Serj Sarkisyan. Arxiv şəkli

Serj Sarkisyan Edvard Nalbandyanı istefaya göndərir?

33
(Yenilənib 16:06 11.08.2016)
O, xarici siyasət idarəsi rəhbəri vəzifəsini prezident administrasiyası rəhbəri Viqen Sarkisyana həvalə etmək niyyətindədir.

BAKI, 11 avq-Sputnik. Ermənistan xarici işlər naziri Edvard Nalbandyan vəzifəsindən uzaqlaşdırıla bilər.

Sputnik APA-ya istinadla xəbər verir ki, bu barədə Ermənistanın "Qraparak" qəzeti öz mənbəyinə istinadən yazıb.

Bildirilir ki, prezident Serj Sarkisyan yeni kadr dəyişikliyi aparmaq niyyətindədir: "O, xarici siyasət idarəsi rəhbəri vəzifəsini prezident administrasiyası rəhbəri Viqen Sarkisyana həvalə etmək niyyətindədir. Onun XİN rəhbəri təyin ediləcəyi ilə bağlı əvvəllər də xəbərlər yayılırdı".

Qəzetin məlumatına əsasən E. Nalbandyan isə Fransaya səfir göndəriləcək. O, artıq 1999-2008-ci illərdə bu vəzifəni icra edib.

Prezident Administrasiyasının yeni rəhbəri kimi isə Milli Təhlükəsizlik Şurasının hazırki katibi Armen Qevorkyanın adı çəkilir. O, 2006-2008-c illərdə Robert Koçaryan dövründə prezident administrasiyası vəzifəsini icra edib.

"Belə olan halda Milli Təhlükəsizlik Şurası prezident aparatı nəzdində fəaliyyət göstərəcək və bununla da əvvəlki konfiqurasiya bərpa olunacaq", — deyə məqalədə vurğulanıb.

33
Teqlər:
Robert Koçaryan, Armen Qevorkyan, Ermənistan xarici işlər naziri Edvard Nalbandyan, Milli Təhlükəsizlik Şurası, Ermənistan prezidenti Serj Sarkisyan
Əlaqədar
Serj Sarkisyan sentyabrın 1-nə qədər vaxt verib
Serj Sarkisyan Moskvaya çağırıldı
"Sarkisyan Rusiyaya qarşı çıxarsa, özü də, rejimi də çökər"
Serj Sarkisyan Milli Təhlükəsizlik Şurasının fövqəladə iclasını çağırıb
Elmar Məmmədyarovla Edvard Nalbandyan əl tutub görüşdülər