BAKI, 29 iyun — Sputnik. Sputnik İnformasiya agentliyi və radiosu Azərbaycanda ilk dəfə keçirilən Formula 1 Avropa Qran-Prisi haqqında ictimaiyyət arasında məlumatlılığın artırılmasında və yarışla əlaqədar görülən işlərin davamlı şəkildə yüksək səviyyədə işıqlandırılmasında göstərdiyi böyük xidmətə görə təşəkkür diplomu və üzərində Formula 1 simvolu olan hədiyyə ilə mükafatlandırılıb.
Xatirə hədiyyəsi, həmçinin Azərbaycan gənclər və idman naziri və Bakı Şəhər Halqası Əməliyyat Şirkətinin sədri Azad Rəhimovun imzası ilə diplom Sputnik Azərbaycan-ın rəhbərliyinə təqdim edilib.
Sputnik Azərbaycan agentliyi Azərbaycan və rus dilində yarışın gedişatı və nəticələri ilə oxucuları operativ olaraq məlumatlandırıb, eyni zamanda yarışdan maraqlı videolar və fotoşəkillər, müxtəlif pilotlardan müsahibələr hazırlayaraq oxucuların diqqətinə çatdırıb.
Xatırladaq ki, Azərbaycanda ilk Formula 1 Avropa Qran-Prisi 17-19 iyun tarixlərində Bakı şəhərində keçirilib.
