləri ölkələrə uçuş marşrutunun dəyişdirilməsi ilə əlaqələndirilir.

BAKI, 26 iyul — Sputnik. Hələ 2020-ci ildə müxtəlif xarici ölkələrə səyahət üçün turpaket alan Azərbaycan vətəndaşlarının bir qismi bu günədək turizm şirkətlərinə ödədikləri məbləği geri ala bilmirlər. Bu barədə sosial platformada vətəndaşlar mütəmadi olaraq narazılıqlarını ifadə edən statuslar paylaşır. Şikayətlərdə bunun səbəbi əsasən səyahət edəcəkləri ölkələrə uçuş marşurutunun dəyişdirilməsi ilə əlaqələndirilir.

Turizm şirkətlərindən birindən Misirə turpaket alan müştəri hələ 2020-ci ilin əvvəlində bunun üçün turizm şirkətlərindən birinə 700 manat ödəyib. Turpaketin qiymətinin 30 faizini ödəyən vətəndaş 2400 manatın yerdə qalan hissəsini isə səyahət edəcəyi təqdirdə ödəyəcəkmiş. Koronavirus pandemiyasına görə hava sərhədləri bağlandığından onun Misir səfəri təxirə düşüb. Amma indiyədək turizm şirkəti ödədiyi vəsaiti vətəndaşa geri qaytarmayıb. Buna da səbəb kimi Bakıdan Misirə birbaşa uçuşların dayandırılması göstərilib. Bu gün Azərbaycandan xarici ölkələrə səyahət üçün aviabilet alan vətəndaşlar da eyni problemi yaşayır. Onlar arasında da biletlərinin dəyərini geri ala bilməyənlər az deyil. Sputnik Azərbaycan problemin həlli yollarını araşdırıb.

Əlaqə saxladığımız turizm şirkətlərindən Sputnik Azərbaycan-a bildiriblər ki, pandemiya səbəbindən bəzi ölkələrə aviareyslər dayandırılıb. Bu isə müştərinin aldığı turpaketklə həmin ölkələrə səyahət imkanını çətinləşdirib.

Aviareyslərin dayandırılması turpaketlərin qiymətini də bahalaşdırıb...

"Delta travel" turizm şirkətindən bildirdilər ki, onlar müştərilərin çoxunun turpaket üçün ödədiyi vəsaiti geri qaytarıb. Amma bəzi aviaşirkətlər bilet dəyərini geri qaytarmadığından, onlar da müştərinin pulunu geri qaytara bilmir. Amma turizm şirkətləri turpaket alan müştərilərinə səyahət üçün başqa variantlar da təklif edirlər. Məsələn Misirə turpaket alan müştərilərə hazırda turizm şirkətləri İstanbul üzərindən səyahət imkanı yaradır. Turizm şirkətlərindən bildirdilər ki, Azərbaycandan Misirə birbaşa uçuş olmadığından, onlar müştərilərə İstanbul üzərindən səyahət təklif edirlər. Amma bu zaman müştəri əlavə vəsait ödəməlidir.

Belə ki, 2020-ci ilin yanvarında iki nəfər üçün Misirə 2400 manata turpaket alan müştəri indi bunun üçün 2100 ABŞ dolları ödəməlidir. Çünki uçuşun birbaşa həyata keçirilməməsi turpaketin qiymətini bahalaşdırıb.

O ki qaldı pandemiyadan əvvəl xarici ölkələrə səyahət üçün alınan aviabiletlərin dəyərinin qaytarılmasına, "Azərbaycan Hava Yolları" QSC-dən (AZAL) sorğumuza cavabda bildirib ki, COVID-19 pandemiyasının yayılması ilə əlaqədar "Azərbaycan Hava Yolları" QSC-nin reyslərinə aviabiletlərin qaytarılması və dəyişdirilməsi qaydalarını tərtib edib.

COVID-19 pandemiyasının yayılması ilə əlaqədar hansı aviabiletlər qaytarılmalı və dəyişdirilməlidir?

2020-ci ilin 10 mart tarixindən 25 oktyabr tarixinədək uçuş dövrünü əhatə edən "AZAL" və "Buta Airways" aviaşirkətlərinin aviabiletləri ödənişsiz yenidən təxsis edilə və ya dəyişdirilə bilər. Açıq tarixlə rəsmiləşdirilmiş aviabiletlər (konkret geri qayıdış tarixi qeyd edilməyən biletlər) istisnadır.

Aviabiletlərin qaytarılması və ya dəyişdirilməsi üçün hara müraciət etməyə gəlincə, AZAL-dan bildirdilər ki, bunun üçün callcenter@azal.az elektron poçtu vasitəsilə yazılı formada aviaşirkətin çağırış mərkəzinə və ya aviaşirkətin internet saytında əlaqə forması vasitəsilə müraciət etməyiniz xahiş olunur.

