BAKI, 19 avq — Sputnik. İstanbulda sui-qəsdə məruz qalaraq qətlə yetirilən, məşhur azərbaycanlı kriminal avtoritet Rövşən Canıyev (Lənkəranski) bu gün dəfn edilib. Sputnik-in hadisə yerindən olan əməkdaşının verdiyi məlumata görə, dəfn mərasimi izdihamla müşayət olunub.
Mərhumu son mənzilə yola salan zaman küçələrə toplaşmış rayon sakinləri göz yaşlarını saxlaya bilməyiblər. Rövşən Canıyev Lənkəranın "Kiçik bazar" adlanan qəbiristanlığında dəfn edilib.
Dəfndə minlərlə insan iştirak edib. Mərhumun qohumları ilə yanaşı, mərasimə ətraf rayonlardan, Rusiyadan gələnlər də qatılıb.
