Bakı metrosu

Bakı metrosunun qrafiki dəyişdi

121
Paytaxt sakinlərinin yay istirahətini şəhərdən kənarda keçirmələri metropolitendə sərnişin axınının əhəmiyyətli dərəcədə azalmasına səbəb olub

BAKI, 22 iyun — Sputnik. Bu gündən etibarən Bakı metrosunda qatarlar yay qrafikinə keçib. "Bakı Metropoliteni" QSC-nin mətbuat xidmətindən AZƏRTAC-a bildirilib ki, yay aylarında tədris mövsümünün başa çatması, həmçinin paytaxt sakinlərinin yay istirahətini şəhərdən kənarda keçirmələri metropolitendə sərnişin axınının əhəmiyyətli dərəcədə azalmasına səbəb olur.

Yay qrafikinə uyğun olaraq, tərtib edilən cədvələ görə, bir saat ərzində hərəkət yükü nəzərə alınaraq, xətlərdə qatarlararası intervallarda dəyişikliklər edilib. Artıq pik saatlarda "Həzi Aslanov" metro stansiyasından "28 May" metro stansiyasına qədər və əks istiqamətdə interval 2,5 dəqiqə olacaq. Qeyd edək ki, gur hərəkət səhər saat 8-dən 10-a, axşam isə 5-dən 8-in yarısına qədərdir. Qalan vaxtlarda bu istiqamətdə 3 dəqiqəlik intervala hesablanmış hərəkət təşkil ediləcək. Yalnız gecə saatlarına yaxın hərəkət daha böyük intervalda olacaq.

Məlumdur ki, metropolitendə iki xətt olsa da, qatarlar yolun əsas hissəsini bir xətt üzrə qət edir. Buna görə də "28 May" metro stansiyasından sonra hərəkət zamanı həm "İçərişəhər", həm də "Dərnəgül" metro stansiyaları istiqamətində interval iki dəfə artır. Qrafik yeni tədris mövsümünə qədər qüvvədə olacaq.

121
Teqlər:
qrafik, vaqon, qatar, "Bakı Metropoliteni" QSC, metro, Bakı metrosu
Əlaqədar
Bakı metrosunun giriş-çıxış qrafiki dəyişir
İnsanlar niyə Bakı metrosuna minməkdən imtina edirlər?
Bakı metropoliteni rəqəmlərdə
Bakı metrosunun yeni, "bənövşəyi" xətti
Bakıda beşmərtəbəli metro olacaq