Azərbaycan ordusunun əsgərlərinin and içmə mərasimi. Arxiv şəkli

Elm təhsil dalınca gedənlərə hərbi xidmətdən möhlət verildi

142
(Yenilənib 17:53 14.06.2016)
"Hərbi vəzifə və hərbi xidmət haqqında" Qanunda dəyişikliklər edildi.

BAKI, 14 iyun-Sputnik. Milli Məclisin bugünkü növbədənkənar iclasında "Hərbi vəzifə və hərbi xidmət haqqında" Qanunda dəyişikliklərə baxılıb.

Sputnik xəbər verir ki, layihə barədə danışan Milli Məclis sədrinin birinci müavini Ziyafət Əsgərov indiyədək hərbi xidmətə çağırışdan möhlət hüququnun ancaq bakalavriat pilləsində təhsil alanlara verildiyini söyləyib.

Qeyd edilib ki, indiyədək Azərbaycanda ali təhsil müəssisələrində və onların filiallarında əyani təhsilalma formasında ali təhsil pilləsində (bakalavriat), ali baza tibb təhsili və rezidenturada təhsil alanlara təhsilini bitirənədək, xarici ölkələrin siyahısı Təhsil Nazirliyi tərəfindən təsdiq edilmiş təhsil müəssisələrində əyani təhsilalma formasında ali təhsil pilləsində (bakalavriat), tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək hərbi xidmətə çağırışdan möhlət verilib.

Vurğulanıb ki, bundan sonra ölkəmizdə əyani təhsilalma formasında magistraturada, doktoranturada, xarici ölkələrin təhsil müəssisələrində əyani təhsilalma formasında ali təhsil pilləsinin magistratura və doktorantura səviyyələrində də təhsil alanlara müvafiq təhsilini bitirənədək hərbi xidmətə çağırışdan möhlət veriləcək.

Dəyişiklik səsə qoyularaq qəbul olunub.

142
Teqlər:
"Hərbi vəzifə və hərbi xidmət haqqında" Qanun, möhlət, hərbi xidmət, təhsil, rezidentura, doktorantura, magistratura, Təhsil Nazirliyi, möhlət hüququ
Əlaqədar
"300 magistra möhlət hüququ verməklə ordumuzun qüdrəti azalası deyil"
Magistr və doktorantlara möhlət verilməməsi ciddi etiraz doğurub