Daxili işlər naziri Ramil Usubov

Ramil Usubova Türkiyədən təşəkkür gəldi

23
Həmkarı Ramil Usubova hərbi çevrilişdən dolayı Türkiyə hökumətinə verdiyi dəstəyə görə təşəkkür etdi.

BAKI, 20 iyul-Sputnik. Azərbaycan Respublikasının daxili işlər naziri, general-polkovnik Ramil Usubov Türkiyə Respublikasının daxili işlər naziri Efkan Alaya telefonla zəng edib.

Sputnik DİN-in saytına istinadla xəbər verir ki, Ramil Usubov hərbi çevrilişin qəbuledilməz olduğunu bildirərək, Türkiyədəki demokratiyaya və xalq tərəfindən seçilmiş hökumətə tam dəstək verdiklərini vurğulayıb.

Türkiyənin daxili işlər naziri öz növbəsində verilən dəstəyə və göstərdiyi həmrəyliyə görə general-polkovnik Ramil Usubova təşəkkürünü bildirib.

23
Teqlər:
Efkan Alay, Azərbaycan Respublikasının daxili işlər naziri, Ramil Usubov, daxili işlər naziri, general-polkovnik Ramil Usubov, Türkiyə
Əlaqədar
"Türkiyədəki hərbi çevriliş cəhdinin arxasında ABŞ dayanır"
Çevriliş gecəsi türk generaldan ABŞ-a şok telefon zəngi
Türkiyədə çevriliş cəhdində həlak olanların dəfn mərasimi keçirilib
ABŞ və Rusiyadan Türkiyədəki çevriliş cəhdinə münasibət bildirilib
Xırdalanda partlayış yerində

Xırdalandakı partlayışın müəmması davam edir: orada qaz xətti yoxmuş

1
Xırdalanda ikimərtəbəli fərdi yaşayış evində partlayışdan sonra FHN xilasediciləri dağıntılar altından 6 nəfəri xilas edib, 2 nəfərin meyitini çıxarıblar. Hadisə ilə bağlı "Azəriqaz" da açıqlama yayıb

BAKI, 26 yanvar — Sputnik. Abşeron rayonunun Xırdalan şəhərində partlayış baş verən ikimərtəbəli evin yerləşdiyi ərazidən heç bir qaz xətti keçmir.

© Sputnik / Kamilla Əliyeva / Taleh Mahmudov

Sputnik Azərbaycan-ın məlumatına görə, bunu jurnalistlərə açıqlamasında "Azəriqaz" İstehsalat Birliyinin baş direktoru Ruslan Əliyev bildirib. R.Əliyevin sözlərinə görə, hadisə yerində mütəxəssis araşdırmaları davam edir: "Ərazidə heç bir yeraltı qaz kəməri yerləşmir. Partlayış həyət evinin daxilində baş verib. Hadisənin qaz sızmasından, yaxud balon qazından baş verdiyi məlum deyil. Bununla bağlı müvafiq qurumlar araşdırma aparır. Amma orada "Azəriqaz"a aid heç bir yeraltı qaz kəməri yoxdur".

Xatırladaq ki, ötən gün axşam saatlarında Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. Nəticədə uçqun olub. FHN xilasediciləri dağıntılar altından 6 nəfəri xilas edib, 2 nəfərin meyitini çıxarıblar.

1
İran və Rusiya xarici işlər nazirləri Məhəmməd Cavad Zərif və Sergey Lavrov, arxiv şəkli

Lavrov Zərif Qarabağa dair nəyi müzakirə ediblər?

2
(Yenilənib 17:02 26.01.2021)
"Biz əminik ki, bu iş Dağlıq Qarabağ ətrafında vəziyyətə dair qalan siyasi aspektləri ədalətli əsasda, Azərbaycan və Ermənistan xalqları, həmçinin onların qonşularının maraqları çərçivəsində tam həll etməyə imkan verəcək".

Eldar Tanrıverdiyev, Sputnik Azərbaycan

BAKI, 26 yanvar — Sputnik. "Biz Dağlıq Qarabağdakı vəziyyəti diqqətlə nəzərdən keçirdik. Biz yanvarın 11-də Rusiya və Azərbaycan prezidentləri, həmçinin Ermənistanın Baş nazirinin görüşündə əldə olunan razılaşmalar barədə (qonağı) məlumatlandırdıq". Sputnik Azərbaycan xəbər verir ki, bunu Rusiyanın xarici işlər naziri Sergey Lavrov iranlı həmkarı Məhəmməd Cavad Zəriflə görüşünün yekunlarına dair keçirdiyi mətbuat konfransında bildirib.

"Bu görüşdə region ölkələrinin də iştirakı ilə Cənubi Qafqazda iqtisadi, nəqliyyat və digər əlaqələrin bərpası üçün əməkdaşlığa dair qərar qəbul edilib. Biz əminik ki, bu iş Dağlıq Qarabağ ətrafında vəziyyətə dair qalan siyasi aspektləri ədalətli əsasda, Azərbaycan və Ermənistan xalqları, həmçinin onların qonşularının maraqları çərçivəsində tam həll etməyə imkan verəcək", - deyə Lavrov qeyd edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

2
Teqlər:
görüş, Məhəmməd Cavad Zərif, Sergey Lavrov, Azərbaycan, Qarabağ