Türkiyədə Almaniya Bundestaqının qərarına etiraz aksiyası

"Yaxın zamanda digər ölkələr “erməni soyqırımı”nı tanıya bilərlər"

88
Azər Rəşidoğlu: Əslində bu, tək Almaniyanın deyil, Avropa İttifaqnın Türkiyəyə deyil, məhz Ərdoğana qarşı sərgilədiyi mövqedir. Türkiyə müstəqil siyasət aparmaq istəyir, ancaq regionda yaranmış geosiyasi reallığı nəzərə ala bilmir.

BAKI, 4 iyun — Sputnik. Almaniya parlamentinin qondarma “erməni soyqırımı” ilə bağlı verdiyi qərar hüquqi tənzimləmə mexanizmi olmayan siyasi qərardır. Bu, hüquqi sənəd deyil, daha çox siyasi mövqedir. Bu, son dövrlər Ərdoğan ilə Merkel arasında Suriya qaçqınları ilə bağlı yaranmış problemə Berlinin verdiyi cavab idi.    

Bunu Sputnik-ə açıqlamasında politoloq Azər Rəşidoğlu deyib.

Politoloq bildirib ki, iki ölkə arasında münasibətlərə müəyyən mənada xələl gətirəcək, amma münasibətlərin düşmənçilik həddinə çatacağı güman edilmir. Fransa ilə bağlı da analoji ajiotaj yaranmışdı. Sonradan iki ölkənin siyasi elitası arasında əməkdaşlığın davam etdirilməsinin məqsədəuyğunluğu açıqlandı. 

O, deyib: “Ərdoğanın Suriya qaçqınları məsələsində reallıqları nəzərə almaması dünya dövlətlərinin ona qarşı çıxması ilə nəticələndi. Əslində bu, tək Almaniyanın deyil, Avropa İttifaqnın Türkiyəyə deyil, məhz Ərdoğana qarşı sərgilədiyi mövqedir. Türkiyə müstəqil siyasət aparmaq istəyir, ancaq regionda yaranmış geosiyasi reallığı nəzərə ala bilmir. Bu da əks tərəfin təpkisi ilə qarşılaşır. Lakin, bu məsələdə böyük bir ajiotajın qaldırılmasının əleyhinəyəm. Çünki, bir müddətdən sonra emosiyalar səngiyəcək və insanlar əslində siyasi qətnamə ilə qərarın fərqli olduğunu anlayacaqlar. Bir daha vurğulamaq istəyirəm ki, bu, bir qətnamədir və sadəcə olaraq siyasi mövqedir. Heç bir halda bunun tənzimlənməsi yoxdur və münasibətlərə ciddi şəkildə təsir göstərə bilməz”. 

Azər Rəşidoğlu, politoloq
© Sputnik / PAKİZƏ Q.
Azər Rəşidoğlu, politoloq

Politoloq qeyd edib ki, Almaniyada təxminən 5-7 milyona qədər türk yaşayır. Almaniya bir NATO üzvü olan Türkiyə ilə əməkdaşlıqda maraqlıdır. Odur ki, Almaniyanın əleyhinə isterik bəyanatlar vermək yolverilməzdir. Ərdoğan da, Merkel də hər ikisi bu qətnaməni kifayət qədər emosiyasız və soyuqqanlılıqla qarşıladılar. Güman edirəm ki, yaxın dövrlərdə digər ölkələr də “soyqırımı” ilə bağlı analoji addımlar ata bilərlər. Bu baxımdan Ankara öz diplomatiyasında müəyyən düzəlişlər etmək məcburiyyətindədir”. 

Azər Rəşidoğlu yaxın illər ərzində Türkiyənin Avropa İttifaqına üzv olmaq iddiasının gerçəkləşə biləcəyini güman etmir: “Amma bir müddətdən sonra münasibətlər düzələcək”.

Türkiyə-Rusiya münasibətlərinə gəldikdə isə politoloq qeyd edib ki, hər iki ölkə iqtisadi baxımdan ən azından bir-biri ilə əməkdaşlıqda maraqlıdır və yaxın zamanda iki ölkə arasında münasibətlərin normallaşa biləcəyini ehtimal edilir. 