AZAL aviabiletlərin hansı tarixə dəyişdirilə biləcəyini də açıqlayıb. Bildirib ki, yeni uçuş tarixi ilkin aviabilet üzrə uçuş tarixindən sonrakı 24 aydan gec olmamalıdır. Sərnişinə təkcə uçuş tarixini deyil, tariflər arasında fərqin ödənilməsi şərtilə (həmin fərq mövcuddursa) uçuş istiqamətini də dəyişmək imkanı təqdim edilir. Bu halda arzu olunan tarixdə həmin istiqamət üzrə reysin yerinə yetirilib-yetirilmədiyi nəzərə alınır.

O ki, qaldı aviabileti dəyişməyib ödənilən pulun geri alılnasına, AZAL-dan bildridilər ki, alternativ olaraq, AZAL həmçinin sərnişinlərə aviabiletin dəyərinin geri qaytarılması əvəzinə vauçer formasında pul sənədi (EMD) təklif edir. Bu vauçeri ləğv edilmiş reysə biletin ilkin uçuş tarixindən etibarən iki il ərzində istifadə etmək mümkündür. Vauçer "AZAL" və "Buta Airways" aviaşirkətlərinin bütün istiqamətlərində etibarlıdır. Vauçerin kodu sərnişinin elektron poçtuna göndəriləcək. Həmin kod aviaşirkətin rəsmi kassalarında və agentliklərində aviabiletin alışı zamanı təqdim edilə bilər.

Məlumat üçün bildirək ki, bu günədək isə Azərbaycan 10-a yaxın ölkə ilə hava əlaqəsini bərpa edib. Bunlar Türkiyə, Rusiya, ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətərdir.

Qeyd edək ki, Nazirlər Kabinetinin 5 iyunda imzaladığı qərarından sonra 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq, Rusiya Federasiyası və Türkiyə Respublikasının vətəndaşlarının hava yolu ilə Azərbaycan ərazisinə səfərinə icazə verilib. Həmin qərara əsasən, yaşı 18-dən yuxarı olan sərnişinlər tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması şərti ilə ölkəmizə səfər edə bilərlər.

Həmçinin 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testinin neqativ nəticəsini təsdiq edən rəsmi sənədi təqdim olunmalıdır. Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur. Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

İyunun 21-dən isə ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətər vətəndaşlarının Azərbaycan Respublikasının ərazisinə səfər etməsinə icazə verilib.

Həmçinin oxuyun:

TƏBİB-dən səyahət edənlərə çağırış

Pandemiya Azərbaycanda səyahət və yay istirahətləri planına necə təsir edir?

Koronavirussuz səyahət: hələlik PZR testlə, tezliklə peyvənd pasportu ilə

0

Həqiqəti tapmaq: "Feyk-nyus"la necə mübarizə aparmalı

6
Sputnik Beynəlxalq İnformasiya Agentliyi və Radiosu pandemiya ilə əlaqədar fasilədən sonra SputnikPro təhsil qrupunun işini bərpa edib. Yeni modulun mövzusu feyk-nyus və onunla necə mübarizə aparılması olub.

Bazar ertəsi, iyulun 26-da Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

Son zamanlar sosial şəbəkələrdə, bəzən isə KİV-lərdə də yalan məlumatların yayılması geniş vüsət alıb. Blogerlərin sayının artması, habelə koronovirus pandemiyası sosial şəbəkələrdə işıq sürəti ilə yayılan şayiə və feyklərin sayını artırıb.

İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

SputnikPro layihəsi artıq dünyanın 13 ölkəsində təşkil olunub. 2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

Bu maarifçilik layihəsi ilə bağlı yenilikləri aşağıdakı "Facebook" səhifəsindən izləmək olar: https://www.facebook.com/SputnikProject/

Foto:

Sputnik Azərbaycan mətbuat mərkəzində keçirilən görüşdə jurnalistlərə feyk xəbərlərin hansı şablonlar üzərində yaradıldığı və bir çox məşhur feyklərin yaranmasının səbəbləri barədə danışılıb.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak danışıblar.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Artyom Buftyak – "İnanmıram!" (Не верю!) və "Biz hamımız öləcəyik. Amma bu dəqiq deyil" (Мы все умрем. Но это не точно) resurslarının aparıcısıdır. "Bu, necədə russayağıdır" (Как это по-русски) və "Hekayələr. DOC" (Истории. DOC) resursları üçün ssenarilər yazır.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Natalya Şaşina – "Rossiya Seqodnya" media qrupunun İnnovativ jurnalistika mərkəzi rəhbərinin müavini.

Spikerlər çoxsaylı nümunələrlə "şübhə testlərinin" necə keçirilməsini, feykləri aşkar etmək, yoxlamaq və ifşa etməyin yollarını nümayiş etdiriblər

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır

6
  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

  • © Sputnik / Murad Orujov

    "Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

  • © Sputnik / Murad Orujov

    İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

  • © Sputnik / Murad Orujov

    SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

  • © Sputnik / Murad Orujov

    SputnikPro layihəsi artıq dünyanın 13 ölkəsində təşkil olunub.

  • © Sputnik / Murad Orujov

    2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

  • © Sputnik / Murad Orujov

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası