Перестрелка в городе Актобе, Казахстан

Qazaxıstanda qanlı olaylar baş verib

28
(Yenilənib 18:01 05.06.2016)
Qazaxıstanın Aktoba vilayətinin inzibati mərkəzi olan Aktoba şəhərində atışma nəticəsində 6 nəfər ölüb.

BAKI, 5 iyun-Sputnik. İyunun 5-də Qazaxıstanın Aktoba vilayətinin inzibati mərkəzi olan Aktoba şəhərində atışma nəticəsində 6 nəfər ölüb.

Sputnik-in məlumatına görə, Qazaxıstan Daxili İşlər Nazirliyinin rəsmi təmsilçisi Almas Sadubaev xəbəri təsdiqləyib.

A. Sadubaevin sözlərinə görə, Qazaxıstan Daxili İşlər Nazirliyinə naməlum şəxslərin Aktoba şəhərindəki "Pallada" silah mağazasına, saat 15.45 (Bakı vaxtı ilə saat 14:45) radələrində digər silah mağazasına və Milli Qvardiyanın hərbi hissəsinə hücum etdikləri barədə məlumat daxil olub. Nəticədə "Pallada" mağazasının satıcısı öldürüb, bir nəfər yaralanıb. Milli Qvardiyanın hərbi hissəsinə hücum zamanı bir zabit və müqavilə əsasında xidmət edən hərbçi ölüb, 9 hərbçi yaralanıb. Görülən tədbirlər nəticəsində silahlılardan 3-ü öldürülüb, biri saxlanılıb, bir neçə silahlı isə mühasirəyə alınıb, bəzi silahlılar isə qaçmağa nail olublar.

A. Sadubaev Aktoba şəhərindəki silahlıların qeyri-ənənəvi dini cərəyanın tərəfdarları olduğunun ehtimal edildiyini bildirib. Qaçan silahlıların saxlanılması istiqamətində əməliyyat keçirilir. Aktoba şəhərində antiterror əməliyyat rejimi elan edilib, müəssisələrin və ictimai nəqliyyatın işi dayandırılıb.

Bundan əvvəl məlum olub ki, Qazaxıstanın Aktoba vilayətinin inzibati mərkəzi olan Aktoba şəhərinin bir neçə rayonunda atışma gedir.

Xəbəri Qazaxıstanın "Diapazon" nəşri yayıb.

Şahidlərin sözlərinə görə, atışma bu gün saat 13:00 radələrində başlayıb. Soyğunçular əvvəlcə Sputnik rayonunda silah mağazasını talan ediblər. 24-30 yaşlı kişilər hərbi hissədə hərbiçiləri girov götürüb eyni zamanda Aktoba şəhərində İleksk polis bölməsinə hücum çəkiblər. Atışma zamanı 2 nəfər xəsarət alıb.

Polisin hücum çəkənlərdən bir neçə nəfəri saxladığı da bildirilir. Qəzet yazır ki, hazıra şəhərin Meqa və Siti-mərkəz bölgələrində böyük mağazalar, ticarət mərkəzləri, bazarlar bağlanır, əhali kütləvi evakuasiya edilir.

28

Professor: “Artıq ölkədə bölgədə yeni proseslərin şahidi olacağıq”

6
(Yenilənib 09:39 18.01.2021)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, son razılaşma ötən yüz ilin ən strateji, sistemli və ən əsası kompleks bir razışlaşma kimi dəyərləndirilməlidir
Elşad Məmmədov: “Bu, regional inkişafın dayanıqlı şəkildə formalaşmasına şərait yaradacaq”

“Bu gün imzalanan bəyanat bizim məqsədlərimizdən xəbər verir. Çünki hərbi əməliyyatların bitirilməsinə dair bəyannamənin maddələrindən biri nəqliyyat kommunikasiyalarının blokdan çıxarılması idi. Bu, regionun inkişafına böyük dinamizm gətirə biləcək sahədir, o, həmçinin təhlükəsizliyi də möhkəmlədəcək. Çünki nəqliyyat kommunikasiyalarının açılması Azərbaycan, Ermənistan, Rusiya və bizim digər qonşularımızın xalqlarının maraqlarına cavab verir”. Bu barədə Azərbaycan Prezidenti İlham Əliyev Moskvada keçirilən üçtərəfli görüşdə deyib.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, son otuz il ərzində Azərbaycan vahid təssrüfat sistemi baxımından ciddi problemlərlə üzləşirdi:

“Faktiki olaraq Naxçıvan Azərbaycanın iqtisadi inkişafından təcrid olunmuşdu. Düzdür, müxtəlif ölkələr vasitəsilə əlaqələr mövcud idi, amma bu bir sıra problemlər yaradırdı. Ona görə də hesab edirəm ki, Naxçıvanla əlaqələrin dəhlizlə vasitəsilə reallaşdırılması olduqca mühim məsələdir. Bu regional inkişafın daha dayanıqlı şəkildə formalaşmasına şərait yaradacaq. Artıq ölkədə və bölgədə yeni proseslərin şahidi olacağıq. Son razılaşma ötən yüz il ərzində ən strateji, sistemli və ən  əsası kompleks bir razışlaşma kimi dəyərləndirilməlidir”.

Qeyd edək ki, Rusiya, Azərbaycan və Ermənistanın Dağlıq Qarabağın inkişafına dair işçi qrupu yanvarın 30-dək ilk iclasını keçirəcək. Bu barədə üç ölkə liderinin Kremldə aparılan birgə danışıqlarının yekununa həsr olunmuş bəyanatında deyilir.

Elşad Məmmədovun geniş şərhinə audiofaylda qulaq asa bilərsiniz

6
Anar İsmayılovun lobya və qarğıdalı dənələrindən hazırladığı dekorativ fiqur

Yuxarı Gövhər ağa məscidi lobyadan hazırlanıb?! Tovuzlu gəncin unikal kəşfi

22
(Yenilənib 01:29 18.01.2021)
Tovuz sakini Anar İsmayılov: "Əvvəl də Şuşa məscidinin maketini hazırlamışdım, lakin onda ruh yox idi".

İlham Mustafayev, Sputnik Azərbaycan

BAKI, 18 yanvar — Sputnik. Ağ, qırmızı, qara rəngli lobyalar və qarğıdalı dənələrini bir yerdə təsəvvür edin. Bunlar ayrılıqda dənli və paxlalı bitki növləri olsa da, Tovuz sakini Anar İsmayılovun əlində dekorativ əl işləri üçün ləvazimata çevrilirlər. Gənc usta onlardan müxtəlif növ və ölçüdə dekorativ fiqurlar hazırlayır. Sputnik Azərbaycan-ın bölgə müxbiri ilə söhbətində A.İsmayılov 2016-cı ildən bu sahə ilə peşəkar şəkildə məşğul olduğunu bildirib. İndiyədək müxtəlif ölçüdə yüzlərlə suvenir hazırlayıb. Ən sevdiyi işi isə zəfər ərəfəsində hazırladığı Şuşadakı Yuxarı Gövhər ağa məscidinin maketidir. Anar bu suveniri Şuşaya gedərək könüllü kimi çalışdığı Tovuz Gənclər Evi adından məscidə hədiyyə etmək istədiyini söyləyib:

© Sputnik / Ilham Mustafa
Anar İsmayılov
“Mən əvvəllər də Şuşa məscidinin maketini hazırlamışam. Həmin əl işini 2016-cı ildə işğaldan azad edilən Cocuq Mərcanlıya aparıb hədiyyə etmişdim. Lakin həvəssiz düzəltmişdim. Şuşa işğalda olduğundan o əsərdə ruh yox idi. İkinci məscid maketini isə noyabrın əvvəllərindən hazırlamağa başladım. Hazırladıqca qələbənin qoxusunu duyurdum. Belə də oldu, suvenir hazır olmamış prezident Şuşanın azad olunması xəbərini elan etdi", - deyə Anar bildirib.

A.İsmayılovun sözlərinə görə, hər əl işinə 3 gündən bir ayadək vaxt sərf edir. Ləvazimatlara gəlincə isə, böyüklüyündən asılı olaraq 2-5 kq lobya lazım olur. Əvvəl kartonla hazırlamaq istədiyi fiqurun maketini hazırladıqdan sonra üzərinə yapışqanla lobya dənələri yapışdırır. O, hazırladığı suvenirə rəng vurmur. Rəng müxtəlifliyini yaratmaq üçün rəngli lobyalar və qarğıdalıdan istifadə edir. Sonunda isə şəffaf lak çəkərək əl işini həm uzun ömürlü, həm də gözəl edir.

  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
  • Anar İsmayılov
    © Sputnik / Ilham Mustafa
  • Anar İsmayılovun lobya və qarğıdalı dənələrindən hazırladığı dekorativ fiqur
    © Sputnik / Ilham Mustafa
1 / 7
© Sputnik / Ilham Mustafa
Anar İsmayılovun lobya və qarğıdalı dənələrindən hazırladığı dekorativ fiqur

Tovuzlu gəncin indiyədək hazırladığı böyük ölçülü Heydər Əliyev muzeyi, "Alov qüllələri" kompleksinin maketləri bir çox sərgilərdə nümayiş olunub. 2018-ci ildə keçirdiyi sərgidə 120-dən çox əl işini nümayiş etdirib. A.İsmayılov eyni zamanda gələcək planlarından da bəhs edib:

“Hazırda işğaldan azad edilmiş ərazilərimizdə olan Xudafərin körpüsünün maketi üzərində işləyirəm. Bu əl işini də böyük ölçülü nəzərdə tutmuşam. Gələcəyə aid planlarım çoxdur. İndiyədək yerli sərgilərdə əl işlərimi nümayiş etdirmişəm. Pandemiyadan sonra əsərlərimlə xarici ölkələrin birində olmaq istəyirəm”, - deyərək planları haqda danışıb.
© Sputnik / Ilham Mustafa
Anar İsmayılovun lobya və qarğıdalı dənələrindən hazırladığı dekorativ fiqur

26 yaşlı dekor ustası suvenirlər hazırlamaqla yanaş, könüllü çalışdığı Tovuz Gənclər Evində maraqlananlara bu sənətin sirlərini də öyrədir.

22