Türkiyənin "Strategic Outlook" analitik mərkəzinin həmsədri Mehmet Fatih Öztarsu Sputnik-ə açıqlamasında deyib ki, Almaniyanın qaçqınlar məsələsində Türkiyəyə ehtiyac duyduğu bir zamanda belə bir qərarın qəbul edilməsi anlaşılan deyil: “Fəqət erməni lobbisinin uzun və səssiz fəaliyyəti nəticəsində bunu əldə etdiklərini söyləmək olar. Burada Yerevan ve diaspor işbirliyinin təşəbbüsü olduğu açıqdır”. 

Ekspert deyib ki, ötən həftə Yerevanın mərkəzində sabiq faşist əlaltısı erməni əsilli Qaregin Njdenin heykəlinin açılması və bu həftə Almanyada belə bir qərarın verilməsi maraqlıdır.

Mehmet Fatih Öztarsu bildirib ki, Türkiyə məqbul addımlar atmalıdır: “Rusiya ilə münasibətlərin pozulduğu bir vaxtda Almaniya ilə də “atışmaq” lazımsızdır. Daha sakit hərəkət edərək cavab vermək lazımdır. Almaniyanın da Türkiyəyə ehtiyacı olduğu çox önəmli problemləri var. Lazım gələrsə, bu problemlər üzərindən də mesaj vermək olar. Çünki, indiyədək aparılan siyasətin və verilən cavabların heç bir işə yaramadığını çox yaxşı bilirik”.

88
 Tovuzun Aşağı Öysüzlü kəndinin məktəbində

Bölgələrdəki məktəblərlə bağlı hansı qərar veriləcək? Nazirlik açıqladı

3
(Yenilənib 16:32 13.04.2021)
"Hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil".

Zülfiyyə Quluyeva, Sputnik Azərbaycan

BAKI, 13 aprel — Sputnik. Son günlər bölgələrdə yerləşən təhsil ocaqlarında koronavirusa yoluxma hallarının qeydə alınması rayonlarda da təhsilin distant formaya keçəcəyinə dair məlumatların yayılmasına səbəb olub. Xəbərlərə görə, Bakı, Abşeron, Sumqayıt, Gəncə, Şəkidən sonra koronavirusa yoluxma qeydə alınan məktəblərin yerləşdiyi rayonlarda da təhsilin distant formaya keçəcəyi bildirilir.

Qeyd edək ki, bir neçə gün öncə koronavirusa yoluxmaya görə bir sıra bölgələrdə əyani tədris dayandırılıb.

Ağdamda 7 məktəb koronavirusa görə distant tədrisə keçib. Ağdam rayon Gigiyena və Epidemiologiya Mərkəzinin direktoru Rəhman Məmmədov deyib ki, rayonun Birinci Yüzbaşılı, Alıbəyli, Əfətli, Mahrızlı, Baharlı-2, Dörd yol-2 və 150 saylı orta məktəblərdə əyani tədris prosesi müvəqqəti olaraq dayandırılıb. Həmin məktəblərdə müəllim və şagirdlərdən bəzilərinin COVID-19 testi pozitiv çıxıb. Eyni zamanda Əhmədağalı kənd tam orta məktəbində 2 sinif, Qaradağlı tam orta məktəbində 1 sinif, 87 saylı tam orta məktəbdə 1 sinif, 97 saylı tam orta məktəbdə 1 sinif fəaliyyətini dayandırıb. Tovuz, Qazax, Mingəçevir, Şəmkir rayonlarında da koronavirusa yoluxmaya görə ənənəvi tədrisi dayandırılan məktəblər var.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, hazırda şagird sıxlığı yüksək olan məktəblərdə əyani tədris dayandırılıb. Yoluxma qeydə alınan digər bölgələrdə isə şagird sıxlığı çox deyil:

"Bakıda 440 min şagird var. 1,6 milyon şagirdin yarısı bağlanan məktəblərdə yerləşir. Digər rayonlarda şagird sayı çox aşağıdır. Sıxlıq, demək olar ki, o qədər də çox deyil. Bundan əlavə, bölgələrdə intensivlik aşağıdır. Odur ki, virusa yoluxma qeydə alınan rayonlarda təhsili tam dayandırmağa ehtiyac yoxdur. Məktəblərdə tədrisin dayandırılması lokal xarakter daşımalıdır".

K.Əsədov bildirir ki, koronavirusa yoluxma qeydə alınan məktəblərdə ənənəvi təhsilin tam dayandırılması bölgələrdə təhsildən yayınmaya yol açır: "Əgər bölgələrdə bir neçə məktəbdə yoluxmaya görə rayon üzrə təhsil dayandırılsa, şagirdlər üçün problemlər yaranacaq. Çünki rayonların çoxunda alternativ təhsil almaq imkanı çox aşağıdır. Dərslər distanta keçərsə, bölgələrdə dərsə qoşulanların sayı azalır. Ona görə də bölgələrdə tədrisin dayandırılmasına ehtiyac yoxdur".

Ekspert deyir ki, hazırda virusa yoluxma Ağdam, Tovuz, Kürdəmir və Ucar rayonlarındakı təhsil müəssisələrində rast gəlinir: "Elə rayonlar var ki, oradakı ümumtəhsil müəssisələrində ümumiyyətlə virusa yoluxma yoxdur".

Təhsil Nazirliyinin mətbuat katibi Cəsarət Valehov Sputnik Azərbaycan-a açıqlamasında bildirib ki, bölgələrdəki məktəblərdə koronavirusa yoluxma barədə rayon gigiyena və epidemiologiya mərkəzləri tərəfindən mütəmadi məlumat verilir. C.Valehov bölgələrdəki koronavirusa yoluxma qeydə alınan məktəblərdə tədrisin lokal dayandırıldığını söyləyib:

"Koronavirusa yoluxma qeydə alınan məktəblərdə tədris həmin bölgə üzrə yox, yoluxma olan məktəblər üzrə distant formaya keçir".

C.Valehov deyib ki, hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil. Bütün bölgələr üzrə ümumtəhsil ocaqlarında virusa yoluxma qeydə alınır. Əgər yoluxma halları çoxdursa, məktəb müvəqqəti distant formaya keçir.

3
Teqlər:
Təhsil Nazirliyi, yoluxma, bölgələr, təhsil, distant, məktəb
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Ermənilərin Gəncəni raket atəşinə tutmasının nəticəsi, arxiv şəkli

Palata müharibə cinayətləri barədə xarici ölkələrin audit orqanlarını məlumatlandırıb

2
(Yenilənib 16:44 13.04.2021)
Vüqar Gülməmmədov: "44 günlük Vətən müharibəsi dövründə Hesablama Palatası da müsəlləh əsgər kimi işinin öhdəsindən layiqincə gəlməyə çalışıb".

Xalid Məmmədov, Sputnik Azərbaycan

BAKI, 13 aprel — Sputnik. "2020-ci il Prezident, Müzəffər Ali Baş Komandan İlham Əliyevin tam dəqiqliklə həyata keçirdiyi strategiyanın rəşadətli Ordumuz tərəfindən reallaşdırılan Zəfər ilidir. Ötən il 44 günlük Vətən müharibəsinin nəticəsində insanlarımızın yurd həsrətinə son qoyulmaqla, yaddaşlara şanlı səhifə kimi həkk olundu".

Sputnik Azərbaycan xəbər verir ki, bunu Hesablama Palatasının sədri Vüqar Gülməmmədov Milli Məclisin bu gün keçirilən iclasında "Hesablama Palatasının 2020-ci ildə fəaliyyəti haqqında hesabat" məruzəsi ilə çıxış edərkən deyib.

"Bu müharibə həm də dünya hərb elminə Azərbaycan Ordusunun rəşadət səhifəsi kimi daxil oldu. Biz müharibə dövründə dövlət-vətəndaş birliyinin şahidi olduq", - deyə o qeyd edib.

V.Gülmməmmədov bildirib ki, 44 günlük Vətən müharibəsi dövründə Hesablama Palatası da müsəlləh əsgər kimi işinin öhdəsindən layiqincə gəlməyə çalışıb: "Hesablama Palatası Azərbaycan xalqının öz torpaqlarını geri qaytarmaq uğrunda nümayiş etdirdiyi əzmi, düşmənin işğalçılıq siyasəti nəticəsində zəbt olunan torpaqlarda törətdiyi vandallıq aktları barədə ətraflı məlumatlar təqdim edilib. Hesablama Palatası müharibə zamanı qarşı tərəfin həyata keçirdiyi müharibə cinayətləri, münaqişə zonasından tamamilə kənarda yerləşən şəhərlərdə dinc əhaliyə qarşı törədilmiş terror aktları barədə digər ölkələrin ali audit orqanlarını məlumatlandırıb".

2