Tut ağacı

Qaxda keçirilən qeyri-adi bayram turistləri valeh edib

304
Məryəm Əzizova: Turistlər tutdan hazırlanan nemətlərin dadına baxdılar və bu, onlara qeyri-adi təsir bağışladı. Yəqin ki, onlar bu gözəl günü heç vaxt unutmayacaqlar.

BAKI, 18 iyun-Sputnik. Azərbaycanın Qax rayonunda qeyri-adi bayram — tut bayramı keçirilib. 

Sputnik-in məlumatına görə, tədbir rayonda fəaliyyət göstərən mədəniyyət evləri, klubları və kitabxana işçilərinin iştirakı ilə Qum kəndində baş tutub.

Dahi Nizami Gəncəvinin "Bəsləsən atlas olar tut yarpağından" misrasının şərəfinə eyni ad altında təşkil olunmuş tədbirdə, ilk olaraq iştirakçılar tut ağacını silkələyiblər.

Tut bayramının ardı isə daha çox maraq doğurub. Mədəniyyət evlərinin kollektivləri tərəfindən süfrələrə tutdan hazırlanan məhsullar düzülüb. İsti təndir çörəyi bişirilərək tədbir iştirakçılarına paylanılıb.

Tədbir iştirakçıları tutun insan orqanizminə faydasından danışıblar.

Tədbirə rayon mədəniyyət evinin və incəsənət məktəbinin kollektivlərinin bir-birindən maraqlı çıxışları rəng qatıb. Tuta aid mahnılar və şerlər səsləndirilib.

Tədbirdə rayona gələn yerli və xarici turistlər də iştirak ediblər. Bu bayram xarici turistlər arasında maraqla qarşılanıb. Onlar tut və tutdan hazırlanan yeməklərdən dadıblar, xatirə üçün video və bolluca şəkil çəkdiriblər.

Tut bayramı rəngarəng mahnı və rəqslərlə davam etdirilib. Turistlər də yerli camaata qoşularaq rəqs ediblər.

Qum kəndinin sakini Məryəm Əzizova Sputnik-ə bildirib ki, tutdan olduqca müxtəlif yeməklər hazırlanır. Tutlu aş, tutlu çığırtmalı plov, tut sıyığı, bəkməz, tut mürəbbəsi, bəkməzli xəşil yerli sakinlərin ən çox sevdiyi yeməklərdir. "Əhali ağ tutdan sirkə hazırlayır ki, o da turşuya qoyulmuş tərəvəzləri olduqca keyfiyyətli saxlayır. Tutdan çəkilmiş araqdan isə müalicə vasitəsi kimi geniş istifadə olunur" — deyə M.Əzizova bildirib.

Tut bayramını keçirməkdə məqsədə gəlincə, M.Əzizova deyib ki, gənclərin tutdan hazırlanan mətbəx nümunələri ilə bilavasitə tanış olmasını istəyirlər.

"İstəyirik ki, bizdən sonra onlar da tutdan hazırlanan yeməkləri və digər nemətləri unutmasınlar, gələcəkdə öz süfrələrində istifadə etsinlər. Həmçinin bizim bu tədbirimiz turizm mövsümünə təsadüf edir. Gördüyünüz kimi bu tədbirdə Qum kəndinə gələn qonaqlar da iştirak edir. Bu onların bizim mətbəximizlə yaxından tanış olmaları üçün yaxşı fürsətdir. Sevindiricidir ki, onlar tutdan hazırlanan nemətlərin dadına baxdılar və bu, onlara qeyri-adi təsir bağışladı. Yəqin ki, onlar bu gözəl günü heç vaxt unutmayacaqlar" — deyə kənd sakini əlavə edib.

