Türkiyə təhlükəsizlik xidmətinə aid zirehli maşın 27 generalın məhkəməsi keçirilən binanın yaxınlığında dayanıb. Ankara, 18 iyul 2016-cı il

Türkiyə Silahlı Qüvvələri açıqlama yaydı

101
TSK: Bu rəzaləti Türkiyə dövlətinə, keçmişi şan və şöhrətlə dolu Türkiyə Silahlı Qüvvələrinə, millətimizə yaşadan alçaqlar ən ağır şəkildə cəzalandırılacaqlar.

BAKI, 19 iyul — Sputnik. Türkiyə Silahlı Qüvvələrinin Baş Qərargahı hərbi çevriliş cəhdinin detallarını açıqlayıb. 

Sputnik Türkiyənin "Cumhuriyyet" qəzetinə istinadən bildirir ki, TSK-nın yaydığı rəsmi məlumatda aşağıdakılar qeyd olunur:

"Bu çevriliş cəhdi hər nə qədər Türkiyə Silahlı Qüvvələrinin bazasında başlanmış olsa da, bunu həyata keçirməyə çalışan satqınların xalqımızın peyğəmbər ocağı adlandırdığı Türkiyə Silahlı Qüvvələrində vətənini, millətini, bayrağını sevən əksəriyyətlə qətiyyən heç bir əlaqəsi yoxdur.

İyulun 15-də saat 16:00-da Milli İstihbarat Təşkilatı (MİT) tərəfindən verilən məlumat Türkiyə Silahlı Qüvvələrinin Baş Qərargah rəisi, ordu generalı Hülusi Akar, Quru Qoşunlarının komandanı, ordu generalı Salih Zeki Çolak, Baş Qərargah rəisinin müavini, ordu generalı Yaşar Güler tərəfindən dəyərləndirilib. 

Nəticədə Baş Qərargah rəisi Türkiyə Silahlı Qüvvələri Komandanlığın Hərəkətəkeçmə Mərkəzinin rəhbəri, general-mayor İlhan Kırtıla ölkənin hava məkanında ikinci bir əmrə qədər heç bir hərbi hava nəqliyyatının (təyyarə, helikopter və s.) uçmaması, havada olanların isə dərhal bazalarına qayıtması, Hərbi Hava Qüvvələri Komandanlığına hərbi vasitələrin uçuşlarının, Etimesgutdakı Zirehlı Birliklər Məktəbinə, Təhsil Tüməni Komandanlığına tank və zirehlı vasitələr başda olmaqla bütün hərbi nəqliyyat vasitələrinin hərəkətinin qarşısının alınması, heç bir şəkildə bayıra çıxmamaları üçün zəruri tədbirlərin görülməsi barədə əmrlər verib. Eyni zamanda Baş Qərargah rəis müavininin əmri ilə Türkiyə Hərbi Hava Qüvvələrinə məxsus bütün hərbi nəqliyyat vasitələrinin uçuşlarının qarşısının alınması barədə təlimat verilib.

Ancaq bütün bunlara baxmayaraq, içərimizdə şişə çevrilmiş bir qrup xain özlərinə əmanət edilmiş və düşmənə qarşı istifadəsi zəruri olan silahlardan dövlətimizə, silah yoldaşlarına və xalqımıza qarşı yararlanmağa belə tərəddüd göstərməyiblər. Bu qeyri-qanuni dəstəyə mənsub olan terrorçu xainlər (FETO) Baş Qərargah rəisini 2 saylı sənədi imzalaması və televiziyada oxuması üçün təhdid ediblər. Ancaq xainlərin bu tələbləri Baş Qərargahı rəisi tərəfindən təhqiramiz ifadələrlə, sərt etirazla rədd edilib.

Yüksək siyasi liderlik, Türkiyə Silahlı Qüvvələrinin həqiqi övladları, qəhrəman polis və millətimizin terrorçu xainlərlə mübarizəsi nəticəsində bağrımızda bəslədiyimiz ilanlara layiq olduqları cavab verilib. Bu rəzaləti Türkiyə dövlətinə, keçmişi şan və şöhrətlə dolu Türkiyə Silahlı Qüvvələrinə, millətimizə yaşadan alçaqlar ən ağır şəkildə cəzalandırılacaqlar. Hazırda Türkiyə Silahlı Qüvvələri demokratik hüquq sistemi çərçivəsində dövlətimizin və millətimizin əmrində vəzifəsinin başındadır".

101
Teqlər:
hərbi dövlət çevrilişi, ordu generalı Salih Zeki Çolak, ordu generalı Yaşar Güler, Baş Qərargah rəisi, ordu generalı Hülusi Akar, Türkiyə Silahlı Qüvvələrinin Baş Qərargahı, Türkiyə Silahlı Qüvvələri, Türkiyə, çevriliş
Mövzu:
Türkiyədə hərbi çevriliş cəhdi (36)
Əlaqədar
Con Kerri: Əvvəlcə Türkiyə Gülənlə bağlı dəlilləri göstərsin
Türkiyə ABŞ-ın İncirlikdəki hərbi bazasını bağladı
Türkiyə Silahlı Qüvvələrinin 2-ci ordusunun komandanı həbs edilib
Türkiyə Böyük Millət Məclisində fövqəladə toplantı keçirilir
Türkiyə Silahlı Qüvvələrinin 5 generalı və 29 polkovniki saxlanılıb

İki gün əvvəl ordudan tərxis olunan könüllü əsgər ölüb

24
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

24
Qəza, arxiv şəkli

Cəlilabadda ağır yol qəzası olub, ölən yaralananlar var

15
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

15