BAKI, 10 avq-Sputnik. İmişli rayonunda növbəti dəfə zəlzələ olub.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Sputnik-ə verilən məlumata görə, yerli vaxtla saat 14:30:13-də Beyləqandan 35 km şimal-şərqdə İmişli rayonu ərazisində zəlzələ qeydə alınıb. Zəlzələ ciddi hiss olunmayıb.
Zəlzələnin maqnitudası 3.0, dərinliyi 24 km olub.
Xatırladaq ki, avqustun 1-də də İmişlidə zəlzələ baş vermişdi. Əsas təkandan sonra bir neçə afterşok qeydə alınmış. Zəlzələnin maqnitudası 5,6 bal gücündə olmuşdu. Zəlzələ 25 km dərinlikdə baş vermişdi. Zəlzələ nəticəsində xeyli evə ziyan dəymişdi.
