Перестрелка в Актобе

Qazaxıstanda terrorçuları yaxalayıblar

36
(Yenilənib 13:17 12.06.2016)
Qazaxıstanın Aktobe şəhərində aparılan xüsusi əməliyyat nəticəsində axtarışda olan üç terrorist həbs olunub.

BAKI, 12 iyun-Sputnik. Qazaxıstanın Aktobe şəhərində aparılan xüsusi əməliyyat nəticəsində axtarışda olan üç terrorist həbs olunub.

Sputnik-in məlumatına görə, bu barədə məlumatı Qazaxıstanın Milli Təhlükəsizlik Komitəsi yayıb.

Məlumata görə, Kuanışbayev, Tanatarov və Akpanbetov həbs olunublar. Qaçmağa cəhd göstərən Akpanbetov ayağından yaralanıb.

Xatırladaq ki, iyunun 5-də Qazaxıstanın Aktobe şəhərində silah dükanına və hərbi hissəyə hücum edilib. Hücum nəticəsində ölən və yaralananlar olub. Daha sonra Qazaxıstanın bir neçə ərazisində analoji hadisələr qeydə alınıb. Əvvəl hücumçuların radikal dini təşkilatın üzvləri olduqları bildirilib. Daha sonra bu aktların hazırkı prezident Nursultan Nazarbayevin hakimiyyətinin devrilməsinə yönəlmiş aktlar olduğu, o şəxsləri dövlət çevrilişi etməyə cəhd göstərdikləri bildirilib.

Nazarbayev terrorçulara qarşı sərt önləyici tədbirlər görülməsini hökumətə tapşırıb.

36

İki gün əvvəl ordudan tərxis olunan könüllü əsgər ölüb

24
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

24
Qəza, arxiv şəkli

Cəlilabadda ağır yol qəzası olub, ölən yaralananlar var

15
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

15