Berat Albayraq

Ərdoğanın kürəkəninə Azərbaycanla bağlı vəzifə verdilər

176
(Yenilənib 16:12 17.06.2016)
Berat Albayrak Abid Şərifovla eyni komissiyaya rəhbərlik edəcək.

BAKI, 17 iyun-Sputnik. Türkiyənin energetika və təbii sərvətlər naziri Berat Albayrak Azərbaycanla Türkiyə arasında iqtisadi əməkdaşlıq üzrə birgə hökumətlərarası komissiyanın həmsədri təyin olunub.

Sputnik-in məlumatına görə, bu barədə xəbər Türkiyənin rəsmi məlumat bülleteni olan "Resmi Gazete"də dərc olunub.

Məlumata görə, Türkiyənin baş naziri Binali Yıldırım bununla bağlı müvafiq sərəncam imzalayıb.

Sərəncama görə Albayrak, Azərbaycanla yanaçı, Əlcəzair, Çin, Nigeriya, Liviya, Uqanda və Venesuela ilə də iqtisadi əməkdaşlıq üzrə birgə hökumətlərarası komissiyanın həmsədri təyin edilib.

Qeyd edək ki, Berat Albayrak Türkiyə prezidenti Rəcəb Tayyib Ərdoğanın qızı Əsra Ərdoğanın həyat yoldaşıdır.

Sözügedən komissiyanın Azərbaycan tərəfdən həmsədri baş nazirin birinci müavini Abid Şərifovdur.

176
Teqlər:
Əsra Ərdoğan, Türkiyənin baş naziri Binali Yıldırım, hökumətlərarası komissiya, Türkiyənin energetika və təbii sərvətlər naziri Berat Albayrak, Abid Şərifov, Berat Albayrak, Türkiyə prezidenti Rəcəb Tayyib Ərdoğan, Türkiyə, Azərbaycan
Əlaqədar
Rəcəb Tayyip Ərdoğan Vladimir Putinə məktub yazıb
Ərdoğan Məhəmməd Əlinin cənazə namazını qılacaq
Ərdoğan: Almaniya rəhbərləri hansı üzlə bizim qarşımıza çıxacaqlar?
Ərdoğan: “Rusiya bizdən hansı ilk addımı gözləyir, anlamıram”
Ərdoğan hədəfinə yaxınlaşır: sultanlıq, yoxsa siyasi sabitlik?
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

294
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

294
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9