304
Teqlər:
Qaxda tut bayramı, tut bayramı, Bəsləsən atlas olar tut yarpağından, Qum kəndi, turistlər, Qax rayonu, Qum, bayram, Nizami Gəncəvi
Əlaqədar
Qax məktəbliləri flaşmob keçiriblər
Qax sakinləri çağırış etdilər: Qızlar, təhsilə davam!
Azərbaycanın bu bölgəsində müsəlmanlarla xristianlar birgə ibadət edirlər
Avtomobil tıxacı, arxiv şəkli

Bakıda bir neçə istiqamətdə sıxlıq var: birinə qəza səbəb olub - FOTO

2
Mais Ağayevin sözlərinə görə, küçə və prospektlərdə sıxlıq səbəbindən bütün istiqamətlərdə avtobuslar gecikmə ilə hərəkət edir

BAKI, 27 noyabr — Sputnik. Paytaxtın bir neçə küçə və prospektlərində sıxlıq müşahidə olunur.  Sputnik Azərbaycan bildirir ki, Bakı Nəqliyyat Agentliyinin mətbuat katibi Mais Ağayevin verdiyi məlumata görə, sıxlıq səbəbindən bütün istiqamətlərdə avtobuslar gecikmə ilə hərəkət edir.

Sıxlıq müşahidə olunan ərazilər:

Ziya Bünyadov prospekti – Çermet körpüsündən 20 yanvar dairəsi istiqamətində və Ayna Sultanova parkından Koroğlu metrosu istiqamətində;
Tbilisi prospekti – şəhər istiqamətində və 20 yanvar dairəsi istiqamətində;
Koroğlu Rəhimov küçəsi -Heydər Əliyev prospekti istiqamətində;
Yusif Səfərov küçəsi –Heydər Əliyev prospekti istiqamətində;
Üzeyir Hacıbəyov küçəsi – Cavanşir körpüsünün üstü;
Abbasqulu ağa Bakıxanov küçəsi – Türkiyə səfirliyi istiqamətində nisbətən sıxlıq;
Şah İsmayıl Xətai prospekti –Təhsil Nazirliyinin yanı Heydər Əliyev prospekti istiqamətində sıxlıq;
Mikayıl Əliyev küçəsi –Heydər Əliyev prospekti istiqamətində;
Mikayıl Useynov prospekti –Azneft dairəsi istiqamətində;
Neftçilər prospekti –Azneft dairəsi istiqamətində sıxlıq;
Mustafa Kamal Atatürk prospekti –Ziya Bünyadov prospekti istiqamətində;
Heydər Əliyev prospekti –şəhər istiqamətində kənar yol.

Həmçinin, Z.Bünyadov prospektində (Poladəritmə zavodunun qarşısında) tunelə girişdə yol-nəqliyyat hadisəsi səbəbindən yolda sıxlıq müşahidə olunub.

3-cü Mikrorayon dairəsində hərəkətdə çətinlik yaranıb, dairə ətrafında tıxac var.

2
Teqlər:
sıxlıq, qəza, tıxac, Bakı
Bakıda avtobus, arxiv şəkli

BNA daşıyıcılara mesaj göndərdi

3
(Yenilənib 18:36 27.11.2020)
"Hər hansı bir daşıyıcı tərəfindən bu işlərin icrasında hər hansısa laqeydlik olarsa, o zaman buna qarşı təcili tədbirlər görülür".

BAKI, 27 noyabr — Sputnik. Pandemiyanın ilk günündən sərnişinlərin sağlamlığının qorunması məqsədilə əks-epidemik tədbirlər davam etdirilir. Bakı Nəqliyyat Agentliyindən (BNA) Sputnik Azərbaycan-a verilən məlumatda bildirilir ki, hər gün 30 istehsalat bazasında axşam xətdən qayıdan avtobuslar müvafiq qaydada yuyulur, təmizlənir və xüsusi dərman məhlulları ilə dezinfeksiya olunur:

"Mütəmadi olaraq işlərə nəzarət məqsədilə əməkdaşlarımız gecə saatlarında istehsalat bazalarında olurlar. BNA əməkdaşları hər gün avtobusların dezinfeksiya edilməsi prosesinə nəzarət edirlər. Hər hansı bir daşıyıcı tərəfindən bu işlərin icrasında hər hansısa laqeydlik olarsa, o zaman buna qarşı təcili tədbirlər görülür".

3
Teqlər:
Koronavirus, epidemiya, COVID-19, dezinfeksiya, mesaj, xəbərdarlıq, sərnişindaşıma, BNA
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar